ڙۏڃۚــېْۧ ا̍ڸــڦــٰٱ̍ڛۜــې😍😍dz(مكتملة)عبدات شهيناز

{part6}

||الحلقة  😍 06||
وصلت نجية:لييييث ليث افتح البااااب، فتح عليها بكل دم بارد لقاتو يتكيف طبعاتو و راحت تجري لريتاج، نجية:ريتاج ريتاج نوضي ، مي مكان حتى ردة فعل عيطت للإسعاف داوهم ، لحقهم هو مفهمش علاه مي لحقهم، الطبيب:شكون راجلها؟، ليث:أنا ، خزرلو وقالو :مرتك تعرضت للضرب و نظنك تعرف هاد الشي راح تبقا عدنا يومين امبعد تقدر تخرج ، نجية:نتا ماشي وليدي ، ليث:ياو نتي لنخدعتي بيها، كانت تهرب مع لولاد، نجية:ني عارفة كلش و كامل واش حكاولك غالط روح عند صالح تفهم، يا خسارة تربيتي فيك، خرج و خلاها راح لحومة ريتاج سقسا حتى صاب دار صالح ، قعد معاه و سقساه على ريتاج، صالح:هاديك بنتي مسكينة عانات فحياتها يماها سمحت فيها و باباها مات و خلاها مع هاديك لي متتسماش كانت كل يوم تبيتها برا فالشتا مرات كنت نجيبها هنا و مرات كانت متقبلش تخاف الناس يهدرو عليها، كانت كل يوم تضربها برا قدام الناس و تقول عليها أنها حاولت تهرب مي تكذب ريتاج و نعرفها، حاولت نزوجها بوليدي باش تتهنا مي سمية مقبلتش حبتها تعاني و قالت أنها حبت تهرب معاه، واش نحكي و واش نخلي المهم دوك بنتي تزوجت و تهنات، ليث:ايييه تهنات سمحلي عمي أنا نروح، صالح:طريق السلامة وليدي......
يتبع.......
جآآآآآآآآآمـ للحلقة 😤