الحلقة18:
ريم باقية تدعي في ربي: ياربي يكون هذا زواج خير عليا ياربي كرهة تشرد لراني فيه حبا نستقر و تعيش وسط دار يحبوني ياربي عوض صبري خير ياربي.
بعد ايام نهار خطبت ريم معلبلهاش شكون لعريس خاطر فارس قالها لازمك تهزي فاتحة و تعقدي فدار باه تشوفي لعريس باه يضمنها متبطلش .
ريم عيطولها باه تدخل تمضي على لعقود في صالون معمر رجالة اهل لعريس و اهلها دخلت ريم كانت لابسة غوب نواغ مستورة و بخيمار و شوي مكياج جات ملاك يمشي على رجليه ♥♥ دخلت قاتلهم : سلام عليكم و هي منزل عينيها قبل منمضي عندي شرط لكان قبيلين نكملوا و لكان نو ربي يرزقكم من جهة خرا واش قلتوا ؟؟ فارس عينيه خرجوا وجدها تمنى لرض تتشق و تبلعوا رجال كامل دهشوا كيفاه طفلة تشرط بفمها في مجمع رجالة أب لعريس : قولي يابنتي متحشميش؟
ريم: وحد معلبالو بلي راني نقرا طب شرطي اني نكمل قرايتي واحد مايقف في وجه مستقبلي هذا هوا شرطي.
أب لعريس بتسم : هذا فخر لينا راح نديو طبيبة مستقبل و عماد ابني تاني وشر بصبعو ليه يقرا طب ملا كلشي مبروك علينا
ريم دورت شافة عماد بقلاااااااوة سمر و عينيه عسلي شعرو كحل و رطب دهشة فيه و طلع راسوا شاف فيها قلبها ولا يخبط و زربت هبطت راسها . إسلام محملش وقالها : ريييم تقدري تخرجي سيبو. دور عماد شاف معاه وحدة شوفة إسلام هبط راسوا.
كي روحوا رجالة فارس قدام باب بيتها يعيط و يقولها أخرجي ياكلبة ياكذابة تبهدلي بيا قدمهم انتي بلاك راكي مبطلا لقرايا و تقوليلهم طب . و زيد تشرطي قدام رجال أخرجي اخليفة حنان و بنت أحلام.
ريم: حنان مرا و ريبت عايلة كاملة كون جيتوا رجال كون ديتوا حقكم منها مش مني و من ماما مقدرتوش على حمار رحتوا لبردعة.
ناصر ضحك بكل شافوا فيه خاطر حنان موضوع حساس قلهم: صدقة حنان لدارت كلش مدرنالها والوا
أنت تقرأ
ڟــڶــمۘــ..څۡــٻۧــٰا̍نۨــة...ګــڕةنۨــېْۧــک ڃۚــژٰا̍ئــڕې(مكتملة)عبدات شهيناز
Humor😢 فلا تعجلْ على أحدٍ بظلمٍ فإِن الظلمَ مرتعُهُ وخيمُ. والظلمُ طبعٌ ولولا الشرُّ ما حمدتْ في صنعةِ البيضِ لا هندٌ ولا يمنُ. يا ظالماً جارَ فيمن لا نصيرَ له إِلا المهين لا تغترَّ بالمهل ِ غداً تموتُ ويقضي اللّه بينكما بحكمةِ الحق لابالزيغِ والحيلِ...
