*عطاره عم سعيد*المشهد العاشر*
قعدو يفتشوا
ومريم وقفه قدام القهوه وخايفه جدا
*العسكري*لقيت ده يافندم*
*سلطان*ده فرش حشيش جه منين*
*الضابط*انت اللي هتقولنا جه من فين ركبوه البوكس يلا أخيرا دا كان حلو واتحقق*
وركبوه البوكس
ومريم قعدت تصوت واغمي عليها وسيد واقف مش عارف يعمل اي
*مريم*سلطان سلطان* وفاقت مخضوضه
*فوزيه*اهدي يا ست مريم* وقعده بتعيط وادتها كوبايه ميه
*مريم*روحي لرجلة سلطان قوليلهم يجولي بسرعه*
*فوزيه*عنيا حاضر*
*سيد*مين هيكون حطه في المحل المعلم عمره مباع بضاعه هناك*
*بحر*سمعت الضابط بيقول أن حد بلغ أن في بضاعه في المحل*
*مريم*طب هنعمل اي همه لقوا كام فرش*
*بحر*خمسه ياستي*
*سيد*وعرفت اذاي وانت مكنتش موجود ساعتها*
*بحر*كل المنطقه بتتكلم في اي يا سيد انت فاكرني هخون المعلم*
*مريم*بااااااس هتخلوني أولد منكم لله*
*بحر*مش شايفه كلامه ياستي*
*سيد*مهو الوضع يخلينا نشك في اي حد*
*بحر*تخليك تشك فيا انت اتجننت انت مش عارف غلاوه المعلم عندي من ساعت ما انقظني من السجن وقررت ابقا ظهره من ساعتها*
*مريم*بس بقا من الخناق وشوف لنا حل في المصيبه دي*
*بحر*اول حاجه نوكل محامي*
*سيد*دي عليا*
*مريم*طب بسرعه روح للمحامي عشان نعرف وضع سلطان هناك*
*سيد*هنزل طياره دلوقتي*
______________
*التعلب*ها اي اللي حصل*
*.......*دخل السجن يا كبير*
*التعلب*هاهاهاهاها هوريه يعمل فيا أنا كده اذاي*
*......*هتخلينا نخلص منه وتعمل زي ما وعدتني*
*التعلب*بس ننفذ الخطه بالحرف*
*.....*أوامرك يا كبير*
*التعلب*واوعي اسمي يظهر عشان ياخد فلوس مني بعد كده دا لو عاش اصلا*
*.....*ياريت ويريحنا*
*التعلب*مراته جامده اوي*
*.....*بس دي حامل*
*التعلب*ياخساره بس هتولد امتي اهو نعمل للعيل سبوعه*
*.....*خلاص كلها كام شهر*
*التعلب*اهو العيل يجي وأبوه يتسجن*
*.....*وأمه*
*التعلب*هفسحهاا هاهاهاهاها*
__________________
*وكيل النيابه* كشف في قهوته خمس فرش حشيش*
*سلطان*بري والله بري انا مش بتاجر*
*وكيل النيابه*اسكت بدل ما احطك في حبس انفرادي*
*سلطان*ما بدافع عن نفسي*
*العسكري*في واحد محامي بره بيقول انو حاضر مع المتهم يا فندم*
*وكيل النيابه*طب دخله*
*المحامي* المحامي راجي سرور حاضر مع المتهم*
*وكيل النيابه*اتفضل*
*راجي*اقدر افهم اي تهمه موكلي*
*وكيل النيابه*اهو المحضر اتفضل اقرائه وهتفهم القضيه يا استاذ راجي*
*راجي*اه انا فهمته دلوقتي*
*وكيل النيابه*واي رد حضرتك*
*سلطان*أنا بري مش مصدقني لي*
*وكيل النيابه*هتسكت ولا اتصرف تصرف ميعجبكش*
*راجي*اقدر أكلمه علي انفراد*
*وكيل النيابه*خمس دقائق بس*
*راجي*كفايه اوي*
*سلطان*والله بري انا من ساعت اخر عمليه من سبع شهور*
*راجي*طب الحشيش جه ازاي القهوه*
*سلطان*معرفش ما ده اللي مجنني*
*راجي*طب شاكك في حد معيا*
*سلطان*انت عارف ان اللي بينافسوني كتير*
*راجي*يعني مش حد معيا*
*سلطان*في عداوه بيني وبين التعلب بقالها فتره*
*راجي*حد تاني ولا هو ده بس*
*سلطان*معتقدش بس بردو دا مش اكيد*
*راجي*هيبان في التحقيق*
وكيل النيابه دخل
*راجي*شكرا لحضرتك*
*وكيل النيابه ده حقه بس الاهم مش عاوز صوته يطلع*
*راجي*اكيد يا فندم.........
_____يتبع____رايكم_____
*#الملكه👑💜*
*#الكاتبه_حنان_حازم*
