نہجہمہه فہيہ وسہطہ ألضلأمہ

البارت الثاني

السلام عليكم 
{مامبريه الذمه التقره وماتصوت }
وهيه مالها علاقه هوه عيونه زايغه وهيه ثكيله الدرجه فاصعدت فوك الغرفتهة وسدت الباب وكعدت اترتب ودور شغله اسويهة كوه الحد ماكلولهة تعاي امج اصيحج رحتلهة جان ادكلهة
امهة :تعاي ساعدينه لو بس تتختلين هنا گمر انطتهة الأذن الطرشه راحت شافتهم مخلصين كلشي بس انحط الأكل عل طاوله مالت الطعام صحت العمتي تماره هاي أنا وياهة علاقتنه قويه لدرجه يعني اموت عليهة مرات اصيحلهة ماما وذيج امي اكلهة سعاد باسمهة المهم اجتني حطينه الأكل للزلم من نعبر من يمهم همه بس ايضحكون ويسولفون بس كل مانعبر هذا ابن عمتي مرتضى وأخوه احمد عينهم عليه بحيث اكلوني اكل  أنا مغلسه ماباوع بعين واحد بس اضحك واشاقه ويه اخواني الي همه ولد خالي مويد ومصطفى وامير وعلي وحسن وحسين ورائد  وثائروقيس وكمال هذوله واكو بعد بعدين أكلكم عليهم المهم ذولي اخواني من امي وأبوي وأصدقائي وكلش مويد اكبر واحد عمره ٢٤سنه يدرس طب عام مرحله ٦ومصطفى  عمره ٢٢يدرس طب أسنان مرحله ٣وامير وعلي توم ذوله عمرهم ٢١سنه يدرسون طب امير اختصاص جراحه دماغيه وعلي قلب وحسن  وحسين ذوله طب اختصاص نضر وثائروقيس  وكمال عمرهم ٢٠سنه كلهم صيدليه وهمه اخوان بس مو من نفس الام يعني هالي مزوج ٥ومطلك ٤وباقيات ٢بس وبعد عندي أولاد خال هواي المهم اتغدينه وأنا كعدت يم گمر 
بنت خالي أخت مويد كلش احبهة وأنا وياهة نفس العمر  ونفس الاسم حته جدها سماهة نفس اسمي بس اني  گمروهي ضوءالگمر  كضيناهة حش وضحك وكالت عمتي مرام   هاي مزوجه وعدهة ٤جهال ٣ولد ١ابنيه المهم كالت مرام 
تعرفين تشتغلين
امي كلتلهة :هههههه وين خيه الله يطي الريم ولو مانا جا هسه خاس البيت اشبيج انتي هيه ك.......ة كوه اشيله خايسه بس نوم انطيهة اهنا كلهة ساكته جان أنا مغلسه اكل وآباوع العمتي تماره
تماره :لا والله خو ماكو شي اشو كلما اجيهة تكنس ومره تغسل ومره تمسح بعد وين كله نايمه اصلن العلمج لو ماهيه جا هسه انتي ضاله بل ضيم ياحال ههههه اتكلي ريم وأنا خاب غير انتن الكاضياتهة نوم وهاي نسوان احموينج قصدهة على نسوان عمامي هنه حيات وجهين كالن هيه صدك تشتغل وأنا ساكته وضلت أدردم وماخلت عيب ماطلعت بيه خليت وكمت الحمدالله رحت غسلت وصعدت البيتنه فوك صاير هوسسسسسه مكلوب كلاب ضليت واكفه وصافنه كاعده من الصبح منضفته ونزلت هسه شنو هاي
..............
هلو بنات هذه البارت الثاني من القصه بنات غيرت اسم البطله من نجمه الى گمر يعني البطله گمر
لان حسيت گمر اسم احله كولولي رأيكم