Hawakan mo ang aking kamay
Maglakbay patungo sa kawalan
Maglakad sa ilalim ng mga bituing nakasilip sa mga ulap sa kalangitan
Magkwentuhan ng mga bagay na sumasalamin sa ating mga buhay
Mga pangyayari nagdadala ng mga lungkot at saya sa ating mga labi
Dahil handa kitang samahan kahit saan
Kalimutan muna ang mga problema
Hayaang tangayin ng hangin ang lahat ng ito
Magpakalunod sa ganda ng tanawing binibigay ng mundo
Malayo sa kabihasnan
Malayo sa mga resposibilidad
Magpakalayo-layo muna sa mga nakasanayan
At wag isipin kung ano ang susunod na nakatadhana
Dahil pinapangako ko sayo, di kita iiwanan, sabay tayong babalik sa reyalidad na hindi natin maiiwasan
