خلف الجدران﴿قصة مكتملة﴾

part3(ماذا يحدث.!؟)

*part 3(ماذا يحدث..!؟)*
*من رواية خلف الجدران*
*بقلم:ندى محمد عبد الكريم*
*&&&&&&&&&&&&&&&&&*
*#أمنية*
*معرفش أى الى حصل بالظبط واى الى شوفته دا كان اى وكتابى جيه مع الكتب دى ازاى.. هو اى الى بيحصل انا مش فاهمة حاجة خالص..روحت اكلم ريما شوية واحكلها الى حصل قالتلى حاجات كدا غريبة قالتلى: أيوة هما كدا بيجوا مع كل حرف بيتشاف خلى بالك احنا كدا ومحدش يقدر علينا هنخلص عليكم*

* مفهمتش كلامها كنت محتاجه اقعد مع نفسي شويه افهم هو ايه اللي  بيحصل وقعدت افكر كثير في اللي بيحصل.... طبعا انا عندي خبره كبيره في السحر وما فيش غير  اللي بيحصل ده هو شغل جن وغير ذلك بس ساعتها جالي حاجة  اقتنعت بها وهي ان اصلا عادي ممكن بتخرف اثار نوم و انا من كثر الافلام الرعب والكتب اللي بقرأها بتخيل مثلا وانا فضلت مقتنعة بكده ان كل ده مجرد خيال*
*بس لما صحيت الصبح كلنا ابتديت اسأل ريما ملامح وجهها باين عليه الاستغراب وقالت لي انها اصلا كانت نائمه امبارح وما قامتش تكلمني ولا اي حاجه  ولما قلتلها هي قالت ايه استغربت اكثر وقالت انها اصلا ما ماقمتش من مكانها بالليل وهي كانت نايمه من بدري علشان تصحى تشوف وراها ايه  وكذبت كل اللي قالته بالليل وقالت اكيد ده كله كان اثر تعب ولا اكثر ولا اقل و قالتلي ما تخافيش عادي ممكن تكون تخيلات او تهيؤات خلاص مع الوقت اقتنعت ان كل ده تخيلات*
*~~~~~~~~~~~~~~~~~~~~~~~~~~*
*#ريما*
*معرفش امنيه مالها غريبة اوى بتحب حاجات مفروض ما بتحبهاش زي القراءات في الكتب السفليه والحاجات دي ما اعرفش ايه الفكره انها بتحبك كل ده بس ارجع واقول ممكن دي تكون هوايه مش مهم يعني اكيد مش هتإذى حد.. انا نزلت ادور على شغل اصل انا نسيت احكيلكم حكايتي...انا واحده اتعلمت واتصرف عليا وماما وبابا حصل لهم حادثه مريعه قوي وساعتها فقت ماما وبابا.... ماما مكنتش بتخلف يعني بتالى انا يتيمه خالص و اهلي كلهم متبرين مننا علشان  تقدروا تقولوا كده مش مستواهم فى الفلوس والثروات كنا ناس على قد حالهم...وساعتها جي خالي وكان عايز يجوزني ابنه بالعافيه..ابن ما كانش كويس وانا كنت مستحيل اوافق على ده...حبسوني علشان اوافق بس هربت..ولما هربت جئت هنا القاهره وتعرفت على الاربع بنات دول وطبعا انتو عارفين الباقي*
*نزلت النهارده واشتغلت في مكتبه اصل انا بصراحه بحب الكتب جدا وما لقيتش فرصه زي دي اشوف هوايتي وبالتالي اشتغل واجيب فلوس واعرف اعيش واصرف على نفسى*
*ولما صحيت الصبح اول يوم ليا قابلت امنية وسالتني اسئله انا ما اعرفش اصلا انا عملتها امتى وازاي بس مش معقوله اكون بمشي وانا نائمه او هي اكيد بتخرف لان انا فعلا ما مقمتش من مكاني بجد انا فرحانه قوي بالشقه اللي احنا واخدينها دى احنا لما جينا وشفناها كانت مترتبه  من كل النواحى تلفزيون سراير ولبس وصناديق ماليانة حاجات كتير قولنا هنفتحها بعدين*
*بس حصلت حاجه خلتني فعلا ابتديت افكر في حاجه واعيد وازيد فيها.. احنا اول يوم سالنا السمسار وقال ان كل الناس اللي موجوده هنا سافرت وان فعلا ما فيش احد موجود..بس الغريبه ان الصبح لما نزلت كان الشارع مليان ناس  وكمان هدوم منشوره وناس بتجيب حاجات للبيت كان المكان كأن ولا كان في حد مسافر اصلا..محطتش في دماغي و رحت شغلي وابتديت اشتغل*
*~~~~~~~~~~~~~~~~~~~~~~~~~~*
*#مى*
انا بنت غير اي بنت معنا هنا..كلهم متخلفين تقريباا..معرفش بيقولوا تخااريف وخلاص انا مش بأمن بأى حاجة بيقولوها انا مش بأمن بالجن اساسا..انا مش هصدق حاجة انا اخرى اقعد معاهم بس علشان محتاجة المكان دا...بس ده كان كلامي لحد ما فريده جات اتهمتنى ان انا بسرق منها حاجتها لان حاجاتها بكل بساطه بتختفي...بس انا فعلا مخدتش حاجه بس كلهم فاكرين انا باخذ كل الحاجات بتاعتهم اللي كلها بتختفي يوم ورا يوم..ما كنتيش مصدقه اي حاجه من التخريف بتاعتهم لحد ما كنا كلنا نائمين وتخيلت في حد واقف على باب الاوضه بتاعتي...*
*~~~~~~~~~~~~~~~*
*خلص البارت ال3..رأيكم*