=واخيرا يامحمد بقينا لبعض
-ايواا حلمنا اتحقق اخيرا بعد حب 3 سنين وخطوبه سنتين انا عايز ازغرط والله
=ياقلبي انا محظوظة بيك ربنا يخليك ليا
-ويديم قلبك ليا ياقلبي
_________________________عدي سنتين جواز
-هاجرررر
=يانعم
-مين اللي معلقينلك دول
=دول اكيد من الفانز بتوعي
-فانز اي وزفت اي
=ياغتي ع الغيور ياناس
-انا مبهزرش دلوقتي
=الله مانت عارف اني بكتب من قبل مانتخطب ودايما الكل بيعلقلي وانت مبتتكلمش في اي بقا
-قبل الجواز حاجه وبعدو حاجه ،، انتي هتقفلي الايميل بتاعك ومفيش كتابه تاني
=يعني اي ،، الكلام ده مستحيل يحصل اصلا
مسكني من شعري-اللي بقولو هيتسمع
=انت اتجننت بتمد ايدك عليا اي اللي جرالك
طلع سجاره وولعها-مجاراليش بس مراتي متعصيش اوامري
=انت رجعت للزفت دا تاني ياحيوان
-اها رجعت وبراحتي
=مش عارف ان عندي حساسيه منها
-ميخصنيش
=اتحولت كده ليه يامحمد
-قلت ماحصلش زفت ولما اقولك كلمة تنفذيها من غير جدال
=ليه ان شاء الله انا محدش يؤمرني
-لا ءامرك وتنفذي متضطرينيش امد ايدي عليكي
=تمد اي قطع ايدك انا ماشيه
-ماشيه فين مش كفايه مستحملك ولسه مخلفتيش
الكلمه كسرتني حرفيا ... يعني هيا الخلفه بايدي !!
عيطت ومرديتش عليه لبست ونزلت وهو ماحاولش يمنعني حتي
=انا عايزه اتطلق ياماما
-طلاق اي بس يابنتي استهدي بالله
=اتحول لحيوان ياامي وبيعايرني عشان ماخلفتش وكإن الموضوع ب إيدي
-لا حول ولا قوة الا بالله مش روحنا كشفنا وقالت انك زي الفل
=ماهو مبيفهمش ،، وجعني بكلامو انا مبقيتش قادرة اعيش معاه
*الباب خبط*
-هروح افتح الباب واجيلك
-اهلا ازيك يابني
-ازيك ياطنط هاجر فين
-ف اوضتها ميته من العياط
-هدخلها
*خبط ع الباب*
=ادخل
-وحشتيني
وقفت=اي اللي جابك هنا
-جاي اصالحك
=اسفه المرادي مش هينفع
-يعني اي
=يعني طلقني مش هكمل معاك
-ده اخر كلام عندك
=ايوا بالظبط كده
-طيب اللي يريحك ،، بكرا ورقتك هتبقي عندك
*خرج*
-ليه كده بس يابنتي هتعرفي تعيشي من غيرو دانتي روحك فيه
=انا بحبو اوي ياماما بس مش هعرف اعيش معاه تاني ،، ده حتي ماتمسكش بيا قال اللي يريحك ونزل ،، شايفني وحشه ومبخلفش وبيوجعني بالكلام مع انو غصب عني ،، عايزني اسيب الكتابه مع انو عارف انها جزء مني ،، عايز يمشي كلامو عليا ومش مهتم لرأيي ده حتي مش مديني فرصه ادافع عن نفسي انا عايزة حد يآمن بيا ويساعدني اكمل مش يقتل موهبتي ويحبطني ،، مبقاش ينزل يصلي ورجع يشرب زفت سجاير ،، محمد اتحول كليا ياامي بقا انسان معرفهوش انا مش عايزاه يلعن الحب اللي ييجي منو وجع قلب وكسرة خاطر
قعدت شهرين انهيار ومش عايزه اقابل حد ولا اكلم حد ،، مش سهله اصلا 5 سنين حب راحو ع الفاضي
*دخلت امي جيبالي اكل ... فتحت الشباك *
-مش كفايه كده بقا انتي اللي اختارتي وهو اتجوز وشاف حياتو شوفي حياتك انتي كمان وطنشيه
=.....
-لسه بتحبيه
صرخت=بكرهو بكرهوووو
خدتني ف حضنها-طب اهدي عشان خاطري .... ربنا يعوضك يابنتي
عدي اسبوع وانا بحاول ابطل عياط وارجع اعيش من تاني ،، كتر العياط والحسرة حولنى لهيكل مبقيتش قادرة اقف حتي وهو اتجوز وسمعت ان مراتو حامل اهي ،، للدرجادي نسياني سهل !! .... يلا ربنا يسعدهم
=ايوا مين بيخبط
-انا مرام تراااا
=وحشتيني ياحيوانه
-ياكذابه مانا كل يوم باجي ومبترضيش تدخليني
حضنتها=حقك عليا كان غصب عني والله
-لازم تقفي من تاني يلا ناكل جيبالك بيتزا وشيكولاته ،، بعدها هحكيلك علي حاجه
=ان ماكنتيش حلفتي بس
-ماحلفتش علي فكرا
=خلاص بطلي حلفان هاكل اهو
-طبعا مانتي تبيعيني بالبيتزا والشيكولاته
=بتدخليلي من ثغراتي بس طبعا لازم تعرفي انك اهم من كل حاجه يعني
-اه مانا واخده بالي اهو ،، ماتطفحي وانتي ساكته
=صحيح يابت موضوع اي اللي عايزاني فيه
-دار النشر عاملين مسابقه ارتجالات ع النت واللي هيفوز هينشرو رواية ليه
=اووووه لللاااه من زمان كان نفسي اكتب رواية بس مش وقتو خالص
-لا وقتو انا نزلتلك ارتجاله وفوزتي بالمركز الاول وكلموني قالو قدامك شهر علي ماتكتبي الرواية وهياخدوها منك يلا اجهزي
=اي ده بس ...
-هااا هضرب والله
=امر لله
بدءت اكتب ف الرواية اول مرة ف حياتي اكتب رواية اصلا الموضوع مكانش صعب بس كنت خايفه مانجحش ،، الحمدلله خلصتها بعد 3 اسابيع ومرام وديتها دار النشر وقبلوها اد اي ربنا كريم
-هاجر في خبر كده يعني
=استرها يارب
-تماسكي بس
=انطقي سيبتي اعصابي
-الرواية بتعاتك نجحت واتباع فوق ال20 الف نسخه
عيطت وحضنتها=ياربيييييي انا فرحانه اوي
عيطت هيا كمان-وانا فخورة بيكي اوى ولازم نعمل حفلة توقيع بالمناسبه الحلوة دي
=بس صعب اقف بين الناس واتعامل معاهم ع الحقيقه وانا كل معاملاتي معاهم من ورا الشاشه اصلا
-هتقدري انا جنبك
=انا بحبك وفرحانه بوجودك
-وانا كمان بحبك اوي كفايه عياط بقا
اختارنا المكان ونزلنا البوست ع الفيس والحمدلله كان في اقبال شديد من الناس ،، كمان دار النشر نزلت علي صفحتها اني هعمل حفلة توقيع وقالت ع المكان واليوم ف عدد الناس زاد ،، نزلنا انا ومرام والمجموع اسعدني جدا من زمان وكان حلمي اليوم ده واهو الحمد لله اتحقق بفضل الله
من ضمن الناس اللي بوقعلهم ع النسخ بتاعتهم لفت نظري شاب قمرمر خالص وشيك جدا واقف بعيد بيبصلي بصات متقطعة كده عشان مااخدش بالي يعنى بس علي مين ،، الدنيا راقت شويه وهو... يالهوي ده جاي عليا
-ممكن نسختي تنول شرف امضتك
=اااه طبعا ممكن
-اعمليلي نجمه
ضحكت وعملتلو نجمة فعلا=اتفضل ياسيدي اجيبلك شيكوبن بالمره
-مانشرب قهوة سوا احسن
انصدمت من جراءتو وابتسمت ومرديتش
-كنت عارف انو لأ علي فكرا
ضحكت=ولما انت عارف انو لا طلبت ليه يافالح
-قولت اجرب حظي .. بس ع فكرا في موضوع مهم محتاجك فيه
=موضوع اي ؟!
-مش هينفع هنا
حسيت انو صادق=خلاص اتفقنا
اخدني انا ومرام ف مكان هادي بعيد عن الناس عشان ... عشان ... مش عارفه عشان اي بس يمكن عشان عايزني اتفرغلو لوحدو
-هاجر هتشرب قهوة عشان بتحبها ،، والانسه هتشرب اي
-قهوة بردو
ابتسم -تلاته قهوة لو سمحت
=ها ياستاذ ...
-آسر اسمي آسر
=استاذ آسر حضرتك عايزني ف اي
-اي ده هو انا قولت اني عايزك ف حاجه
وقفت=امال انا جايه هنا ليه
مرام مسكت ايدي -هاجر ممكن تعدي الناس بتبص علينا
وقف بابتسامه حلوه -حالا هتعرفي انتي جايه هنا ليه بس غمضي عينك
=اغمض لية
همستلي مرام -غمضي ياهاجر بقا واسمعي الكلام خلينا نخلص
=غمضت اهو لما نشوف اخرتها
-3،2،1 فتحي
بفتح لقيت ماما وبابا ومامتو وبباه واخواتي واخواتو وهو نازل علي ركبتو و ماسك خاتم ف ايدو
-تقبلي تكمليني واكون نصك التاني
=ان.. ففف..
-اهدي اهدي
اخدت نفسي بهدوء=انا مش عايزه اتجوز
-معلش تعالي علي نفسك
=انت مستفز اوي علي فكرا
-عارف اخلصي بقا ركبي وجعتني
=قوم اقف
-وانت بتكلمني
=ممكن نتكلم جد شويه
قام -ممكن جدا
=انت عايز اي دلوقتي
-عايز معجون سنان
=قولت نتكلم جد
ضحك-ماسك خاتم ف ايدي يبقا عايز اي
=عايز اي
-باين مخك تخين وهتتعبيني
=اتعبك !!
-عايز اتجوزك يابنتي انا لو بكلم واحده ف تالته ابتدائي كانت فهمت
=احم انا متطلقه
-عارف وفرحان اوي عشان تبقي ليا
=مبعرفش اطبخ
-هعلمك
=مبتعلمش
-هطبخ انا
=بحب النضافه جدا
-بغسل العنب عنبايه عنبايه
=مبحبش العنب
-ولا انا
=مبخلفش
-انتي بنتي
=مش هسيب الكتابه
-وانا مش عايزك تسيبيها دي هيا السبب ف اني اعرفك
=انا زهقت
-يبقي نقرا الفاتحه
=انت لازقه كده ليه
-انا بس بحبك
=طب ع البركه
ماما ومرام واخواتي زغرطو
اتجوزنا اصلي مينفعش اسيب واحد بيحبني ومؤمن بيا كده ابقي غبيه اوي يعني ،، وكمان احم يعني اعجابي بيه بيزيد كل يوم وعدي اول شهر جواز وانا اتعلقت بيه جدا بيشجعني اكتب ويطبخ هو فعلا وبيعاملني بافضل الطرق ويصبر عليا لما اتعصب وعمرو مازعلني ،، بيصلي بيا ويسبح علي ايدي ،، حبيت معاملتو ليا كطفلة واخت قبل زوجه ... اكتشفت ان في دنيا حلوه ماعرفتهاش غير مع آسر اما محمد ده ف كان قلقاس اوي يعني
=آسر الحقني بموتتتت
قام يجري-مالك ياحببتي في اي
=مغص ...مغص شديد اوي اااه
-طب قومي قومي نروح المستشفي
=مستشفي اي دلوقتي مش قادرة اقفف
-امال هسيبك كده يعني قوميي
ساعدني البس وروحنا المستشفي
-مبروك المدام حامل
-مدام مين
-هيا مدام هاجر مش مرات حضرتك
-لا مراتي بس..
-حضرتك مش عايز اطفال
-لا طبعا عايز ،، حضرتك متأكده انها حامل
-يااستاذ ده شغلي طب لحظه هعيد السونار وشوف الطفل بنفسك
عيط وانا عيطت واترميت ف حضنو
-يافرج الله هيبقي في حته منك بتجري وتلعب وسطنا انا فرحان اوي الحمدلله الحمدلله
=انا بحبك ياآسر
سجد وقام حضنني تاني-ده احلي يوم ف عمري والله
وقد يأتيك العوض علي هيئه شخص تراه موطنك 🙊💙
#شغابيط_جوجو
