السلام عليكم حبايب قلبي ورجعت اليوم بارت جديد من فصليتي تركيه
الكاتبه :فوفه
لارين :اندك الباب وبابا طلع فتحه واجوي اهل الولد وبابا كالهم ابن عمهه نهى عليهاا الولد كال اليوم تجي جثه ابنكم اتحضرو هو من كال هيج تخبلت دفرت باب الصاله وصحت بأعلى صوتي لا متكتلون علي اني اروح ورجعت احجي بالتركي (ارجوكم اخي بليزز انا اذهب اقتلوني انا)
سيف :دخلت البنيه الشفتهه ذاك اليوم وكامت تعيط طرشت اذني بس شو هاي تحجي عراقي مكسر وما مفهوم وبعدين وكعت على ركبهه وكامت تحجي تركي
(طبعاً سيف يعرف اللغه التركيه وفهمهاا شحجت)
لارين :(هم بالتركي) يا رباه لماذا أتيت هنا ليتني بقيت في تركيا ياليتني لم اخلق ياليتني لم اتعرف على العراق لماذا يقتلون اخي بعدين مسحت دموعي وكفت كدام الولد الصاح قبل شوي وكلت
سيف :رجعت تحجي تركي 😑اهاا هاي عايشه بتركيا اله اراويج نجوم الضهر بعدين وكفت كدامي وكالت اخذني فصليه بس عوف اخويه اخذني هاياتني كدامك بس لا تلمس اخويه
لارين :كتله اخذني فصليه بس عوف اخويه اخذني هاياتني كدامك بس لا تلمسه حباب
سيف :هاي بتكم راضيه بعد شنو
لارين : اهلي مالهم علاقه هذاك أسد نهى عليه روح كوله شيل النهوه عني واخذني بس عوف علاوي
سيف :رحت اخذت قران وكفت كدام ابن عمهاا وكتله يلا احلف وشيل النهوه
أسد :وحق كلامك ياربي وحق كتابك وحق قرانك اني اشيل النهوه مالي بعد علاقه (وكعت الدمعه)
سيف :شال النهوه ابن عمهاا ونزلت دمعته ههه هذا يحبها اله اعذبهاا اذا هيج المهم راحت البنيه وجابت ملابسها واجت مبدله وكالت
توقعاتكم شكالت؟؟
اتمنى ان ينال اعجابكم
ولاتنسون التعليقات والتصويت بفقرات القصه يلا قلبوشاتي
رمضان كريم حبايب وينعاد عليك بالصحة والعافية 🥀🌹كل عام وانتم بخير
مع الف سلامه
كاتبه :Anfal
أنت تقرأ
فصليتي تركيه
General Fictionفتاه جميله في عمر 18 الوحيده لي اهله ومدلل سوف تعاني من غلط ارتكبه اخوها هل سوف تعيش حياه جميله ام لا
