داز الليل على طولو و جا الصباح بشميستو لي بدات تطل و تنور فأرجاء قصر درايك المظلم و فغرفتو بدات زيلدا تتحرك و عينيها بداو تيتكمشو حتى فاقت من النعاس ناضت تتكسل لقاتو مكاينش حداها قفزات من الناموسية للأرض و حوايجها كلهوم مخربقين و شعرها حتى هو..يديها على فمها تتفوه و تتحك فجسمها خرجات من الغرفة و بقات غادة فالممرات المضيئة و الشراجم الكبار مدخلين أكبر كمية من ضوء الشمس حتى رجعات لغرفتها و دخلات للحمام تما غسلات وجهها و جمعات شعرها بقات شحال تتشوف فالمرايا و هي تدخل للغرفة لقات حوايجها فوق الناموسية استغربات حيت فاش جات معاه لهنا ماجابت حتى حاجة معاها يعني غيكون جابهوم من الدار..حييدات لي كانت لابسة و مشات دوشات جاها فالأول غريب حيت مولفة بالبحيرة ولكن قدرات تسلك راسها و لبسات حوايجها هبطات للتحت لقات أكلها واجد محطوط ولكن مكاين حتاشي أثر ل درايك حتى ريحتو ماكايناش فالقصر هادشي تيعني انه وجودو ماكاينش..كلات غير بالنفخة كانت متحمسة تفيق و هو حداها و متحمسة انها تفطر و هو قدامها ولكن فيناهوا؟ زعمة يكون خلاها محبوسة هنا و مشا؟ من كترة الملل قررات انها تستكشف القصر يالاه غتقدر ضرب نصو بينما بان أثر درايك...
من الجهة الأخرى و بعد الركض و الطريق الطويلة و أخيرا روبي قدرات توصل لمقر و قصر الألفا كونيل..شافوها الحراس و تلقائيا خلاوها تدوز مشات تتجري و كلها عرقانة و موسخة بالتراب حتى وقفات عليه فالبيرو ديالو...
كونيل وقف بدهشة: اش واقع؟!!!!
روبي تتلهث: س س سيديي س سيديي الألفا
كونيل: شنوووو؟؟؟؟؟
روبي: ز ز زيييلدااا (بغات تبكي) زيلداااا
كونيل تبدلو عينيه بداو تيوليو حمرين: مااااال بنتي؟؟؟؟؟
روبي: تخطفاااااات
كونيل بصدمة: كيفاش؟!!!!!! (بالغوات) امتى هادشي و نتي شنووو مهمتك من غير تقابلي بنتي!!!!!!
روبي: كنت فالخدمة ا سيديييي نتا عارف بلييي تنخدم باش مايكونش شي شك انك تتمدنا بالأموال و يكتاشفو مصاصي الدماء بلاصتنا نتا عارف بلي الجواسيس فكل مكان
كونيل غوووت: و فين بنتي دابااااا؟؟؟؟؟؟
روبي تترعد: ماعررفتش ماعررر ماعررفتش (تلاحت عند رجليه) عفاااك ا سيديي عفاااك متعااقبنيييش انا درتها بحااال بنتيييي
كونيل دفعها برجليه حتى تهزات و تردخات مع الحيط: أمنتك على بنتييي على أغلى ماعندي!! نتي الوحيدة لي خديتييي الثقة ديالي وسط من الخدم كاااملييين نتييي بوحدددك حيت كنتي زوجة البيتا ديالي!! (هز صبعو عليها) و خنتي ديك الثقة!! كيفااااااشش مقدرتيييش تحميهااااا؟؟؟؟ كيفاش مقدرتيييش تحمييي الأمااااااانة؟؟؟؟؟؟
أنت تقرأ
المـــســتــذئـــبـــة و مـــصــاص الدمــاء🧛♂️🐺|🇲🇦
Fantasy⛔ممنوووووع الإقتباااس جميع الأفكاار و الأحداااث من مخييلتي الخاصة⛔ ___________________________________________ 🐺المــــســــتــــذئــــبـــــة و مــــصــــاص الدمـــــاء🦇 ✑𝓥𝓲𝓬𝓽𝓸𝓻𝓲𝓪 𝓚𝓪𝓮𝓵𝓲𝓷 ___________________________________________ ...
