مستنقع الذئاب

الحلقة 2

نفتح في عينيا بالشوي نشوف في رجلين قدامي ماقدرتش نطلع راسي و نشوف شكون من كتر اللي كنت حاساتو ثقيل عليا حتارت واش راني ندير هنا جامي ظلمت واحد و حتى عايلتي خاطيهم المشاكل
بسام: واخيرا ناض الزين
انا: ...... بسام : تهلاولي فيها
شفتو خرج في الوقت اللي قدمولي رجالو قلبي خبط خايفة كاش ما يديرولي كان اكتر خوفي اني نخسر الشرف نتاعي بداو يقربو و انا نرجع بخطوات نشوف في واحد داخل و يصور فيا و اننا كل مانزيد نبكي بصح لحد الان صوتي ماخرجش يمكن الخوف سيطر عليا حكمولي يديا علقوهوملي بسلاسل و انا كالبوبية مادرت حتى ردت فعل و خرجو
________

اياد: بسام خليك منها مادخلهاش في حكايتنا
بسام : علابالي بصح غشي راه طالع ماش لاقي وين نفرغو
غمزلو و هبط للقبو لقاها معلقة جاب حبيلة و قال للراجل يبدا يصور قرب منها و بدا يضرب فيها للظهر مع كل ضربة كانت كلمة اه تخرج من فمها تسمع كامل الفيلا و هو كالحجرة يضرب فيها بكل دم بارد حتى تقطع تريكوها و ما تشوف غير الدم يشرشر من ظهرها
_______
نرجعو للدشرة اللي كانت عايشة فيها و اللي راهي الدنيا مقلبة عليها خاصة كرم اللي بدا يشك انها هربت حتى وصلو ميساج فتحو و شافها كيفاش ضربوها صونالو التيليفون
بسام: واش عجباتك خدمتنا ههههه
كرم : يا وحد ***** بسام : اشششش لا نزيدولها و درك ترفد روحك و تنفذ الطلب تاعي
كرم : اوكي بشرط تطلقوها
كوبا عليه