بين الكناين

الحلقة 2

#بين _الكناين
#رودينا

هم يُحبون إبتسامتك وأنا أحب عُقدة حاجبيك، هم يُحبون أحاديثك وأنا أحب صمتك، هم يريدونك جميلاً دائماً وأنا أُريدك كيفما كُنت .'

‏الذي يتعامل مع الحياة بقلبه، تخدشه التفاصيل الصغيرة ، الصغيرة جدًا.
ـ دوستوفسكي

لا يستطيع أحد أن يحشُو قلبك بالسَعادة ما دُمت ترغب بالحزن، ولا أن يبكيك ما دمت ترغب بالضحك، كل ما يدور داخِلك لن يتحكّم به أحدٌ غيرك.. حكّم عقلك وافعل ما يحلو لك

اللهُّم شهراً مُختلف ، ‎شهر رمضان المبارك ،
ينتزعنا من غفلة الحياة والركض ورائها ،
اللهُم شهراً يُطهّر القلب والعقل ولا يُبقي
فكرة ولا عادة إلا قومهّا وحسنها، اللهُم همة'
وعزيّمة دائمة وقوّة في الطاعة وإخلاص
تامٌ لك." 💙
.......

مينا.. بعدها اجة علاء.. والنسوان هلهلت وذبو جكليت علينا..

اني مستحية لاول مرة من كاعي ههههه.. واجة باسني براسي وكعد يمي..

وشاورني.. شنو هالجمال طالعة كيك...
مينا.. ابتسمت وسكتت لان مقهورة شوية ومااريده يحس علية اذا احجي..

علاء.. هايحلو شبيج لج اليوم خطوبتج وكالبة وجهج منو مزعل الحلو..

مينا.. لا مازعلانة بس تعبانة شوية..

علاء.. اوك مااضغط عليج..

ظلن النسوان يطلعن اغاني وكلها تركص..
تالي بنين اخته كومتني وكومته حتى نركص كلنا..

شوية ضحكت..
انوب شربنا بعض العصير واكلنا كيك..

وجناينهم يباوعن من بعيد ويصفگن..

خلصت الحفلة والمعازيم راحو.. وبيت علاء هم راحو..

واني سبحت وبدلت ومسحت المكياج..

كعدت الفلف بالثلاجة واكل الزايد من الحفلة..
اجاني صفاوي ابن سجاد.. عمره 5سنوات..

مصطفى..عمة..عمة..

مينا..ها حبيبي..

مصطفى..عمة اغيد اتزوج ويصيغ عندي عغوسة 

هو عنده لدغة بالراء...

مينا..ليش يمة غرت مني ههه

مصطفى.. اغيد اصيغ مثل عمو علاء والبس قاط والبس ذهب لمغتي..

مينا..ياا ولك عفت كلشي هي هاي العجبتك..

مصطفى..انطيني كيكة اكل حبابة..

مينا..امك ماتقبل حبيبي وانت هستوك نظفت اسنانك..

مصطفى..اي انظف مغة ثانية..

مينا..لا حبيبي انت وامك اتفاهمو..

مصطفى...يوووه الة اكول لعمة سجى هي تنطيني وترزلج ويعيب..