بين أسوار الشيخ

part 5

شلونكم يا حلوين ويا الصيام..
هذا بارت اليوم انشالله يعجبكم..

#بقلمEsraa1289
#بين اسوار الشيخ

سيف: بليل خابرت بنت اختي زهراء الي جانت المكالمه من موبايل رعد بقينه نسولف شويه سديت المكامله من زهوره بدلت لبست تراك اسود رحت يم جماعتي(اصدقائي) بقيت سوالف وضحك لحد ما صارت تقريبا 12:23 رجعت لكيت البيت هدوء بس ابويه كاعد صافن خير حجي ليش صافن اكو شيء

حجي: لا والله بس جنت منتظرك.

سيف: لا بس جنت يم جماعتي ليش.

حجي: مو خفت عليك الدنيا مو امان ابد يا وليدي.

سيف: هاي رجعت اوعدك بعد ما اتاخر.

حجي: عفيه بني بويه دير بالك على امك ولا تعوفها ابدا اذا صار بيها شيء.

سيف: من عيوني بس بويه ليش هيج تحجي انشالله عمرك طويل.

حجي: يابه محد ضامن عمره.

سيف: لا بويه لا تحجي هيج. راح ابويه ينام الصراحه اني خفت من كلامه صعدت للغرفتي بدلت ولبست شيء مريح مال نوم بقيت اباوع بموبايلي شويه طفيته ونمت كعدت تقريبا 10:56 امي كعدتي نزلت جوه تريكت بقيت كاعد يم امي آلله يطول بعمرها بالمطبخ تطبخ كمت رحت يم بيت اخويه مروان شويه لان مليت ما لكيت احد من الولد بس النسوان عفتهن وطلعت بقيت شويه أفتر وافكر بكلام ابويه البارحه اذن الظهر رجعت لكيت ابويه بالبيت وامي تصب بالغدا ساعدتها اشيل وياها تغدينا صعدت فوك اريد انام ماكو مايجيني نوم بقيت بفراشي وافكر.

امي: يمه بالله تعال شوف ابوك شو مايتحرك.

سيف: شنو مايتحرك رحت ركض اله اكعد بي ماكو صار جنه خشبه وانكلب ابيض حيل احس حيلي راح كعدت بالكاع وامي تحجي وياي واني ولا يمها عرفت ابويه ليش هيج يحجي البارحه شنو عرف راح يموت امي كامت تبجي.

سيف: يمه لاتبجين حبيبتي انتي.

امي: لعد شبي ابوك مايتحرك شبي.

سيف: يمه اهدي ابويه مات.

امي: راح الغالي يمه راح بعد منو الي اني ليش عفتني ليش ما اخذتني وياك اني الدنيا بدونك ما تسوه بدونك. (بجي)

سيف: اني سمعت امي وكمت ابجي رحت لبيت اخويه مروان لان قريب علينا دخلت بدون ما ادك الباب رحت على غرفه اخويه.

سيف: مروان مروان( بصوت مبحوح).

مروان: خير سيف شكو شصاير.

سيف: تعال وياي ابويه مات.

مروان: شنو وشلون وشوكت.

سيف: قبل شويه اجت امي وكالتلي رحتله اني واكعد بي ماكو لا حركه ولا صوت تعال بسرعه امي بقت وحدها لا يصير بيها شيء اجوي بيت مروان كلهم وبدا العياط لحد ما جمعت العائله كلها ودينا بالمستشفى طلعت عنده سكته قلبيه صارت مراسيم الفاتحه اني رحت وامي هم من دخل ابويه للكبر حسيت بعد ماعندي امان ما عندي سند كملنا دفنه طبعا امي تخربطت اني بقيت عيني عليها طول الدفنه لحد ما رجعنا رجعت لكيت عالم وناس يمكن اول مره اشوفه رحت بدلت لبست دشداشه سوده نزلت للجادر لكيت عمر سلمت عليه وبقيت واكف بصفه عمر طبعا اتعس من حالي اجت اختي من بغداد رحنا عليها اني وعمر ورعد ما تقبل تدخل للبيت حجه وياها عمر دخلت اعتقد ابوهم ما حاجي الهم لان لابسين ملون دخلن جوه سلمنا على ابو مصطفى واخدنا ويانه للبره صارت العالم تروح رحنا يم امنا كامت تنعي على ابويه كمنا نبجي كملنا  ايام الفاتحه انا ما دخلت للبيتنا بالفاتحه اجو بيت جد زهراء الكل طبعا هم وقفوا ويانا كملنا الفاتحه دخلت للبيت بقوا بس المقربين يمنا ..