غنوة
*الحلقة الاولي *
في جامعة خاصة بالمكفوفين
غنوة واقفة مع زمايلها ووسط كلامهم مع بعض تغير غنوة اتجاه وقفتها وتبص ناحية هاني
عهد: سكتي ليه يا غنوة
غنوة: جه وواقف قريب مننا
عهد: بطلي وهم بقا
غنوة: مش وهم انا بسمع نفسه وبشم ريحته
عهد: بس مشوفتيهوش متعرفيش حتي شكله
غنوة: شوفته بقلبي لاخظتي بيتكلم معايا ازاي
عهد: فوقي يا غنوة هو مش هيتجوز واحدة زينا
غنوة: مش عاوزه اتجوز كفاية عليا الي حصلي من ورا الحب والجواز
عهد: خلاص متنكديش علينا بقا ما هو لو مكانش حصل مكناش اتقابلنا
غنوة: فعلا
__________
هاني: انسة غنوة
تخبط غنوة عهد في كتفها : مش قولتلك انه هنا
هاني: انسة غنوة ممكن اتكلم معاكي علي انفراد
غنوة: طب يا عهد روحي المحاضرة للبنات وانا هاجي وراكم
تمشي عهد
هاني: انسة غنوة انا مش عارف ايه الي شاددني اقرب منك مش عارف ابطل تفكير فيكي
غنوة : ممكن عطف
هاني: عطف
غنوة: ايوة عكف ومش اكتر ولا هيكون اكتر من كده انا كفيفة مش شيفاك
هاني: لا شيفاني وحساني
غنوة: حتي لو كده مش هينفع اكمل انا تعبت مريت بتجربة فقدت فيها عيني ودمرت نفسي وعيلتي انا مرتاحة لوحدي
هاني: براحتك يا غنوة انا هتصرف بس عمري ما هستغني عنك مهما كان التمن
__________
في منزل سالم اخو غنوة
سالم: غنوة فين يا سما
سما : روحت جبتها من الجامعة فضلت طول الطريق ساكته ومن وقتها وهي نايمة
سالم: طب صحيها في ضيف جاي عشانها
سما: ضيف مين ده
مش كنت تقولي يا سالم الشقة مبهدلة دايما تعمل حركاتك دي
سالم: واحد كلمني وصمم يجي يقابلني انهاردة اقوله ايه مراتي مش ماسحه الشقة
سما:يا تري عاوز ايه الراجل ده غريب اوي
سالم: هنشوف متستعجليش غنوة مش هتبطل مكفهاش نظرها الي راح لسه بتفكر في نفسها
سما: حرام عليك يا سالم غنوة انكسرت بعد الي حصل
سالم: مين انكسر غنوة اختي تبقي متعرفيهاش
سما: طب يلا بسرعة وضب البيت معايا بقا
_______________
في غرفة غنوة
سما : كبرتي وجالك عريس يا غنوة.
غنوة: عريس ايه مين ده
سما: يا سلام هتعملي مش عارفه ولا فاهمة اسمه هاني
غنوة بأندهاش: هاني ده مجنون رسمي ايه جابه لحد هنا
سما: الهوا رماه بس شكله شاريكي اوي
_ غنوة : أكيد صعبانه عليه، أو عاوز يجرب يتعامل مع واحدة عميا، وبعدها هيسبني.
سما وهي تواسيني : مش كل الناس زي بعضها يا غنوة انسي عصام عيشي حياتك ما هو رماكي مع اول عقبه واجهتكم
غنوة: واي عقبة عصام مش بس سابني عصام ده بقا نفسي اقدر اشوفه عشان اعرف انتقم منه علي حق واردله القلم الف
سما: من الاول وهو مش كويس انتي الي كنت بتكدبي نفسك عاوزه تبذلي كل جهدك عشان لما تسيبه متحسش بالذنب ولو للحظة وعلي فكرة مقدرتيش وبردو حسه بالذنب
غنوة: ذنب ايه الي احسه من ناحيته انا لو اطول اقتله مش هتردد لحظة
______________
دخل سالم غرفة غنوة
سالم: غنوة عريسك عاوز يقابلك
غنوة: بسرعة كده خليته عريسي
سالم: عاوزه تقنعيني متعرفيش انه جاي انهاردة
غنوة: والله ما كنت اعرف
سالم: طب يلا بقا اخرجي الراجل مستنيكي ده ضيفك
_______________
في صالون المنزل
_ سالم: إنت عارف حجم المسئولية إلي هتكون عليك؟ غنوة محتاجة رعاية.
_ هاني: عارف قد أيه هي جميلة، وتستحق الحب،والإحترام مني، وواثق في قراري، وأتمنى متردنيش مكسور.
سالم: انا هسيبكم تتكلمو وهقعد قريب منك يا غنوة عشان لو احتاجتي حاجة
غنوة: متبعدش يا سالم
هاني: يا غنوة حقيقي امنية حياتي اني اتجوزك
غنوة: الموضوع مش سهل زي ما انت فاكر انا مريت بحاجات تهد اي بني ادم بس لسه واقفة موقعتش ايوة انا عامية بس مش ضعيفة ومش هقبل انك تجرحني ولا هسكت لو ده حصل
هاني: عمري ما اقدر اجرحك بس حقيقي مبقتش عارف مفكرش فيكي بقيتي اهم جزء في حياتي كلها
غنوة: عشان اكون صريحة معاك في حاجات كتير حصلت في حياتي قبل ما افقد نظري ممكن لو عرفتها او حتي لو عرفت جزء منها مش هيكون عندك الشغف القوي ده انك تتجوزني
هاني: مش عاوز اعرف اي حاجة انا عاوزك انتي بس
غنوة: وانا موافقة
_____________
في يوم الخطوبة تدخل سما غرفة غنوة
سما: ايه القمر بتاعنا ده
غنوة: بجد انا حلوة
سما: زي القمر بس كفاية دموع بقا الماسكرا ساحت تلت مرات
غنوة: كان نفسي افرح زي البنات وابص في مرايتي
كان نفسي يكون معايا امي وابويا
سما: انتي عارفة ان سالم لو شاف دموعك دي هيزعل منك اوي
غنوة: سالم دلوقتي بقا هو الي باقيلي بس انا حسه اني تقيله اوي عليكم
سما: احنا قاعدين ف بيتك يعني احنا الي تقال عليكي
غنوة : ربنا يخليكم ليا
____________
في حفل الخطبة
تخرج غنوة من غرفتها وهي ماسكة ايد سالم
فتسمع همسات من الحضور ( العروسة كفيفه، يا حرام...... ليه هاني عمل في نفسة كده دي هتخلف ازاي ).
غنوة مبتسمة : هاني مش هتعرفني علي اهلك
هاني: طبعا يا حبيبتي قومي معايا يلا
يمر هاني علي اهله ويعرفهم بغنوة وكلمات مجاملة من الكل لحد ما يوصل لكرسي والدته
هاني: دي بقا غنوة يا امي الي خطفت قلبي
تهاني: هي دي بقا
مكنتش اعرف انها كفيفة
غنوة والدموع مالية عينها: اهلا بحضرتك يا طنط اه انا فعلا كفيفة
تهاني: طنط ودي ايه طنط دي كمان
غنوة: اما اقول لحضرتك ايه بس
تهاني: واضح انك عاميه وقليلة زوق كمان يلا نمشي يا هاني
