المسابقه

محاوله الخروج

_فضلنا ندور علي يوسف لحد ما وصلنا لآخر أوضه ،، بس لما دخلنا وفتحنا النور اتصدمنا ،، البنات صرخوا برعب والشباب جاتلهم حالة ذهول ،، گلنا گنا مرعوبين وفاتحين عيونا علي الآخر ،، يوسف گان متعلق بحبل في السقف من رقبته في نص الأوضة ،، يوسف گان مشنوق !!!!

بدأنا نقرب منه وگريم ومراد نزلوه وحطوه علي السرير ،، حاولنا نفوقه بس للأسف گان خلاص مات ،، عينيه گانت مفتوحه علي آخرها وگان باين علي ملامحه الصدمة والرعب ،، بس في النهاية يوسف مات ...

_شهد وملك جاتلهم حالة انهيار وفضلوا يصرخوا بهستيريا ان البيت طلع فعلا مسگون وانهم لازم يمشوا ،، وبالفعل گلنا اتفقنا اننا لازم نمشي ،، وإتجهنا ناحيه الباب عشان نخرج من الأوضة وننزل نجيب الموبايل اللي گان تحت في الصالون ونگلم حد ييجي يخرجنا ،، وبمجرد ما خرجنا من الأوضة باب الاوضه اترزع جامد واحنا لزقنا في بعض من الخضة والخوف ،، الوضع فعلا گان مخيف ...

_بدأنا نتحرك ناحية السلم بس فجأه وقفنا مگانا برعب لما سمعنا صوت خبط جامد ،، والصوت گان جاي من ورانا ،، لفينا عشان نشوف في ايه ،، بس ياريتنا ما لفينا ،، گان مسخ ضخم جداااااااا عيونه حمرا بلون الدم ،، لبسه مقطع وجسمه گمان ،، وگان لون جسمه أزرق !!!! ،، گان واقف بيبصلنا بغضب وهو ماسك فأس ضخمة وبيخبط بيها علي الأرض...

_گنا مرعوبين وبنعرق بطريقه مش طبيعيه من الخوف ،، وانا شخصيا مگنتش عارفه أبلع ريقي ،، اتجمدنا في مگانا  من الرعب واحنا خلاص متأگدين ان اللي واقف قدامنا دا شبح بجد وخصوصا بعد موت يوسف ،، فضلنا باصين للمسخ وهو گمان بيبصلنا وعلامات الغضب مفارقتش وشه لحد ما فجأه لقيناه رفع الفأس اللي گان ماسگها وجري بسررعه ناحيتنا ،، هنا صرخنا گلنا من الرعب وجرينا وللأسف اتفرقنا ،، انا گان معايا سلمي وشهاب ،، جرينا واستخبينا في اوضه من الأوض وگنا مراقبين المسخ لحد ما اختفي ،، فخرجنا من الاوضه ومشينا شويه بحذر بس فجأه حسينا بحرگة في اوضه من الاوض ،، اتحرگنا بالراحه عشان نشوف مين اللي في الاوضه بس گانت مسخ ،، بنت ممسوخة وگانت في سگينه في ضهرها ،، ما استنيناش انها تلف وجرينا بسررررعه واستخبينا في اوضه من الأوض لما حسينا بحرگة بتقرب مننا ...
_الاوضه اللي دخلناها گانت ضلمة واحنا مفتحناش النور ،، گنا قاعدين مراقبين الطريق بره بصمت ،، بس مگانش في حد ،، بس فجأه سلمي قطعت الصمت دا لما قالت : انا حاسه بحاجه لزجه وسخنه تحتينا ...
_قاطعها شهاب وهو بيقولها : اشششش ،، اسگتي دلوقتي يا سلمي لحسن حد .....
_بس شهاب مگملش گلامه عشان سلمي صرخت برعب وبصوت عالي وهنا انا فتحت النور عشان اشوف في ايه وللأسف ياريتني ما فتحته ...
_سلمي صرخت عشان في حاجه ملساء خبطت ايديها وللأسف الحاجه دي مگانتش غير رأس تمارا !!!!
تمارا گانت مدبوحة أو بمعني أصح رأسها اتقطعت من جسمها ،، راسها گانت جنب سلمي وجسمها گان علي مسافة بعيدة شويه.....
_سلمي فضلت تصرخ وتعيط بهستيريا وانا وشهاب واقفين متجمدين ومش قادرين حتي نتنفس ،، وانا بصراحه عيني دمعت من الخوف والحزن علي تمارا اللي گانت بتتگلم معايا من شويه وعرفت انها مخطوبة لحبيب طفولتها وبتحلم بيوم فرحهم ...