صفعه الخذلان
(كما تدين تدان)
(حكاوي من قلب الواقع)
امي..دعت عليا وقالتلي..
سلفي عليكي..تنحطي في مكاني وتدوقي مراري..
وكأن دعوتها انقبلت في ساعتها..وكانت صفعه جامده..فوقتني..
وعرفت معني الحديث..اللي بيقول..
روى عن أبي الدرداء رضي الله عنه حديثاً يختلف العلماء في درجة صحته، وذلك بسبب عدم اكتمال سنده وانقطاعه، ألا وهو: (البِرُّ لا يَبْلَى، والإثمُ لا يُنْسَى، والدَّيَّانُ لا ينامُ، فكن كما شِئْتَ، كما تَدِينُ تُدَانُ) [الألباني: السلسلة الضعيفة]
ـــــــــــــــــــــــــــــــــــــــ
(بدايه اللعنه..)
ارجوكي متتخليش عننا...
احنا ملناش غيرك..
دي اخر حوار او كلمه طيبه بيني انا وامي تقريبا
كان
قبل ما تمشي وتسيبنا وتقرر الطلاق من ابويا..
لانه ببساطه عينه زاغت واتجوز واحده الخدامه اللي بتخدم عندنا..
ابويا راجل تاجر كبير وكان بيعشق التراب اللي بتمشي عليه امي..
مشكلته الوحيده انه كان نفسه في الواد..
وللاسف امي جابت بنتين...والفرق بينا وببين بعض حوالي خمس سنين لان امي عندها مشاكل في المبايض..
وهنا بقي كان دور الخدامه اللي امي نفسها كانت بتعملها احسن مني انا شخصيا..
كانت دايما تقولي غلبانه وبلاش نيجي عليها..
دي حتي لبسها كانت بتستخسره وتديهولها..
وللاسف،،متعرفوش عملت ايه في ابويا
قدرت تضحك عليه وتلعب علي عقله..
واللي للاسف اكتشفنا بعد كده انه تأثير السحر
بس هل السحر يقدر ينسي الحب والعشق..
العشره عالحلوه والمره ياااه..
الدنيا وحشه اوي..والناس بقت اوحش
محدش عمره كان يتوقع ابويا يعمل كدا في امي..
ويضيع الحب الكبير اللي كان بينه وبينها
امي اللي ياما دعيت عليها،بكل دعاوي الدنيا
ومفيش كلمه حلوه قولتها في حقها..صح..
حتي اخواتي،بعدتهم عنها وكرهتهم فيها
بس لما كبرت وعرفت..
عرفت ان كرامه الست
وخصوصا لما تكون عاشقه.. مش مديه خوانه..
عندها بالدنيا..وامي للامانه تقول عمرها نفسها عفيفه..
رغم فقرها واللي حصلها بعد اصرارها عالطلاق الا انها عمرها مامدت ايدها..
ابويا كان مذبذب،تاره عاشق وتاره كاره
مش متزن ودا طبعا كان تأثير السحر المأكول اللي واكله..وشاربه..
ـ اتحايل عليها ابويا كتير عشان تفضل
وتربي عيالها..بس كانت مجروحه ورافضه وكارهه..
جرحها الكبير زي ماكانت بتقول،كان متحكم فيها..
لدرجه انها فضلت كرامتها علي كل حاجه..حتي ولادها.
بس محسبتش حساب لغدر الدنيا..
(حصري لجروب ولنا في الخيال حياه
من كل حديث عبره وروايه،اسما السيد.)
انت ممكن تضغط علي اي ست باي حاجه،الا انك تضغط علي ست تعيش، وهي كارهه ليك
نظرتها ليك قلت،وانكسرت صورتك قدام عينها..
مش هتعرف تعيش ولا تتأقلم..
امي كانت عارفه انها مش هتقدر تعيش ولا تتعامل معاه عادي تاني فاختارت البعد والالم..
والفراق..
ماهو صعبه تبني وتتعبي في عش واحلام ورديه بتبنيها مع شريك حياتك وتيجي واحده ماتسواش تقش وتهدم كل اللي بنيتيه
امي استسلمت،محاولتش تحارب،بعدت واختارت حكم القدر لينا وليها..
وليه هو..وللامانه في الاخر ربنا جبر الخواطر..جبرها جامد وخصوصا في امي..واخويا اللي مش شقيق اللي كلنا كرهناه واذيناه..
سواء نفسي ولا بدني..
كل دا كان عادي
بس اللي مش عادي ابدا اللي حصل بعد كدا..
ـ بدايه اللعنه..
انا سما..
كنت عيله صغيره بضفاير...
عايشه عيشه هاديه بين اب وام جميله جمال مش عادي
ام حسنه الخلق والاخلاق زي ما بيقولو..
بيحبو بعض وواخدين بعض علي حب زي مابيقولو..
امي وابويا كانو ولاد عم..وحبو بعض واتجوزو..جابوني انا الكبيره سما.. بعد معاناه مع الدكاتره لان امي كان عندها مشكله..
وبعديا اختي ندي بخمس سنين..
واخيرا اخويا الصغير اللي اتفاجأنا بحمل امي فيه بعد طلاقها..
يعني بيني وبينه ١٥سنه..
نادر حبيبي وروحي..
في ليله كاحله فوقنا كلنا علي صوت صريخ وبكا..
امي بتبكي بقهر وبتلطم علي خدها..
ـ اتجوزت عليا ياعبدالله ليه انا عملت ايه،هي احسن مني في ايه؟
ابويا مكنش قادر يتكلم..كان حاطط وشه في الارض وساكت.. مبيردش..
ولو رد بيقول غصب عني..معدش ينفع اطلقها حامل مني..وهتجبلي الواد..
وقتها امي رفعت عينها في عينه وبصتله بحرقه وخيبه امل
وكانها كانت متوقعه مثارتش ولا اتنرفزت.. ودموعها نزلت علي خدها..
وبقله حيله..مدت ايدها ومسحت دموعها..
ــ خلاص يبقي تطلقني انا،ربنا يوفقك.في حياتك..
ابويا جسمه اتخشب ومبقاش عارف يرد..ابويا عمره ماكان كدا..
كلمه الطلاق من امي علي سبيل الهزار كانت بتخليه مش في وعيه..وبتبقي ليله بمبي..
انا واعيه لكل كلمه وكل رد فعل منه ومنها،بس وقتها ماكنتش فاهمه..
ـ اللي حصل وقتهااا خلانا نتأكد ان ابويا بتاع زمان عمره ماهيرجع..
الخدامه اللي وقعته عرفت تتمكن منه..
بصلها بهدوء.
ـ اللي يريحك...انا هعمله..بس لو حابه تربي عيالك اقعدي ربيهم وانا هصرف عليهم..
انتي عارفه وانا عارف اخواتك وحشين ومحدش هيصرف عليكي..فبلاش السكينه تسرقك
وترجعي تترجيني وتندمي..لان ساعتها مش هرحمك
انا مبتفش تفه وارجع الحسها..
وبصلها بصه رغم مرور السنين الا انها لسه معلمه فيه..
بصه بتقول هتستسلم..دا اضعف مايمكن انها تمشي..هتروح فين؟
اهلها جامدين ونسوان اخواتها مش هيطقيوها..اكيد هترجع..واهي خدمه بخدمه..
هتبقي خدامه ليا ولعيالها..
ـ بصه كل ما افتكرها اجري اروح علي قبرها واقولها سامحيني ياامي انتي انظلمتي..وكلنا جينا عليكي..سامحيني وارحميني من دعوتك
اللي اتحققت..انا غلطانه
بس يفيد بايه الندم..
ـ ساعتها بصتله امي،بصه سخريه علي حزن مكبوت..وقهره وغصه بحلقها..مش عارفه تبلعها
وهي بتحاول تبان قويه..
وقالتله..انت صح ✅
انا فعلا مليش حد...انت اللي كنت مفكراك الدنيا كلها بعد موت ابويا وامي..
بس معلش..ملحوقه..مفيش حاجه ياعبدالله بتفضل علي حالها
عندك حق اخواتي ونسوان اخواتي مش هيطيقوني ببناتي..وهيخلوني خدامه ليهم
عشان كدا..
انا هخرج بس بطولي مش هتحمل بناتي يشتغلو خدامين كمان..كفايه انا
خليهم معاك يعيشوا من خيرك..وانا ربنا يتولاني..
ابويا انصدم وقالها..بتقولي ايه؟
ازاي؟
انتي....
سكت ووشه مكنش يتفسر..والندم بان عليه..
مهما قال مبحبهاش..كان بيعشقها ولما جه يموت
متمناش غيرها..بس نقول ايه..
منه لله اللي بياذي..
وقتها قربت مني وباستني وعملت كدا مع اختي ندي
ودموعها نزلت وهي بتقول سامحوني..مش بإيديا..
وخرجت زي ما دخلت من غير شنطه هدومها..حتي..
قالتله الهدوم دي من فلوسك،انا متجوزاك من غير اي حاجه كتر خيرك..
هخرج زي مادخلت.. وفعلا خرجت..
جريت انا واختي نمسك فيها،بس هي خلاص كانت حسمت امرها..
خرجت امي من هنا، والصبح لقينا ست الحسن والجمال اللي فضلها ابويا
علي امنا،في مكانها وفي بيتها..بعد ليله مبطلناش فيها انا واختي بكا..
ابويا كان بيدبل من فراق امي
بس مش عارف ياخد موقف..
ساعات يحنلها وساعات يشتم ويسب فيها..
بعتلها مراسيل كتير ترجع بس مكنتش بترضي وخصوصا بعد ماعرف انها حامل في الواد اللي كان بيتمناه..والست الهانم في بطنها بنت بردو.
