#غلطة_عمري
الحلقه الثانيه 2
الكاتبه:- سجى الرقيعي
كان عندنا فرح اختي منال اليوم و اخيرآ بتزوج يلي حباته 😍
في بيتنا:-
منال: منار شوفي حطيلي الخرس و الطوق بسرعه تأخرت بنمشي اندوش
منار: به علاش ما تكلمي ميار
منال: ما ينعبي عليها تربحي خيتي
منار: به 😒
فتحت الدولاب طلعت طاقم اختها و حطاته ليها في الشنطه
منال خشت للحمام دوشت و بدلت حوايجها و طلعت مشطت شعرها لفاته كحكه و لبست الوشاح و طلعت
مريمـ: منال استني توا انتِ ماشه للمزين
منال: اي يا ماما في حد بتمشي معاي
مريمـ: كلمي منار ولا ميار
منال: توا نكلم منار ميار هذي فكيني منها اديرلي العار في المزين
مريمـ: ربي يهديها
ميار: كأنه سمعت اسمي يهدي الجميع🙂
منال: بالله ارحميني فكيني منك مش ناقصتك ره بري كلمي منار
ميار: على اساس انا الي ناقصتك و منار بري كلميها بروحك مش خدامه عندك...مشت و ولت
ااه حق نسيت ما قصقصت منار شن تبيهاا؟؟
منال: بري ملحي و درقي وجهك.. و مشت بتكلم منار
ميار: تي خيرها اهيا تفو عليها ربي يصلح حالها
مريمـ: اسأل الله الهدايه
ميار: ماما باللهي ترا امالا عدوك قعده تدعي عليا؟؟ و منال شن تبي في منار؟؟
مريمـ: انت مادخلك درقي وجهك..وعدت و خلتها
ميار: اتقول قاتلتلهم اولادهم
زيد: صكري فمك و اتلفي ارقي لي دارك
ميار: مش ناقصتك ره
زيد: تعرفي قسم بالله مره ثانيه نسمعك تردي عليا الا ما ندفنك و انت حيه
ميار: فلقتها بضحكه.. وله شعر و عايراته تعرفي قسم بالله مره ثانيه نسمعك تردي عليا الا ما ندفنك و انتِ حيه
زيد: تعصب و بحركه سريعه منه ضربها كف
ميار: ديما ناكل فيها انا تحب تميز اصلن ما نقبلك بكل و رقت بسرعه لدارها و سكرت الدار بالمفتاح خايفه يجيها لانه واعر🤷
زيد: قليلة ادب هذا كله من التدليل الزايد…و طلع
👑 روايات سجى الرقيعي 👑
منال: منار منار تي وينك
منال ادور على منار من دار لي دار
منال: كل الديران دورت عليهن وين مشت و نا تأخرت…و انا و فايته من جنب دار زيد نشوف في بنت قربت جنب الباب و نا نتلفت خايفه زيد يشوفي بعدين يدبحني لانه خشيت لي داره بعد ما لقيت حد قربت جنب الباب و دفيته لين انفتح على حده
منال: من م منار …ـيتبع
الحلقه قصيره بس الحلقه الثالثه 3 رح نطولها تفاعلوا
