نزلت حضرت لغده ويه ماما وره شويه إجه بابا وسلمت عليه وكالي ها بنيتي تونستي كتله أي يأبه كولش تونست ودغدينه ولميت لماعين غسلتم وصعدت لكيت مريم 8مكالمات مددت مكاني واتصلت عليه
مريم...هله ولله هم زين ذكرتيني أنتي شسالفتج متكليلي
طيبه...ولج أهدي شبيج مابيه شي بس إني تأخرت ورجعت
مريم... هااا وهيج بس علي حجالي كول شي
طيبه...ولج شبيج تخبلتي هوه شكو شصار بعدين هوه وين يعرفني حته يطلب رقمي شنو هل ميانه اووي
مريم...وسم ولج علي شاب ميتفوت لبنات كاتلات نفسهن عليه ونتي تعوفي وتمشين
طيبه... اووي هوه منو هسه مهند ومادري عمي ماريد منه شي خلي يكفيني شره يلاه حبيبتي إني نعسانه وحابه أنام بأي
مريم...ماشي الله وياج
طيبه... غلقت لفون ونمت.....
نرجع لعلي
علي...إني كتلهه أريد رقمج شو هاي مادري شبيهه تخبلت وراحت انوب اصيح وراهه ولا عبالك تجاهلتني وراحت شويه وجت مريم وأحمد وحجيتلهم لصار مريم كالت هيه طيبه هيج منعزله ماعدهه غيري ولا تحب تختلط بناس إني معجبني هل حجي كتلهه مريم ممكن اخابر أمي من مبايلج مبايلي طفه شحن ااخذت
مبايلي دخلت ع مكالمات وطلعت آخر شي طيبه اخذت لرقم ورسلته لرقمي ومسحت ارساله ورجعتلهه لجهاز وسلمت عليهم ورجعت للبيت تغديت ورحت لغرفتي باوعت ع رقم ردت ادزلهه رساله بس خفت عليهه خاف أحد يكمشهه كلت خليهه لليل ونمت كعدت 6لعصر خابرني أحمد وطلعنه للمول اشترينه هواي شغلات وملابس للجامعه وفترينه وتعشينه ورجعنا ب 11ونص طبيت عل بيت كول نايم صعدت لغرفتي وغيرت ملابسي وتمددت ع جربايه وفتحت فوني دا أكلب بي وطلعلي رقمهه إني بساع كتبت عليه سنفورتي حبيت اضوجهه أول شي دزيتلهه أمي تريد جنه ونتضرتهه ترد.....
طيبه كعدت ب 5لعصر بديت ادرس بقيت لل10بليل ادرس أحس عيوني صارن سود ما شوف بيهم بعد
نزلت لكيت ماما وبابا وأخواتي كاعدين كتلهم مساء لخير ردو علي مساء لنور رحت للثلاجه اخذت فواكه وعصير وكعدت يمهم بدينه نأكل ونسولف ونضحك لل12جنت دا أصعد لدرج واجتني رسائله من رقم غريب وكاتب أمي تريد جنه كبل صعدت فوك وقفلت لباب كعدت كتبت له انته متستحي شنو هل تصرفات طفوليه روح ولدوك لهنا بعد وبعدين منين جبت رقمي
علي اجتني رساله منهه بس ضوجتني كتلهه بكيفي إني أقرر اراسلج أو لا فهمتي مو انتي تعلميني شون اتصرف
طيبه...هاي فوكاهه روح منا احسلك لا ولله ثم ولله اتصرف وياك تصرف ميعجبك
علي ...لا هاي زودتهه اتصلت بيهه وجاوبت رادت تحجي وسكتتهه كتلهه ولا حرف اعلمج شلون اصيح وراج ومتردين واراسلج وتجاوزين سهله
طيبه...من كال هيج خفت منه وخفت أكثر لين رقمه عندي كتله بأي وراح بعدين حضرته وغلقت لمبايل ونمت
علي ...كنت دا احجي وياهه شو هاي سدي لفون وحضرتني وغلقت جهازها اتصلت حركت مبايلهه ومغلق
ليش ماكو تفاعل فدوه شجعوني محتاجه دعمكم
أنت تقرأ
عشق بابلي
Romanceلقصه تتحدث عن فتاه حبت رجل حد لجنون وقف في طريق هاذا لحب رجل مريض عقليه خلونه نشوف منو ينتصر حب طيبه وعلي لو حقد وكره أسامه
