ندى قلبي

البارت الثامن

" نوفيلا " ندى قلبي "

*اللهم إني توكلت عليك، وفوضت أمري إليك، لا ملجأ ولا منجى إلا إليك*
*اللهم إني أسألك فهم النبيين، وحفظ المرسلين، والملائكة المقربين، اللهم اجعل ألسنتنا عامرة بذكرك، وقلوبنا بخشيتك، وأسرارنا بطاعتك، إنك على كل شيء قدير، وحسبنا الله ونعم الوكيل*

البارت الثامن

.......مسكت تليفونها وفتحت اغنية وفضلت ترقص وشدت محاسن واياد وهي بتضحك وتزغزغ اياد عشان عاوزاه يضحك ويخرج من حزنه ومحاسن كانت ماسكة ايدهم بس وفي سرها بتدعي لأبنها الغالي واياد كان بيبتسم ل.....بحزن عشان مش يزعلها وعينه دمعت اكتر وافتكر يوم الحنة عشان كانت اغنية بنت الجيران هي اللي شغالة وبعدها بشوية سابوه ونزله وهو مسك المذكرات تاني ومقدرش يمسك دموعه

جه يوم جديد علي ابطالنا وكانه بيستعده لاجمل يوم بالنسبة لندى واياد وريم ومالك

البنات جهزت وراحو البيوتي سنتر والشباب بيشرفو علي تجهيز الجنينة للفرح ومحاسن وعزيزة (ام جميلة) بيشرفو علي الاكل وتجهيزات التانية

عدا اليوم بسرعة والشباب جهزو وراحو البيوتي سنتر

عند البنات

ندى جهزت و كانت حلوة اووووي بفستان سلفر ضيق لحد الوسط ونازل واسع وليه ديل كبير وحجاب حلو اووووي كانت زي الاميرات وريم لبست فستان طويل لونه اوف وايت وحجاب نفس اللون وتاج صغير (لكتب الكتاب )وجميلة لبست فستان موف هادي وطرحة نفس اللون وكان شيك جدا

بعد ماجهزو بشوية الشباب وصله واول مااياد دخل وشاف ندى انبهر بيها من شدة جمالها وادها بوكيه الورد وهي كانت معجبة بجماله اوووي كان في قمة الشياكة في البدلة السودا والبيبيون الاسود ومسك ايدها باسها وخدها وخرجه وجميلة وريم وراها

مالك اول ماشاف ريم راح عندها وعنيه كلها فرحة واعجاب بجمالها ونفسه يخبيها من عيون الناس وهي كانت معجبة بشياكته في البدلة الكحلي والجرفت الاسود

مالك :ماشاءالله ايه الجمال ده
ريم وشها احمر واتكسفت وبصت في الارض ومالك كان لسة هيمسك ايدها رجعت خطوة لورا وهو رفع ايده وقال بضحكة : تمام تمام كلها ساعة امسكها براحتي يلا اركبي

ركبت ريم معاه العربية من غير ماتتكلم وجميلة ركبت مع ندى واياد وبعد ماركبت قدام اتفجئت ان كريم اللي سايق وللحظة سرحت فيه لما شافت البدلة الرمادي اللي لابسها هي اول مرة تشوفه كده وبعدها فاقت لنفسها وهو كان منبهر بيها وبعد كده اتحركه علي الفيلا وكريم كان بيزمر وعامل زفة جامدة وجميلة شغلت شغلت اغاني وبقت تزغرط وتسقف في العربية وكريم متغاظ منها عشان اللي بتعمله ومستغرب من نفسه

***********************

وصله الفيلا والكل استقبلهم ومبسوط بيهم ومحاسن كالعادة خايفة عليهم وبتحوطهم وبعد الزفة دخله عند طربيزة كتب الكتاب وتم كتب كتاب اياد وندى واول ما المأذون قال بارك الله لكما وبارك عليكما والكل سقف اياد قام حضن ندى جامد وهي حضنته وعنيها دمعت بفرحة وفضل يلف بيها وبعد كده نزلها وباس دمغها مع التسقيف من الكل وبعدها تم كتب كتاب ريم ومالك وبرضه قام حضنها وهي كانت مكسوفة جدااا وبعد كدا اشتغلت اغنية اسلو وكانت ندى اللي هتغني والكل اتفاجئ