العشك المر

الحلقه 1

ماتمنيت البكاء يوما😢
ولكن هم الزمان ابكاني💔
تمنيت ان اعيش كما تريد نفسي💔
ولكن عاشت نفسي كما يريد زماني...
__________________________

جانت تبجي ودمعها بعينها والحلقه بايدها والدموع دتكثر اكثر واكثر بحيث ارتفعت صوت البجي والشهكات انخفضت للكاع وهي منهارا  كوه تجر النفس وكلامه يدور براسها " انتي الي افتهمتي لو لاء برضاتج لو غصبا عليج " صرخة صرخة مليانه وجع وقهر  مدري من ورى كلامه لو من ورى زمانها التعبها هواية ولا يووم رحمها  كامت على حيلها واستجمعت نفسها مثل كل مرة توكع بيها بس هااي المرة غيير الجرح من قريب مو من غرريب دخلت الغرفه وسدته بقوة صدى الصوت ملا البيت الفاارغ وبس صوت التكسر يطلع من الغر فه  

________________

اكيد انتوو مفتهمتو شي راح ارجعلكم شويه بالاحداث

فلاش بااك ....

جانت نايمه  ورجعليها طالعات من الغطى كالعادة كعدت تكلب كامت ويات تسريحت شعرها الخافها الفراش سمعت صووت هورن سيارة طلعت تركض عالشباك استقبلت ذاك الكان بالسيارة طلع ايدة من سيارة اخر موديل واشرلها بمعنى يلا ركضت عالكنتور طلعت ملابسها وبشكل مبعثر  دوون تنسيق بنطرون بوري وكيمونه وقميص خفيف وحذاء راياضي دخلت للحمام وهي مستعجله غسلت بسرعه وطلعت من الغرفه تركض عالدرج طخت بوحده

سيمه : شبيج لوجين

لوجين : اسفه خاله مستعجله فتحت الباب كال الحديقه وطلعت  صعدت بالبسيارة

علي وهو يباوع على ساعته

علي : 15 دقيقه و20 ثانيه زيين اكوو تطور

رجعت الثانيه تاخذ نفس ...

لوجين : مرت الخ افووز ....

علي : لنشوف مثل هاي المرة بلكلي الجايه تسوينها ب5 دقايق

لوجين : شلون تريدني اكعد واغير ملابسي واغسل ب5 دقايق وين اكوو هيج شي

علي : لا اكوو عنوني

لوجين :ديلا امشي يا عنوني 👀

علي : حاااضر انتي تأمرين .

اسمي لوجين عمري هه عمري صح صغير بس كلبي مثل كلب شايب شابع قهر من هاي الدنيا نعم اني تعيسه من تعساء العالم الحياة بدون اب وام  صعبه وبالاخص اذا جانت وانتي صغيرة خسرت اني واني عمري 6 سنوات رجعت للبيت والفرحه ماليه وجهي واول شهادة اخذها وطالعه اول بس جنت الاخير بالحظ لكيت امي متوفيه بحادث سيارة اني اخاف اسوق سبارة ولا عمري لزمت الستيرن والسيارة مستغله  تكدر تكواون مثل الفوبيا  ... اما ابوي فماعرف لاشكاه ولا شايفته بس اعرف اسمه وباقي الشغلات مثل عايش ميت متزوج عنده اطفال ماعنده ماعرفها لان امي كالت من حنت صغيرة بالمهاد عافني اني وياها وراح مرات اغمض عيوني واخذ نفس واكعد اتأمل لو اهلي هسة  وياي جاان اني شلون حياتي امي تكعدني على مدرستي الي تاخرت عليها ابوي كاعد يتريك ليروح للشغل واخ صغنوني عندي يروح للروضه وارجع افتح عيوني الكه  ولا شي منها موجود  ودرجع دموعي تنزل  بس عندي علي اذا ابجي   يمسح دمعتي ولذا اوجع يسنديني واذا انجرحت يداويني على الرغم ماكوو اي صلة دم بيني وبينه بس جانو هم جيرانه قبل 14 سنه تعرفت علي بضروف كلش صعبه بنفس الاسبوع  التوفت بي امي جنت صغيرة وماعرف شي بس ابجي وفكرة امي راحت امي الجانت كل دنينتي وكل اهلي راحت بالوقت الي راد يصير بيه حالة نفسيه لا اكل ولا اشرب ولا انام حتى كمت اتخيلها  كدامي واسمع صوتتها تصيحني تخبلت اله اشويه بس علي فهمني شنو موت بطريقته وتكدر تكولون ضحك علي كاال الانسان من يموت يصير نجمه بالسمة كمت كل ما اشتاق لأمي اصعد عالسطح
واشكيلها  ضليت اضحك على روحي بهاي السالفه لحد الان كمت اعتبرها عادة ........