سلامممممم
عليكم احبائي
رمضان رمضان كريم عليكم و علينا
و انشالله افطار شهي و ربي يحقق كل أمانيكم
بجاه هذا شهر كريم
لا تنسون الصلاه ع خاتم الانبياء
الف الصلاه عليه وسلم
اذا تريدون بارت ع جدولي برمضان كولو
بتعليقات اووك حبايب
ويلا نبلش
سمو بسم الله
وتوكلو ع الله
(متدينه مو بيدي😁😁)
❤❤اختكم❤❤
🌹🌹الكاتبه🌹🌹بتول🌹🌹
............................ ........................................
الماس: بعد يلا خل نطلع ضايجه
اسراء وتكرص الماس من خدودها: فديت الضايجه انا يولو بحبببج
الماس: اووووي اني هم احبج بس خل نطلع
اسراء: يلا يلا امشي
طلعت سلمت ع عمامي و خالي ماجد
خضني وباسسني من راسي
ماجد: شلونها بنيتي
الماس: حمدلله خالو
ماجد: تحسين بوجع
الماس: لا ماا احسس (جذابه و للله )
ماجد: عفيه بنتي لا تخافين كم يوم و يطيب
الماس: افا اني اخاف كول غيرها مجودي
ماجد: لا انتي بطله
اسراء: عمووو اياد خلي ماسه تجي معنا ع تكغيت(تكريت/صلاح الدين)
ابو جوهره: الله كريم بنتي
اسراء: نعرف الله كريم
الله يخليك عموووو
الله يخليك حباب
ابو اسراء: يا ابو جوهره عوفها تجي للتكريت و تعرف حاليا عدهم عطله خل تتونس تجي
ابو جوهره: بكيفها بعد اني قابل هاا بنتي شكولين
الماس: بكيفك بابا
ماحسيت الا بكرصه بفخدي من اسراء
اسراء بصوت ناصي: انجبي و كولي اي اغيح(اريح)اووك
الماس: ايي بابا اغيح(اريح)
عم الماس (قاسم) : خويه تظل يمنا الماس شعدنا غيرها نشيلها بعيونه
خال الماس(ماجد) : لا يمنا مو الماس
الماس: يم عمامي كم يوم و يم خوالي كم يوم و قبل اداوم بيومين ارجع ع بصره
ابو جوهره: ماشي بنتي و جوهره اتروح معاكي بعد ادير بالها ع جرح
الماس و جوهره: ماشي
بقينا نسولف شويه و دك موبايلي استاذن و كمت اني و اسو
شفت المتصل هيام
الماس: الوووو هيومه
هيام: الو ماسه شلونج
الماس: حمدلله حبي انتي شونج
هيام: اني تمام خابرتج بعد تروحين معايه ع بستان تغيرين جوو
الماس: شكرا حبي بس اجليها
نطت اسراء: لا تخافين هيومه نص ساعه و احنا مكملين لبس
هيام: ماشي استنى
باي
البنات: باي
سديت الاتصال و نداريت ع اسراء ورفعت تك حاجب
اسراء: نزلي حاجبج بعد ما اتوتر شوفي اني قبلت لان بعد تغيرين نفسج و شمين هوا منعش و اني هم اريد اشوف بستان مو كلتي هتيج مرا تعاي و اشوفج بستان
الماس: ماشي ماشي شكد حجيتي
بس اذا بابا ماقبل
اسراء: لا تخافين يقبل تعاي نطلع ملابس يلا
الماس: اختاريت قميص اسود و بنطلون ٩٠ كيلوت اسود و شال زيتوني غامق حيل و خذاء(تكرمون)زيتوني
اما اسراء لبست بنطلون ٩٠ لونه ثلجي و لزك حيل و تيشرت ابيض و ايدي بوف و شفافه و هي مو محجبه بس اني كلتلها عيب احنا غير عن تكريت فا لبست توربان ابيض و خذاء(تكرمون) ابيض و لبست خلخال وكلاده بيها اسمها
هي ساعدني البس ملابسي
الماس: هسه روحي ع بابا و حاولي
اسراء: اووگ دقايق و اجي
الماس: ماشي
طلعت و اني اخدتلي صوفنا شطولها ما حسيت الا بصابع جدامي اطك
الماس: هااا🙀🙀
اسراء: وين صافن الحلو
الماس: ولا شي هاا بشري قبل
اسراء: لا ماقبل
الماس: صدككك حرامات تعبت يلا كملت تبديل
اسراء: جذب قبل قبل
الماس: لا يا ح####ه
اسراء: يلا امشي نروح
الماس: خلي اخابرها
الو هيومه
هيام: هلا ماسه وينج شو اتاخرتي
الماس: هسه اجي استني باب
هيام: ماشي
قفلت موبايل
وانداريت ع اسو يلا كومي
كمنا طلعنا بعد مااخدتك هواي تعليمات ولا وحده خفظت
دكيت باب شويه و انفتح فتحه اخوها عباس(عمو عباس😀😀)اسو خبله صفنك بي ظربتها و سلمت عليه و تحمدلي بسلامه و بس فتنا ع هيام
جانت لابسه فستان طويل لونه اسود و بي زهور من جوا و حجاب سمائي لابسه سلمنا عليها و طلعنا ع بستان وجوو يجنن لان فتنا شهر شباط لا هو حار ولا بار
...........
🌟🌟🌟🌟🌟🌟🌟🌟🌟🌟🌟🌟🌟🌟🌟
هلا وغلا بحبايب قلبي و
نسمه ريقي
استغفره الله العلي العظيم واتوب اليه
لا تنسون نجمه بداعت شهر رمضان واكتبولي اذا تريدون جدول واشياء اسويتها برمضان
باي باي
👋👋👋👋👋👋👋👋👋👋👋👋👋👋👋👋👋👋👋👋👋👋👋👋👋👋👋👋👋👋
