الكاتبه:كوثر شريف الهواري
روايه رومانسيه:حب بلا انذار
♕♕♕♕♕♕♕♕♕♕♕♕♕♕♕♕♕♕♕♕♕♕♕♕♕
الفصل الرابع
......................
لما شافت سلمي مروان وهو داخل الكافيه مع بنت جميله جدا وشيك حتي في لبسها اتصدمت وقالت في نفسها: ينهر زي بعضو من البت ال معاه دي وايه ال جابو هنا اصلا اووووف ياوكاااان متخدش بلها منهم احسن لو شفتهم لو كانت وافقت بنسبه ١في الميه هتلغيه علي طول بس انا حاسه انها بنت كويسه من لبسها وكلمها معاه بردو هو كمان بيتعامل معاها عادي
قطعت مريم تفكرها: سلمي.... سلمى
سلمي: هااا بتقولي حاجه يا مريم
مريم بسخريه: بقول ده انتي مش معايا خالص بقالي ساعه بتكلم وانتي ولا هنا..... ال واخد عقلك يا حبيبتي
وفي الجهة الاخري مروان اخد بالو ان سلمى شافته فقال للبنت ال معاه:معلش يا ندى ثانيه واحده هشوف ناس معرفه بسرعه وارجعلك
ندى مبتسمه: اه اكيد اتفضل
ذهب مروان بأتجاه مريم وسلمى واعد علي الكرسي المقابل لمريم وابتسم
مريم بدهشه: انت.. انت ايه ال جابك هنا
مروان بأبتسامه واسعه: طب مفيش عامل ايه اذيك اي حاجه كده
مريم بعصبيه: انتي بتمشي ورايا ولا ايه وبعدين عيزني ارحب بيك بتاع ايه وهو انا اعرفك اصلا
مروان بيحاول يهديها: بس بس اهدي الناس بتبص علينا وبعدين اولا انا مش بمشي وراكي ولا حاجه ليه يعني فاضي انا علشان افضل سارح وراكي كل الحكايه اني كنت في الشركه عادي وانا بحضر حجاتي علشان اروح لقيت عمي بيتصل بيا علشان اعدي في الطريق اخد بنت عمي معايا واروحها علشان هو علطول بيوديها الكليه ويرجعاها بس انهارده هيطر يتأخر فطلب مني اروحا خصوصا اني بعدي علي كليتكم وانا مروح وعلي فكره هي معاكو في نفس الكليه بس في سنه رابعه فروحت علشان اروحها فقولت اعزمها علي حاجه تشربها بس ثانيا بقى السلام لكل الناس مسلمين مسحين تعرفيهم متعرفهمش اي حد يجوز لو السلام
مريم: ايه يا عم المحاضره دي كلها انا مالي بالهري ده كله
مروان مبتسما: الله مالك ازاي مش هتبقى عروستي لازم اوضحلك ان دي بنت عمي بدل متفهمي غلط ثم وجه حديثه لسلمي: ولا ايه يا أنسه سلمي
سلمي: هااا اه.. اه معاك حق
مريم: اتفضل امشي بقى مينفعش تعد معانا اكتر من كده واحنا مفيش حاجه تربطنا بيك
مروان: تمام همشي بس قريب هيبقى في رابط ورابط قوي اوي كمان
مريم بشبه ابتسامه: شكرا يا مروان
