... الحلقة (3) #مكتوبلي
#كاتبة #أميرة_سليمان
حسام... اوصل للحوش هو تعب في عيونه مش قادر يمشي كويس من الصدمة.
محمد...انزل هو حاط رأسه لوطه.
حسام... طق الباب.. هو ايفكر شن بيقول لي بوه و كيف بيقوليه طلق ملاك.
والد ملاك... افتح لي حسام و عيونه فيهم علامات غضب و زعل الأب على بنته لي انكسرت.
حسام....عمي انت أهنا.
والد ملاك.... بنظرات اتسخف.... قولي علاش يا ولدي بس علاش درت هكي بنتي شن دارتلك.
حسام.... حط عيونه لوطه معاش اعرف شن ايرد.
محمد..... بكل حقارة.... انا انقولك علاش خوي دار هكي و وقف العرس هو متحشم ايقولها لاكن انا توا نفهمك عمي رمضان.
حسام.... ابديه يغمز لي خوه ابديه يرعش و خاف من محمد يكشف المستور.
محمد.... بنتك يا عمي خانت خوي قبل العرس توا خوي تأكد من الكلام هذا ووقف العرس.
والد ملاك.... ابديه يضحك.... تي بنتي انا يا ولدي مستحيل دير هكي.. اكيد في سبب انتم ماتبوش اتقولوا توا بتحطوها في رأس بنتي.
محمد.... َتي أمس فرحانين قريب أنطيروا بيه على خاطر ابديه عريس... لاكن هذا لصار.
والد ملاك.... اركب هو و خالها و خوها للسياره هما معصبين.
والد حسام... استغرب من كلام محمد.
حسام.. بعصبية و شدت أيدى مجنونه... و الله لما نقتلك شن الكلام هذا عيب عليك البنت أشرف منك.
محمد... خلاص اعترف بجريمه امتاعك آمالا.
حسام.. طول عمرك منحط و تافهه هكي.
________________________________
أم حسام... قعمزت تبكي و زعلانه على عرس ولدها البكر لي أوقف.
والد حسام.. َيشبح لي ولده مش مطمن بكل و خاصة لعيون حسام لي فيهم نظرات ندم.
أم حسام.... بفزعة مجنونه... َشن بندير للحلويات و بضاعة الغذاء و الحوسه هاذي.
بنت خال حسام أريج..... فرحانه و قريب اطير على خاطر العرس أوقف ما صاريش منه... فرحت كيف صديق طفولتها بيقعدلها
ملاك....اتعظ في ظوافرها و اتهز في رجلها.
حسام.... خش للحمام اتوض و صلى ظهر و ابديه يبكي في السجود.
أم حسام ست لطفيه....معاش تبكي سلم ولدي طز فيها توا نأخدلك أريج و انتموا فيها هي.
حسام.... يمه انا تعبان بنرقد شويه حاس روحي تعبان هلبا.
محمد.... شد روحك يا راجل بتفضحنا
خوه ملاك... خال ملاك خش با السياره قريب اقلبها.
ملاك... ناضت مفزوعة امشت تجري.. تستنى في سبب طلاق.
رضوان... انزل ابديه ايدف في ملاك و يأخد في التراب و ايلوح فيه عليها.
ملاك.... امشت تجري للحمام البراني و تغسل في وجهها تبكي.
رضوان.. ايعيط بي ان شاء الله تنعمي.
أم ملاك.. َ.. َيا فرخ خيرك عليها شن دارت.
والد ملاك... َتوا انت صدقتهم يا رضوان مش تتضرب في أختك.
خوت ملاك.... رضوان و علي و ابراهيم اجتمعوا عليعا.
ملاك... طلعت من الحمام.. ترجف.. انا شن درت بس و الله عظيم مادرت شي ورحمت جداي الغالية يكذبوا عليكم.
عليَ...باهي توا تأكلي طريحة نباش القبور توا نعرفوا.
ملاك...ابدت اتعيط في الجنان.
خوت ملاك.... يضربوا فيها بوحشيه.
ملاك... شاربها انفتح.. ابديه اينزل في الدم.
والد ملاك.. َايحز هو و امها معاش قدروهم.
ملاك....طاحت على التراب كلها أبدت جروح.
خوات ملاك.... َيبكوا بعبرتهم.
حسام.... ناض ايعيط من نومه... عطور لا ردي بالك تمسيني عطور لا بري من عليا.
محمد... حط المخده على فم حسام.... اسكت بتفضحنا اسكت.
حسام..... شوفتها في حلمي شوفتها في حلمي.
والد حسام.... من هي.
محمد... شاف ملاك مرته.
ملاك... مرميه على سرير مش قادرة اتنوض من كثرت الضرب.
خوت ملاك.... مقعمزين على هاتفها ايفتشوا فيه.. وجدان اختها شاده ايدي ملاك و تبكي معاها.
علي...افتح محادثه لي بين ملاك و حسام اشهق.
رضوان... حي باعته صوره ليه بفستان الحفلة حي على العار.
وجدان... خطيبها.
رضوان... صكري فمك انتي نهاركم أحرف.
علي...يا حيف على تربايتك يمه ليهم.
أم ملاك.... توا ألقيت انت واياه حاجة غير محادثه حسام.
علي...لالا هاتف مافيشي شي لاكن طلعت المصيبه في محادثه خطيبها.
وجدان... على اساس انت مرتك ما كنتيش تبعتلك فيه قبل.
علي..َناض يجري لي وجدان.
_____________________________
#كاتبة #أميرة_سليمان
أم حسام...قررت تمشي للمزرعة بتريح رأسها من الدوشه لما اسمع محمد و حسام😲😲.
حسام..... افزع و ابديه يرعش.
محمد.... لالا يمه اقعدي أهنا توا مش وقتها.
أم حسام.. كلنا بنمشوا حته بوك هكي يبي.
حسام... لالا انا مش ماشي بروا انتم.
والد حسام... انت و اياه بسرعة اركبوا معاش عندي وجهه نقعد بجنب عمامك أهنا.
ملاك....مع حلول الصباح اليوم الأربعاء لي مفروض كان ايكون يوم غذاء عرسها 🥺🥺 أبدت تركب في بضاعتها و حاجات العرس.
وجدان. ركبت كل شي في سيارتها هيا راجلها رفعوا بيصدقوه.
حسام.... وصلوا للمزرعة انزل هو عارق و حالته حاله.
والد حسام....امشي يضرب في دوره على المزرعة جاته صدمة لما شاف البئر... امشي يجري لي محمد.
محمد....انا حطيت فيه الكناسه و حرقتها اصلا هو قديم.
حسام.... خش للدار قعمز في زاوية الدار.
والد حسام... واللهي حاس تعشن فيك انت و خوك يا محمد تعشن امدايرين و خاصة انت يا محمد عارفك شني.
محمد..... مش وعدتك اني توبت خلاص.. و حسام زعلان على خاطر ملاك و عرسه خيرك يابوي.
__________________________
مع حلول ليل.
حسام.... ابديه يسمع في صوت عياط و ايكذب في روحه.
محمد... ناض من على سفرة العشاء اطلع برا ابديه يقوى الصوت.
حسام....وجهها اتغير راح اسود ناض قريب اغمى عليه و اقعد يشبح لمحمد.
محمد.....يشبح لي حسام.
والد حسام... َفي صوت عياط و لا شني.
أم حسام.... حي مرات كلب هذا.
والد حسام... َََلالا اتقولي صوت بني آدم.
حسام...هي اركبوا بسرعة خلي انروحوا هي.
والد حسام... مش ماشي انا لين تفهمني انت َ خوك احكي انت و اياه.
حسام.... هي قوتلكم اركبوا للسيارة بسرعة..
محمد... امشي يجري للبئر لي اتوقعه اطلع صح امشي يجري لي أهله.
حسام.... 🥺❤️ انا بنفهمك يا بوي كل شي.
محمد... ابديه ايدف في حسام للدار.
حسام.... ابديه ايعيط بي انا مجرم يا بوي انا مجرم انا مجرم اقتلت البنت.
والد حسام.... في حالة صمت.
ملاك.... مقعمزة برا تبكي في ليلة لي كانت مفروض اتكون ليلة حنتها ليلة كسوتها 🥺❤️ لاكن هي خشت في العدة.
عبسي... يشبح لبنت عمه من فوق السور نقز من على السور و أوقف بجنبها.
ملاك... انخلعت عيطت
عبسي... انخلع لما شاف وجهه ملاك زي الخريطة
ملاك... شن جابك انت انا في العدة
عبسي... الله اسامحهم خوتك ياريته فيه لا فيك.
ملاك.. َثاغد تبيني عبسي.
عبسي.... مش قادر نشبح لي وجهك هكي بنتلفت للجهة ثانية 🥺💔
ملاك.... جاوبني.
عبسي.... مافيش داعي انجاوب انتي عارفة جوابي.
ملاك.... تابع......
