عشگ الشيخه

البارت السادس عشر ج1

قصه.... عشگ ـ الشيخه

بقلمي.... اديان الحمراني.....

صباح الورد والياسمين عليكم يااا احلى
متابعين بدنيه..

اتمنى لكم جميعا قراة ممتعه
لا تنسون التصويت للقصه رجاءً
•••••••••••••••••••••••••••••••••••••••••••
كالو ما تجي وكالو عليك بعيد
ودرب كلش طويل البينك وبيني
شح مني الدمع كد ما بجيت أعليك
وأعاتب بالكمر هلبت يواسيني
ظلم كلش ظلم تحيا وتموت بشوك
وجا شنهو العمر من تذبل رياحيني
تعب حتى الورق حبر ودمع مخبوط
وحسره وي القلم تأذيني وتبجيني
©©©©©©©©©©©©©©©©

نبدأ

°°°°°°°°°°°°°°°°°°°°°°°°°°
ربي يشفيه ويحفظه الج...

مشكوره حبيبتي والله انتي مثل نسمه
الي تدخل على الگلب وتريحه...
ولو انه سالفه الي كلتيها مادخله مشط
عقلي بس سويت نفسي صدكتچ..

احرجتني بعد لا اخذ ولاطي سكتت
ولا نطقت ابحرف...

هي من شافتني هيج غيرت الموضوع وكالت...

يمه ماطول انتي صرتي زينه انه اريدج
ضلين وياي بالبيت تشتغلين ونطيج راتب
كل شهر اشكلتي...

هااا خاله...

قاطعتني لا تحجين ولا كلمه ترا انه مره
مثلج وعرف اشبيج وشايفه من ضيم
وهذا سكوتج وراء وجع واضح بعيونج وفاضحج ...

وانه عيوني غورگت بالدموع....
لن كلامه قطع نياط كلبي...

وانه ما رايده منج شي بس اتعونيني بالبيت انه مثل ماشوفين كبرت وبعد
ما اكدر ومعندي احد...

خاله والله ما اعرف شگول انتي غركتيني بحر جمايلچ الي اتگوليه انه
قابله بي بس ما اريد اي افلوس لن انتم
فضلتو عليها من رجلي رأسي كاعده بيت
انام واكل بعد ما اريد غير رحمت الله...

لا هذا تعبج ولازم تاخذي ضمي ذخر للزمن وانه مثل امج شوكت ما حابه تحچين انه موجوده وراح اكون الج
سند انتي مبين عليج بنت ناس...

يلا كومي سوي الغده لن عمج على جيه
هسه...

صار..... مشيت دخلت للمطبخ اسوي غده وانه بعد الكلام الي كالته خاله ام احمد مدري افرح لن حصلت مكان امن
اعيش بي بعيد عن وحوش الشورع مدري احزن على الي صار بيها....

طبخت وبعدها نضفت البيت... كملت
تنظيف صاحت خاله...
نور يمه...العصر اصعدي نظفي طابقه الثاني وياج..

اي خاله هسه رايحه اعزله وبعدين انظف

براحتج شتردين اسوين اسوي...

يلا انه صاعده... صعدت بعدني على دراج باوعت موجوده ثلاثه غرف فوگ
وحمامات فتحت الغرفه لكيتها خاليه
عزلتها بيها كنتور وسرير وثانيه هم هيج
بس اظاهر متروكات من فتره لن كلهن
اتراب....