ذاكرة قلب💓 بنووتة الشيخ 💓 مكتمله

الحلقه 1

اهلا بنات انا Loka  نزلت اسماء  روايتين ونبيكم تختارو بينهم باش انزللكم وحده منهم
ولو حد يكتب في روايات ويبي دعم يكلمني لاكن لازم نقرا الرواية قبل مانديرلها نشر للمصداقية يعني  لاني ماانزلش في روايات من غير مانقراهم ❤️❤️💗✨وحنكمل رواية يكبرني ب 22 عاماً✨

ناصر:نشاءالله الاسبوع الجاي بنجيب امي نحددو العرس ياقلبي
ألاء:ناصر شنو اتفقنا ندبر مشروع التخرج بعدين ساهل
ناصر:به ياقلبي المشروع رح نعطيك اكتر شي 3 شهور
تكمليه انا والله معاد قادر نصبر ره من الاخير رمضان الجاي في حوشنا
ألاء:محلاك 🙈
ناصر:اااه لو ندوي علي حلاوتك بسس بري توا فكيني من صوتك يلي يذوب خليني نكمل خدمتي
ألاء:😂😂😂به ربي معاك
ناصر:اسمعي
أالاء:ايواا
ناصر:هي سلام
الاء:سلام
ناصر:اسمعي
الاء:نعم
ناصر:هي سلام😂
الاء:بااارد😂😂

انا ألاء مواليد96 من عائله عاديه جدا بابا وماما عايشين الحمد الله عندي 3 خوت شباب وكللهم متزوجين بصغارهم.. عبد الحكيم ولبد معين وبنسبه لي نساوينهم رح تعرفوهم في باقي الروايه وعندي اختين وحده اكبر مني اسمها ايه متزوجه واصغر مني اسمها ربى تقرا سنه اولى عدادي.

طبعا ناصر هادا حبيبي قعدنا علاقه سنه بس وجي خطبني الحمد الله في البدايه مكنتش موافقه لاني منحباش معجبه بيه فقط لا غير بس بعدين حبيته شويه لاكن مننكرش انه هوا يحبني بجنووون
مواصفاتي متوسطة الطول بيضه شعري لا اخر ضهري لونه اسود عيوني واسعات ولونهم ع الاسود الداكن وعندي غمزات🙈انا طالبه جامعيه تخصصي تصوير فوتو غرافي

انا ناصر مواليد90 مهندس ديكور وحاليا نقرا في صيدله لان نحبهم التخصصات الزوز عائلتي مكونه من بوي و امي ربي يحفضهم 3 خوت اكبر مني متزوجين وتلات بنات زوز متزوجين ووحده مخطوبه نكمل في حوشي بأسرع وقت عندي باش نتزوج ألاء❤️ مواصفاتي قصير شوي اسمر ونقشي ع الاسود

                       ✨ روايات بنووتة الشيخ ✨

في مكان تاني ومليشي اي علاقه بي الشخصيات يلي فوق👆

اسراء:حس بيا بس نبي نفهم علاش هكي ادير انت معندكش قلب
محمد:اي معنديش 😒اي سؤال تاني
اسراء:به يامحمد تو يجيك يوم وتجيني تجري زي كل مره
محمد:طوط طوط طوط

ايوب:تي خيرك عليها
محمد:كلهم كلاب وعباد فلوس طامعه في الخضر و الزرق ياحبي خمسات وعشرات والباقي مدور في شي
ايوب:ربي يعطيني نص القناعه يلي عندك
محمد:😁

انا محمد مواليد93من عائله معروفه ومثقفه بوي يخدم قاضي محكمه وامي جراحه معنديش خوت ولاد عندي اخت بس اسمعا منار متزوجه و عايشه في تركيا.. منحبش جنس حواء نهائي اغلب البنات يلي عندي كلهم تسليه لان كلللهم عارفهم طامعين في فلوسي وشهرت بوي لا اكتر نقرا في قانون ومعش مزالت هلبا باش نتخرج طبعا مخاطريش فيه بس هادي رغبت بوي يبيني نطلع قاضي محكمه وهوا لو يعلم انا كيف نعامل في الناس احتمال ينجلط😂
ايوب هادا صاحبي من الطفوله بعض الناس يقولو اني متكبر ونعامل في الدنيا كلها عباره علي خدم ليا وبصراحه الكلام هادا صح 😜مواصفاتي. طويل شوي لون بشرتي قمحي عيوني وشعري لونهم عسلي بنسبه لي جسمي رياضي 💪🏻