HALIK SA HANGIN (BXB 2020)

HSH PART 22 (END OF SEASON 1)

I'd like to leave it here, sana mabasa ko 'yung mga  comments niyo para sa season 1. Sorry sa mga pananakit ko sa inyo, ha? Next season, mas papakiligin at papaiyakin ko pa kayo lalo. Haha.

Enjoy reading!
-TPW

HALIK SA HANGIN PART 22: RASON

ZIDERICK

BUONG araw yata akong umiiyak dahil sa komprontasyon namin ni Nanay. Hindi ko naman talaga balak na sagutin siya ng pabalang, hindi ko lang napigil ang puso ko na maglabas ng sama ng loob dahil ilang taon niya akong iniwan tapos ngayon ay parang ang dali-dali lang sa kanyang sabihin na gusto niyang gumanda ang buhay namin.

Nakakapagtaka nga lamang talaga itong mundo natin dahil masyadong maraming makakasariling tao at isa na ro'n ang aking Nanay.

Malungkot man ako ay nagpapasalamat pa rin ako dahil nand'yan si Sky para pagaanin ang loob ko kahit na alam kong hiram lamang ang oras na mayroon kami dahil alam kong may girlfriend siya. Anne. Iyong ang pangalan ng kaniyang nobya. Nalaman ko iyon noong sandaling magising ako dahil may nag-text sa kaniya ng "I love you, baby!".

Masakit iyon para sa akin dahil sinasabi niyang gusto niya ako kahit mayroon siyang karelasyon. Oo, makasarili rin siguro ako dahil hinahayaan ko ang sarili kong mahulog pa ng mahulog sa kaniya gayong alam ko namang hindi siya ganoong katotoo sa akin. Nagawa niya ngang ilihim sa akin na may nobya siya eh, ano pa kaya iyong ibang mga bagay.

Hindi na ako naghahangad pa ng ibang bagay mula kay Sky dahil sapat na iyong mga sandaling pinapasaya niya ako at pinapahalagahan. Bagay na hindi nagawa ng aking mga magulang dahil sarili lamang nila ang kanilang iniisip.

"Anong iniisip mo, Zide?" Tanong sa akin ni Sky habang nakayakap siya mula sa aking likuran. Kasalukuyan kasi kaming nanonood ng isang series sa Netflix na Kingdom at Season 2 na kami.

"Wala. Nakakaawa lang talaga 'yung mga taong biktima ng pagiging makasarili." Makahulugan kong sagot.

"Hayaan mo. Kaya nga nagpapakababa 'yung Crown Prince para mailigtas nila 'yung mga tao." Sagot niya at hindi humirit pa ako ng isa pa.

"Ikaw, Sky, naging makasarili ka na rin ba sa buhay mo?" Tanong ko kung kaya naman ay i-p-in-ause niya muna ang pinapanood namin.

"Hmm. I don't know kung ano 'yong tinutumbok mo sa tanong mong 'yan pero ito lang ang masasabi ko. Lahat ng tao may reason kung bakit sila nagiging makasarili minsan. Mayroong dahil sa hate, personal issue at love. At kung gagawa man uli ako ng aksyon ng pagiging makasarili, pipiliin ko 'yung pagmamahal dahil kahit korni ay hindi ako magsisisi sa huli at iyon ang ginagawa ko ngayon. Sinosolo kita kahit alam kong hindi buo ang tiwala mo sa akin." Sagot niya kaya hindi na ako nakapagsalita pa dahil tila mali yata ang aking entrada.

"Sky, salamat!" Sabi ko sa kanya bago ko siya hinalikan sa labi. Mabilis lang iyon pero may emosyon iyong nakalapat. Patunay na puso ko ang nagsasalita para sa akin.

Mabilis na lumipas ang mga araw na magkasama kami ni Sky at puro masasayang bagay ang ginagawa naming dalawa at tila ba nakaduyan kami sa isang magandang panaginip na biglang nagwakas nang isang hapon dahil habang nagkakatuwaan kami ni Sky sa paghahampasan ng unan ay biglang pumasok si Nanay kasama ang Heneral na ama ni Sky na si Heneral De Vera.

Ibayong panlalamig ang naramdaman ko kaya't hindi ako agad nakakilos at ganoon din si Sky.

"Hindi niyo ba ako babatiin?" Tanong nito at walang buhay na sumagot si Sky.