صدفه

صدفه ألاخيره♥️

بدت جود في المشاركه بالاعمال الخيريه وركزت ع قرايتها وحياتها رغم الصدمات اللي جوها الفتره الاخيره الا انها قدرت تتجاوزهن .................
      _____________________________
في الصبح⛅⛅:يوم الجمعه
جود فاقت توضت وصلت الصبح ودعت: ♥️
(اللهمّ ارزقنا نصراً نمحو به بؤسنا، وعزاً نطهّر به غمَّنا
اللهمّ املأ بالإيمان قلوبنا، وباليقين صدورنا، وبالنّور وجوهنا، وبالحكمة عقولنا، وبالحياء أبداننا، واجعل القرآن شعارنا، والسنّة طريقنا)وقرت اذكارها وبدلت وتوكلت على الله للجمعيه الخيريه طول.....
جود:بابا اني طالعه
اب جود:السلام
جود:الوو حنين شنجو
حنين:اهلين جودي تمام شنجوك انتي
جود:بخير الحمدلله
حنين:دووم
جود:اجمعين
جود:بنقولك اني اليوم مش حنقدر انجي للمقهى
حنين:باهي براحتك
جود:تمام
سكرت جود ع حنين ومشت للجمعيه اما حنين اتصلت بياسمين...
ياسمين:الوو حنو
حنين:اهلا
ياسمين:شجو
حنين:تمام..بنقولك اتصلت بيا جود وقالت مش حتجي العشيه
ياسمين:اوفف البنت هذي الشهرين الاخيرات تغيرت هلبااا
حنين:اي حقا تغيرت لاكن الحمدلله تمشي للجمعيات وتشارك في الاعمال الخيريه وكان لقت وقت لأميره وللقرايه
ياسمين:ايي هوه كويس الحق♥️
حنين:ايي
ياسمين:من لما ماالقتش امها وهيا ع هالحال
حنين:ألأم هيا الأم مهما دارت مانقدروش نتخلوا ععليها🥺
ياسمين:ايي اكيدد....هي نسكر ععليك انا توه نتلاقوا بعدين
حنين:تمام نتلاقوا
         ____________________________
جود:اهلين
اسيل:اهلين جود تعالي اهني عندنا البضاعه هذي بنوزعوها ع ثلاث عائلات نازحات توه انا وياك نوصلوهالهم.
جود:تمام♥️
ومشت جود هيا وأسيل ووزعت البضاعه على العائلات كانت جود تفرح لمااتشوف الفرحه على عيون الصغار ♥️وكانت ديما تدعي لربي انه يفرج عليهم ويردهم لحياشهم سالمين.
جود:هذي اخر عائله ولا؟
اسيل: اي ان شاءالله
جود:من هادم؟؟
اسيل:هههه شكلهم جمعيه ثانيه
نزلت جودمن السياره:اهلين انتوا جمعيه؟؟
. . .:اي ان شاءلله
جود: تقدروا تبعتوا بضاعتكم لعائله ثانيه عشان احني جبنالهم بضاعه العيله هذي
. . .:مانقدروش احني شوفي صاحبة الجمعيه
جود:وينها
. . .:في السياره
جود:تمام شكراً توه نمشيلها
مشت جود للسياره وجت عينها فعين صاحبة الجمعيه قعدوا 5دقايق وجود والمرأه يشبحوا لبعض بصدمه.....
      _____________________________
ياسمين:يام انا ماشيه لحنين نكسد عندها
ام ياسمين :باهي مااتعطليش
ياسمين:حاضر😊♥️
وكيف طالعه ياسمين وصلت لحوش حنين وهيا خاشه تلاقت هيا وخالد
خالد:اهلين ياسمين😅
ردت ععليه وهيا تشبح للوطى ياسمين:اهلين خالد.......كيف الحال
خالد:بخير الحمدلله
ياسمين:دووم ان شاءالله
خالد: اجمعين...تتبي حنين؟؟
ياسمين:ايي اكيد😂
خالد:تمام توه نناديهالك😊
كان خالد يقول بينه وبين نفسه: بجد ياسمين بنت ناس ومتربيه وخلوقه 👌
حنين: اسمونه تفضلي
ياسمين: تمامم
         ____________________________
جود....في اللحضه هذيكا حسيت حسيت انها امي كانت تشبهني اي حتى هيا كانت تشبهني🥺وهيا بادلتني نفس النضرات الصدمه👌
جود:أاااانننتي
ام جود:بنننتتي😳😢
جود:اننتي مااما؟؟😳
ام جود:نزلت السياره وهيا ترعش ودغري حضنت جود وقعدت تبكي  بهستيريا
ام جود:حبيبتي استاحشتك استاحشتك اكثر من اي شئ في الدنيا هذي وين كنتي وينن😭😭😭😭
جود مصدومه ومش مصدقه انه هذي امها:ماأ مااأ😳😢😭😭😭😭بادلتها جود الحضن لعند ماهدت
جود:انتي ماما؟؟🥺
ام جود هزت رأسها بمعنى اي
جود: بباهي كيف كيف عرفتيني وانتي هجرتني من19سنه🥺💔
ام جود: تي كيف مانعرفكش ياغزالتي🥺🥺اني في ال19سنه هذي كنت نراقب فيك من بعيد ونصور فيك 🥺💔كيف كنتي تكبري وتحلوي يوم بعد يوم🥺لاكن مااقدرتش مااقدرتش نقولك بأني امك لأنه خوالك تعاهدوا يقتلوني ويأذوكم لو تقربت منك انتي ومحمد وبوك😭💔والله مااقدرت لاكن نوعددك نووعددك معاش في حد حيباعدك مني ولا مخلوقق🥺💔
جود:ماماما ما استاحشتك ماما خلليك معاش تسيبيني😭😭💔
ام جود:خلاص يعمري معاش تبكي🥺🥺😭💔
جود:يعني انتي هتروحي معايا الحوش صاح؟؟
ام جود:  لالا ياقلبي مانقدرش🥺بس انا مأجره شقه في منطقة&&)$تعالي اقعدي عندي كم يوم🥺
جود:ماما انا مش مصددقهههه😭💔
________________________________________
ام جود حاولت تعوض لصغارها على السنين اللي ماكانتش فيهم معاهم وجود واخيرا حست بحنان الام وعطفها.. ♥️
________________________________________
جود: ماما 🥺
ام جود:ماشاءالله لا قوة الا بالله الحمدلله انه ربي خلاني نشوف هاليوم ♥️😍😍
حنين:طالعه تهبليي
ياسمين:ايي والله😍
حنين:حتى انتي ياياسمين طالعه تهبلي انتي وولد خووي😌😌
ياسمين:مصحك😂😂
جود:ايي بدت البطن تطلع😂😂زعمك بنوته ولا ولد ياسمين:الله اعلم
ام جود:هيا هيا للصاله جود بيدرجك خوك محمد♥️
جود:😍♥️
ياسمين:هي بنصورر😍♥️
بعدين جاه لياسمين اتصال
خالد: الوو
ياسمين:الوو خالد
خالد:كيف حال ولدي😌♥️
ياسمين:ههههههه كويس🥺
خالد:وكيف حال مرتي الحلوه اككيد طلعت احلى وحده في الصاله♥️
ياسمين:ايي وانا بالبطن هذي مانحكيلكش😂😂
خالد:😂😂
ياسمين:هيي خلوده بنعدي نصور جود
خالد:تمام حبيبتي في امان الله
ياسمين:😊♥️
       ______________________________
اما جود فدرجها خوها محمد في الصاله لهيثم♥️
كانت طالعه تجنن واميرا كانت فرحتها تجنن😍
اميره:ماما
جود:ياروح الماما طالعه تهبليي
اميره: انتي زي الاميراات♥️😍
جود:😙😙
هيثم كانت فرحته بجود كبييره♥️🥺كان يقول بينه وبين نفسه انا محضوض بجود👌بنت ناس وحنونه واخترتها زوجه وام لبنتي يارب اكتبلنا الايام السعيده والزاهيه مع بعض♥️♥️
اما حنين فكانت فرحانه هلبا قعدت خاله لبنوته وياسمين حامل🤤💙ماكانتش متوقعه اللي بيصير
...................................................................
ام جود:اهلين حنين
حنين:اهلين اعميمه 😅
ام جود:بإختصار ياحنونه نبيك لمحمد😊
حنين:😳
ام جود:ايي انا كلمت امك وعمك اب جود كلم بوك وخذينا الموافقه منهم مزال انتي♥️♥️
حنين:اانااا موافقه موافقه ليش لا بعني في حد يكره يقعد قريب صاحبته😂😂😂
وبعدين تحشمت حنين ماعرفتش كيف طلع منها الكلام بسرعه🤭🤭🤭♥️
ثاني يوم(داروا خطبة محمد ع حنين)
________________________________________
♡.......الحياه مليانه بالصدف ،مرات تلتقي بأشخاص صدفه مكنتش متوقع بأنه الصدفه هذي حتستمر معاك حياتك كلها♥️ماكنتش متوقع بأنك حتحب الساعه واليوم اللي صارت فيه الصدفه هذي ،ومرات تكون الصدف هذي بدايه لحياه حلوه ،مرات تكون فاقد شخص والصدفه ترجعلك المفقود♥️في صدف حلوه وفي صدف وحشه....في صدف تصدم....وفي صدف تهدم.....في صدف ننساها وفي صدف تقعد محفوره بقلوبنا....لاكن مهما صار معانا خلينا اقوياء زي جود نحاربوا في الوجع بالقرآن والصلاه وذكر الله
خلينا حنونين زي خالد مهما كان اللي داره خوه الا انه من دمه وهوه اولى من الناس كلها وسامحه♥️خليكم واعيين زي ناجي عرف الخطأ بتاعهه وحاول يصلحه بالاعتذار...خليكم زي حنين وياسمين♥️وقفن مع صاحبتهن فوقت الشده ومانسنهاش بككل وخليكم مره مره مضحيين زي ام جود عشان خاطر سلامت ولادها ضحت19سنه بعيده عنهم...في هلبااا صدفات حلوه حتجيكم وقت الشده زي هيثم واميره كيف غيروا حيات جود وضافولها معنى♥️♥️وأخيرا
(الحياه مليئه بالصدف مهما كانت الصدفه هذي حلو شينه وغيره،، خلي ايمانك بربك كبير وماتنسيش الله ماينساكش وقت الشده)♥️🤭
Neno