بيقولوا حلمك مستحيل ..
ازاى ، و انا نفسى طويل ،
و مهما كان المشوار يعدى الألف ميل
هفضل فيه ماشى .. حتى فى الليل
هوصل له ، و مش هرضى عنه بديل
دا من كتر ما نفسى فيه ..
بقيت علية بغير
أنام و اصحى و هو فى بــالى
بشوفه قُــدامى .. مالهوش مثيل
ـــــــــــــــــــــــــــــــــــــــــــــــ
الحلم مش بس باليل
دا كل لحظه ، علية دليل
و كل كلمة .. طالعه من أصله
نتعب له .. مـا هو مش قَليل
بلاش تستنى حد له ياخدك
و خليك لحلمك سفير
تجيبة على أرضك
و يخليك .. أمير
ــــــــــــــــــــــــــــــــــــــــــــــــ
لما تحققة ... ما تنساش غيرك
تاخد بإيده و تنور له عتمه الليل
و دا مطلوب منك يا ابن آدم
يكون فى قلبك ضىّ و حلم كبير .
