يسرى ... صباح الخير ماما وبابا
علي & سمية ... صباح النور
سمية ... تعالي افطري
يسرى ... لالا صحة توا نفطر في الجامعة
سمية ... علي راحتك
يسرى ... بابا شن توصلني
علي ... اهو مؤيد طالع تو يوصلك
يسرى ... به 😒
سمية ... ومن غير عراك في السيارة فاهمة ولا
يسرى ... باهي
في السيارة ...
يسرى ... أفتح اغاني يا مودي
مؤيد ... لا مودي لا نعرفك مش فاتحهم
يسرى ... بصوت ضعيف .. سحيقة
مؤيد ... سمعتك عفكرة وهالسحيقة تسحقك ان شاء الله
يسرى ... 😨 هاذو ودان ولا ستالايت
مؤيد ... قمر صناعي 😒😒
يسرى ... ارزن يا خفيف
مؤيد ... لا انتي يا رزينه
يسرى ... سقع عليك 😌😌
مؤيد ... انتي كتلة من الخرا جابتها أمي عفكرة يأما جايباتك من المكب
يسرى ... جايبتني من وين ما جاباتك يا حب قلبي
مؤيد ... قليلة ادب وهي انتلفي وصلنا
يسرى ... كيف بتفتح باب السيارة ... أمشي أن شاءالله يجيك القولون
ونزلت وهبكت الباب بغل غلها😂
مؤيد ... يا حمارة الباب 😡
يسرى ... تلفتت وطلعت لسانها وكملت مشي ولا كان قريب طربقت الباب 😂😂
فـ♥ـتـ♥ـآةّ 🔥
آلَريـ♥ـح 🔥
عند كرم 😍
أمه ... خشت لدار كرم ... تي نوض يا بلي الدار تقول ميت فيها فأر وووووووه عليا يا عليك فية ناتلة وخلاص وكيف بتفتح الستار ينوض كرم
كرم .... بربع عين ... تي اطلعي وخلي الخرا مسكر اطلعييي
أمه ... أني هكي تكلمني يا قليل الأدب نوض حط أختك في الجامعة جذري يرفعك نوووووووووض
كرم ... باهي نايض بالك نلقا طروف غادي خير من وجهكم
امه ... حي ع قلة الأدب حي وجت تجلد فيه بالشبشب😂😂😂
كرم ... نضت نضت خلاص 😂
ناض وخش للحمام ولبس احسن لبس وطلع طرف كالعادة
في الطريق ...
كرم ... فيه عندكم بنات طروف غادي في الجامعة يا اميرة ؟!
اميرة ... فيه أي
كرم ... بالحق ؟ وعيونه هكي 😍😍
أميرة ...والله 😂😂😂
كرم ... تعرفيها ؟
أميرة ... ايه بس اكبر مني مواليد 97
كرم ... اكبر منك بسنة بس
أميرة ... يس
كرم .... مليح بكل اممممممم شن اسمها صاحبات انتي وياها
أميرة .... اسمها يسرى آل ..... ديما مع بعض أني وياها مع ان هي اكبر مني لاكن صاحبات روح بروح
كرم .... اااااااااااااخ يا قليبي به قوليلي
أميرة ... همممممممم
كرم ... قنينة
أميرة ... غزالة هذاكا الشعر يلي الركبة واصفر وهدوكا العوينات العسليات وهديكا البيوضية اااااخ يا قلبي غزالة البنت يتمناها كل واحد
كرم .... طبعا مع كل كلمة تقولها أميرة عيونه هكي 😍😍😍 يا نهار حلو وخلاص ❤ 😍
أميرة .... بس في مشكلة
كرم ... ويلي هيا
أميرة ... أول شي ما تعطيش وجه للأولاد تاني شي
كرم ... شنهوه تاني شي
أميرة ... لسانها أطول مني ومنك
كرم ... يا سلام نحب البنت العنايدية
أميرة ... دبر رأسك مرة في ولد قاللها في الكافي عطيني رقمك معجب بيك بزعت عليه طاسة العصير الولد كلهم يضحكوا عليه 😂😂
كرم .... غبارة حتى أني كان تديرلي هكي
أميرة ... لالا جرب وإن شاء الله لا
كرم ... اوكي رح نجرب والباقي على الله
أميرة ... 😂
وصلو للجامعة ....
أميرة تأشر على يسرى .... شوفها يا كرم هوني
كرم شافها .... حي عالطرف 😍😍❤😍❤
اليوم بنجيكم الكافي كونوا في الكافي الساعة 2 ونص تمام ؟
أميرة ... اوكي خلي نمشيلها ومشت ..
كرم ... بينه وبين نفسه ... محلاها الزفت غر كان تعطيني وجه بس
وجي واحد من صحاب كرم
عبدو ... وين عيونك يا هوووووو
كرم .... ها يا خرا نشبح للطرف هذيكا. . واشر ع يسرى
عبدو ... قصدك يسرى
كرم ... ايه وأنت من وين تعرفها
عبدو ... تي مني ما يعرفهاش يا راجل هاذي ديما الأولي ع دفعتها
كرم ... اممممممممم يعني زين ورضا الوالدين والاولي عالدفعة زيادة
عبدو .... ننصحك ما تقربهاش
كرم ... علاش
عبدو ... تي مرة قلتلها عطيني رقمك معجب بيك بزعت عليا طاسة العصير شهدرت بيا الدنيا
كرم ... انفلق بالضحك ... 😂😂😂😂 قصدك انت يلي تكلمت عليك اختي 😂😂😂 وااااااااااااك 😂😂😂😂
عبدو ... منهيا أختك 😐
كرم ... يلي كانت مع يسرى وقت الفضيحة 😂😂😂
عبدو ... اهاااااا قصدك أختك أميرة
كرم ... ايه😕😕
أنت تقرأ
❤حب رغم الصعاب❤
Randomهاذي قصة بنت عانت الكثير من المشكل في حياتها رح نشوفوا هالمشاكل رح تنتهي ولا لا
