وقعونا)❤
الحلقه الرابعه 😍
طبعا العئلتين فرحنين عيلة فرج 😍عيلة هلال 😍
ربي يدوم عليهم ❤🤲
كل واحد من عئلتين عندهم شي يميزهم😘
ويبداء اليوم في تقعميزه صباحيه بين فرج وانته امع قهوه امفحفحه و حاجه حلوه
كل عائلات الليبيه ضروري قهيوه و حاجه الحلوه😍
امنه: يا فرج شن رايك أندير عزومه انادي جيراني
عاد فرج امعبي 😅
فرج: باهي ديري الايعجبك 🙂
ومن فرحت امنه كلمت جيرانها كلهم واتصلت بسعاد 😅
امنه: اهلين سعاد كيف حالك ياوخيتي 😍
سعاد: حمدالله كيف حالك وحال العيله
امنه: ولهي امديره عزومه بعد العصر وجيران كلهم جاين وسعاد انتي من غير عزومه ياوخيتي😍
سعاد: خلي نسال هلال وانجيك علي خير ياوخيتي
وصكرت امنه من هني وخشت الكوجينه
وعاد مانبيش نسفهكم شن دارت 😍😂
خشت سلمه: شن فيه ماما
امنه: امديره عزومه وجيران كلهم جاين
علي فكره سلمه وحده متكبره غير سمعت الجيران قالت طول بي بنويتهم 😌
طبعا احني فينا البنات الحركه هذي😂
أمشت تجري توتي في روحها 🙂😌
وجيت محمد وجدته امه 😂
امنه : محمد جيت ياولدي😂😍
محمد: اشبح شن فيه اكيد امي تبي حاجه
ماشي وخايف مايبيش يطلع لانه كيف مروح من كوره😔
وعاد خش محمد ولهي امه في كوجينه ومافيش طنجرة في دولاب
امنه: يا ولدي جيب خبزه وميه وانتي ماشي اخطم علي دكان خضره جيب رقده معدنوش وشبت
هذا حال شاب ليبي لما امه دير عزومه😂
طلع محمد وصكرت الباب وهوا يتمتم 😡😩
جيت ساعه ٥ عصر وبدي الباب يطق جو الجيران كلهم 😍
وجيت ليلي آلا عينها قويه علي قد ما تقول مشاء الله وتقول قالت محلاها وتهبل طقها اطقها بالعين 😂
القول اكيد عندهم الفصليه هذي😂😅
وجيران جاين وخايفين عارفينها😂
ورحبت بيهم امنه ترحيب الليبي قد القد🙂😇
لكن سعاد ماجيتش امشي في بال امنه اكيد قالها هلال لا حرجت😥😔
احني ليبيات نحرجوا بسرعه من آلا انحبوهم ولي نعزوهم 😘😔
هذي الحلقه الرابعه انشاء الله عجبتكم 😍
واكيد نبو تعرفوا بتجي سعاد وشن صار في العزومه😅
ونتلقوا غدوه 😇
في حفظ الله 🤲❤
