سبرين امراة من نار
الحلقة الثانية و العشرون
🔥🔥🔥🔥🔥🔥🔥🔥🔥
توقفنا عندما سقطت سابي واخبرتهم الدكتور بأنها تعرضت بصدمة عصبية ولم يتركها الشباب وفضلو منها فى نفس الغرفة
دخل اسلان غرفة سابي ووجد لي ينام من جهه و كيم من جهه والباقي ينام اتنين أسفل قدمها و الثالث ينام على الكرسى
تنهد اسلان وعاد الى غرفته ورتم على السرير
اسلان لنفسه : معلش اسلان هى تعبانه ومش حاسه بحاجة وكلهم نيمين معاها اعقل بلاش تتجنن بس هى ليه تعبت وعملت ايه وكلهم رجعين طالع عينهم ياترا نيلتي ايه سبرين هو انا بحبك بجد ولا ايه بس عمري محسيت إحساس السعادة و الفرح مع اي واحدة اااااااه يا رب دلني على الطريق الصح هههههه ولسه العقاب ياترا هتعمل ايه فيا ده فارس سرق شوية تصاميم دخلته المستشفي أسبوعين امال انا هدخل قد ايه شهرين ههههههههههه شكلي كده اتجننت بس المشكلة فى جابر و المخازن يا ترا مين عملها بكرا قريب الواحد يتخمد افيد
🔥🔥🔥🔥🔥🔥🔥🔥🔥🔥
فى كوريا
🔥🔥🔥🔥
كان يجلس شادي و شعر بتعب فى صدره
يونج : مالك شيدو
شادي : خايف على سابي اوي كان نفسي يكون ليها اخ قريب من العمر منها يبقي دراعها و ظهرها بس للاسف هى اللي هتربي أخوها اللي جاي هيبقي صغير اوى
يونج : ليه بتقول كده سابي عندها بدل الاخ 5 وانت عارف أنهم فى ظهرها لآخر يوم فى عمرهم واخوها انت موجود هتربيه
شادي : عارف أنهم أخواتها تفتكر مين هيقبل بيها انا نفسي فى راجل يبقي اوى انا عارف بنتي قوية و مفترية مينفعش راجل يبقي اقل منها فى الشده و القوة لازم يكون القوى و الحنين و الاب و الاخ والزوج و الحبيب ليها
يونج : أدعي ليها شيدو سابي حنينة و محتاجة الراجل الحنين اللي تحس معاه بالأمان عاوزة الراجل اللي تنام جمبه براحة و سعادة مش نايمة مفتحة عين و قفلي عين بنتك عاوزة الراجل الحنين اللي يحسسها بانوثتها بنتك عاوزة راجل يبقي حامي وفى ظهرها وبقف ادام الكل يبقى السند السند اللي اتحرمت منه
شادي : عندك حق انا السبب اللي أهملت بنتي بس انتم عوضيهم عن كل حاجه
يونج : انت أخونا وبنتك بنتنا انسي يا صاحبي ودعي ليها بالخير و راحة البال المهم عوزين نجهز كل حاجة لفرح الواد لي ده اول فرحتنا
شادي بفرحة : صح لازم البلد كلها تتكلم عليه
لوسي بفرحة : صح شيدو سابي أمرت الرجالة بفرش الجناح كله على ذوقها وكمان هتعمل الفستان للعروسة
ميم : ايوه وانا هستغلها تعملي فستان مانا امها بردو
تيون : لا وانتي بصراحة بطلعي عين البت
يونج : انتم ذي مانتم مجانين
سلين : هى تصاميمها حلوة وغريبة
يونج : لا اختي سلي تصاميمها ممتازة جدا غريبة بس على المجتمع الشرقي لكن احنا بالنسبة ليا كويسه
لوسي : عوزين نجهز الباقي يا جماعة ده ابنى حبيبي
شادي بضحك : لو سابي سمعتك وانتى بتقولى عليه حبيبي ممكن نحضر جنازتك
لوسي بغل : ده ابني انا و حبيبي انا وهى مش هتخده مني
يونج : عارفة سلي يوم مقالت نفس الكلام بعدها بلحظات كان فى اطباق طايرة وكوبيات و صويت
سلين بستغراب : ليه حصل كده
يونج : كانت بتضرب لوسي وفضلت تقولها لي ده حبيبي انا و اخويا انا وانتى ملكيش دعوة بيه
لوسي بضحك : ده كان يوم بس محصل ليا حاجة
ميم : ده لو مكنش لي جه كان زمانك دماغك مفتوحة
يونج : يومها لي دخل بسرعة وخد طبق دماغة اتفتحت بس هداها
سلين : وهي على طول مع لي
شادي : ايوه هو يعتبر اللي رباها وعلمها كل حاجة وكمان ساعدها فى شغلها
يونج : ده واجب كل اخ اتجاه أخته
سلين بتعب : شادي الحقني مش قادره
شادي برعب : مالك يا عمري
لوسي : ساعدها شيدو وطلعها الاوضة وانا هتصل على الدكتور
