انقذيني من انتقامي

مشهد

#أّنِقِذّيِّنِيّ_مَنِ_أّنِتّقِأّمَيِّ

#مشهد 1

«يابه،،،،،،،وين توديني
والمن،،،

ابوها سكت،،،وامها جاوبتها

« ولج خايبه ابوج انطاج فصليه
للناس الي اخوج كتل ابنهم

صفنت على امي وسالتها

« شنوو فصليه ،،،

امها من سمعتها ،،،،،،،،،كامت
تضرب على وجهها وتبجي

« ولك بنتي صغيره توها 16سنه
وماتفتهم ،،،،،،شلون راح تزوج
وتروح يم ناس ابني كتل ابنهم
ولكم ،،،،،،،شراح يصير بيها
هناك،،،،يايمه اشك ثوبي
قهري راح يموتني

ام راضي لزمت ثوبها
تريد تشگه
وولدها لزموها ،،والدموع
بعيونهم،،،
،،،،،،،،،،،،،

#مشهد 2

رحت جوه الشجره
ووكفت
ادخن ،،،،دقائق،،،طويله مرت
وطلعن،،،،،،، خواتي
هديل وهاله،،،،،،واجني للحديقه
اني جنت بجهه المبرده
يم سنديه واكف ،،،،وهن ماشافني
لان جانت ظلمه،،،،وسمعتهن
يحجن

« شفتي عقيل،،ما حجه
ولا كلمه واكل شويه وكام

« هاله اسكتي انتي تعرفي اجه
على عمى عيونه،،،ولوما اني
احجي ويا واقنعه
جان مااجه،،،

« هديل شلون ويا اني اريد غسان
وهو هم،، واخوج معند هو وامج
ومايقبلون يوافقون،،،

« ماادري والله دخت، ،ودوخني
زماني وياهم

« الجاي يبنات،،،،

سمعت صوت دلال،،،وهديل
حجت

« تسلمين،،،،،،،قلبي ااخ لو
الي بالي يصير

« شنوو الي يصير هديل

« اخطبج لعقيل اخوي،،،،

بس سمعته حجت هيج، ،، عكدت
حواجبي،،،، بضوجه وجاوبتها
باشمئزاز

« منووو،،،،

« هاي شبيج دلال،،اخويه عقيل

« اسفه هديل اخوج اخر واحد
افكر بي اتزوجه،،،

« ليييش

مافكرت بكلامي من حجيته،،
ولا احترمتهن لان اني اضوج منه
واكرهه وجاوبتهن

« لان هوو مو على قياسي

جزيت على سنوني بقوه،،،،
والجكاره سحكتها بايدي بدون
شعور، ،،،،،وضبطت نفسي
بصعوبه،،،وسمعت اختي
سالتها

« دلال شنوو تقصدين،،اني مافتهمت
يعني،،، انتي تقصدين
عقيل ،،،،،،،،حذاء

« مثل ماسمعتي
بس سمعت ردها،،،،،،صحت

« ولللج

صرختي خلت،،،خواتي يفزن
وهي وياهن،،

« هذا الحجي عليه

سالتها ووخواتي وكفن بوجهي،،،،
من اجيت امشي بسرعه الهن
وهديل حجت بتوسل

« عوفها عقيل

جان المفروض اسكت بس
عنادي وكرهي اله خلاني اجاوبه
واني ارجع ليوره،،

« اي عليك،،،

صفنت عليها،،،،،،،،،من حجت هيج
واعصابي كلها تشنجت
من العصبيه
وحسيت الدم صعد يفور لراسي،،،
وحجيت واني لازم شاربي

« مادام ،،،،،،حجيتي هيج
يابه،،،،،،،، اني مو عقيل
وهذا الشارب مو عليه،،،اذا ما
اخذتج ،،،،وكسرت خشمج ،،
وهسه تشوفين،،،،

رجعت ليوره وصحت بي

« ماتكدر تاخذني لان ابويه
مستحيل
ينطيني لواحد مثلك
سكير وابو نسوان
وحرامي

حجيت هيج وهو نفض خواته
واجه بسرعه عليه،،،،،
وضربني راچدي من قوته
وكعت بالكاع،،،،وحسيت بطعم
الدم بحلكي

مشيت من يمها،،،واني اردد
وي روحي،،،

« راح اخذج،،،،لان راح اقبل
بغسان،،،،وكصه بكصه
ينطوني انطيهم،،،، ،،،

«انقذيني من انتقامي»

قصه حقيقيه ومختلفه عن
باقي قصصي،،،،فيها
معاناه الفصليه بقصه
ومعاناه حب من طرف واحد
بقصه ثانيه

تحياتي لكم