أحببتها رغماً عني

البارت 2

هند: مصطفى مو كتلك وديني للبيت

مصطفى: احبج احبج افتهميني
هند  : والله اموت عليك بس حرام والله لتسوي شي غلط خليهة بلحلال

(طبعا اني مستحيل اسويلهة شي حرام بس ردت اخوفهة)

مصطفى: شوفي بعد اسبوع اجي لابوج واخطبج

هند: صدك حبيبي... وباستني حيل من حلكي

لعبت نفسي وضجت حيل اني حاولت ما ابينلهة

مصطفى: حرام ولج ههههه
هند: احببببك
مصطفى: امشي ارجعج للبيت
هند: يالله

رحت وديتهة ورجعت نمت
مر 3ايام وبدت مدارس هند مقبلت اجي اخطبهة عبالهة صدك هههه

هية جانت تاركة وراسبة سنة ف دراستهة مو زينة

جانت وياهة بنت تخبل كلش عجبتني ومؤدبة كلش كلش

فد يوم جنت رايح ارجع هند للبيت جانت بلمدرسة

هند:هلو حبيبي
مصطفى:هلا تعاي خل نروح
هند:اوكف اتاني صديقتي
مصطفى:اكلج شسمهة صديقتج

هند:شعليك
مصطفى:لج احجي
هند:حنان
مصطفى:حتة اسمهة يخبل
هند:اكلك شو كاعد يم حبيبتك وتتغزلبصديقتهة

مصطفى:لج شوفي انتهة كلشي بيناتنة وانسيني بعد

هند:شبيك مصطفى تعال

عفتهة ورحت للبيت امي الصراحة ضجت حيل من روحي لان حبيتهة معقولة احب بنية؟؟

حنان....

عائلتي متكونة من امي وابوي واخوية يوسف عمرة 19 واختي زهراء عمرهة 16سنة

طبعا اني المدللة ماال بابا وزهراء مدللة مال ماما ههههه ويوسف مدلل بابا بس هههه دوم يتعارك وي امي

احنة عايشين ببغداد بلمنصور اني ممحجبة لان ابوي يكول ماريد اجبرج بس اختي هي اختارت الحجاب

اني اصلي واقرة قرئان هم بس ممحجبة اختنك حيل من الحجاب

عندي صديقتي اسمهة هند هية حبابة بس مصاحبة ولد كلش مو زين ومن يشوفني يكوم يعض بشفايفة ويغمزلي

اني ماحب هيج تصرفات ابد ابد
هي صايرة هل فترة متخبني ابد

جنت ضايجة حيل رحت لبابا

حنان:بابا
ابوي:ها حبيبة ابوج ليش ضايجة
حنان:خل اخابر هند ونروح اني وياها نتونس شوي بلحديقة الي هنا

ابوي:خوش مو تتاخرين ولتلبسين لبس ضيق

حنان:طبعا

ابوي دائما ميقبل البس بنطرون الى ويا شي طويل مبقبل البس لبس قصير او ضيق

لبست بنطرون وقميص طويل للركبة
ولفاف على رقبتي

همة جيرانة حايط على حايط
رحت دكيت الباب جان طلعت واستقبلتني

هند:هلا هلا طبي
حنان:طبي بدلي متانيتج بالطرمة يلة
هند:انجبي وطبي ههههه
حنان:مو تتاخرين

طبيت بالصالة هية راحت بدلت
هية لبسهة ضيق عكسي وتلبس حجاب 😂

رحنة لحديقة اكو بنهاية الشارع بيهة العاب بسيطة مال جهال وبيهة جهال يركضون احب الجهال كلش

ف طبينة كعدنة عل مسطبة
هند:حنان اكلج شي

حنان:كولي
هند:شوفي حبيبي مصطفى عافي وانتي السبب

حنان:اننني شعلية
هند:هوة يحبج ومن سئلني عليج مجاوبتة وكال انتهة كلشي بيناتنة

حنان:هنودة فدوة اروحلج لتبليني معلية
هند:شوفي نسوي خطة....يتبع

.....ــــــــــــــــــــــــــــــــــــ.....

هلو
شلونكم انشالله تمام
اني كلت بعد بين يوم ويم انشر بارت طوويل

بس اكو بنات يكولن لا كل يوم نشري
ف شتكولون كل يوم انشر بارت بكد هذة لو بين يوم ويوم بارت طوويل

رئيكم يهمني

باي..احبكم..♡