كان حلمي 😇🙏(مكتملة)

البارت السابع عشر

السلام عليكم ورحمة الله وبركاته
طبعا اني داا انشر اهوايه علمود اخلص من هاي قصة احسن
نبدأ بالقصة ...
ايلول....نمت فجأه حسيت بخنكه وطفرت فزعه ولكيت ساعه2:00 يااللهي دخيلك ارحمني
حاولت انام مااكدرت لزمت موبايل فجأه تجينه رساله من علي كاتب بيه
علي...صباح الحب والعسل لاحلى اميرة ايلول
ايلول...لارد
علي...ايلول كافي لاتعذبيني اني اريدج حلال
ايلول....كافي علي دا انسوي غلط مااريد شي منك عوفني بحالي اوكي لاتأذيني ولا أذيك
علي...هو شنو نسوي علمود حرام هاا
ايلول... ضليت صافنه علي شكله يارب كلتله علي داا تحاول بس ماراح تنجح تتعب عوفني احسلك
علي...دزيتله شعر
كم عشق تلك عيون ساحرتين التي تتخبئ خلفهن الاوجاع كم اعشقت تلك كبرياء التي فيها
قالوا لي ماالذي اعجبك فيها?
فقلت كبرياء وجمال عيونها!!!
ايلول....هه بالله هذا مريض نفسي شنحجي وياه
علي...لاسكتين دخيل محمد لاتعذبيني
ايلول....استغفرالله علي اخويه عوفني كافي افهم مااريد علاقه ولابطيخ كافي هلشغلات زعاطيط مااريدها فاهم سلام
علي...ايلووووول لاعليج الله لاتروحين
احبج اني والله احبج ايلول لاصيرين خبيثه انطي للنفسيج وحبي ايلول احببپپببج
ايلول...شفت رسالته وطفيت موبايل وكلت يارب شنو هذا فجأه حبني شعنده وياي شيريد يارب سترك
صارت ساعه 3:12كمت توضيت وفرشت مصلاتي وقرأت قرأن وكلت يااللهي انت سيدي واني عبدك فأرحم فؤادي ولاتكلني ع احد يارحم الراحمين ارحمني 💔😔
حسيت وخزه بكلبي وصداع كلش قوي براسي من وره وجدام احسس راسي ينفجر بس كمت شديته بلعلك ابو فاضل وراسي يون من وجع وصار وكت صلاة فجر من وكت كمت صليت وكملت طحت نمت بلمصلايه واحلم انو اكو رجل يحاجيني بس مااشفته كلي ايلول لاتخافين اني يمج واني ابجي ودعي بس صوت جان شي مااعرف اشلون اوصفلكم راحه جبيره بس ماشفته من هوه وسمعت صوت ابوي
ابوي....ايلول بتي شبيج كومي ساعه 6:30ليش مامسويه ريوك هااا 😡
ايلول....ها بويه مااحسيت كايمه
ابوي...يلا لج تتأخرت
ايلول....كمت وجع راسي مااعرف اشلون سويت ريوك كمت اردد يم حسن ساعديني يم حسن انقذيني يافضه انقذيني انادي يافضه اشفعيلي يم مولاتج زهره اشتغل وكملت وجبت ريوك للابوي
ابوي...شبيج ايلول شو تعبانه وعيونج مورمات وحمر شبيج احد مأذيج
ايلول...لاسلامتك ماكو شي يلا ابدي بسمالله بويه الف عافيه
تريك ابوي وطلع وكلت اللهم احفظ والدي وارزقه بلرزقك واسع وحلال رحت لميت امواعين وغسلتهن
مااحس الا بشرى مخوصره بلباب مطبخ
ايلول..صباح الخير
بشرى...ياخير شجينه من وراج
ايلول...شنو شبيج صلى ع محمد شنو هلحجي يمعوده
بشرى...ولج عندج علاقه وي عليوي ها ولج ساقطه
ايلول...شنو شنووو هلحجي شتحجين انتي 😳علاقه شنو
بشرى...هو يكول حبيبتي ايلول وايلول كلتله شتحجي انته كلي عندي علاقه وياها
ايلول...هاا شنو هلحجي بشرى بالله ماعندي شي وياه هو اجه خاص وكلي احبج من هلحجي واني طردته والله ماعندي شي وياه
بشرى...عوفي هذا اكبر واحد جذاب افتهمتي
ايلول...اي ان شاءالله
رحت للغرفتي ضايجه وتحسب علي اه ياعلي عود انته ابن خالي وهيج تحجي شترجه من غريب الله ياخذ الحق بالحق الله كريم من راسي يوجعني زاد عليه حسبي الله ونعم الوكيل
رحت فتحت موبايل واني عصبيه اريد اطيح حظه واحضره هيج ناس مالازم انطيهم مجال
حاجيته
ايلول... عود انته ابن خالي هه  وسفه على هيج نماذج رخيصه شنو انته من انسان اتقي الله شنو هلجذب وتكول اني حبيبتك لك استحي خاف من الله لاتوكع بيه يااخي هو مو صوجك صوجي اني انطيت مثل امثالك وشرفتهم عندي ماعندي شرف الك وسفه عليك عدل نفسك والله يصلحك شفت علي يريد يكتب واني كبل حظر 😡😡امداج ياايلول شنو هذا تنطينه مجال هه ابن خالي كال امداني اي والله وامده دنيا رحت نمت بس جذب بس اسمه نوم ماكدرت ولوب بنفسي شنو هذا وانطيته مجال وحجي بس يله حظرته احسن ظليت ادردم الى ان نعست ونمت
امي....خايبه روحي كعدي ايلول وكليله اختج اجيت خطيه هي منتظرته
بشرى...هاا راح اروحله
نور.. ههه ايلولتي ونبي مشتاقتله اشلون صارت يمه ورجله اشلونه
امي....لازينه  مرات تشتكي من ركبته تكول توجعني بس يمه ايلول مو ع بعضه احسس تعبانه
نور...يااا صمله شبيها ماتخذينه للسيد يمه شبيج شوفيها لاتكعدين عنها
بشرى...رحت فوك كعدت ايلول اكعدي اختج نور اجت يله ولج
ايلول...هااا شنو نور هنا كولي والله ☺️🙂
بشرى...والله يلا كومي
ايلول...فرحت واخيرا سندي وراحتي اجت رحت ركض نزلت درج وشف نويره وصحت ولج نويره مشتاقتلج
نور...😂😂😂يامخبله انجبي لج نويره شنو تعالي ولج
شبكنه وجنت حيل مشتاقتله اختي حبيبتي وصديقتي كله انتي
ايلول....اممممممم اختي اه اشكد مشتاقتلج ليش تتأخرتي علينه 😑😒
نور....غير هذا مطي ماخلاني اطلع هيه بيدي
ايلول...شنو يعني يسطر عليج وعلي الاافلش راسه هذا
امي ونور وبشرى....😂😂😂😂غير تكعد بت مراد
ايلول....لاشبهني باحد 😑اني مااشبه احد
امي.... اروح فدوه للواثقه من رويحته
نور....تعالي لج خل نسولف
ايلول...تكعدي ارتاحي سوالف ماتروح
نور...تروحي جيبلي چوي(جاي) لان ماشربت هذا فوك راسي ينط
ايلول...ههه اوكي راح اسويلج حضرت چوي الها وجبته الها تفضل حبيبتي
نور...اكلج سمعت بيج انو انتي مضايقه من رويحتج شبيج ولج بس لامسموسه لاعارض
ايلول...مااعرف ولله يمكن مختنكه
نور...صمله عليج لاتگعدين موزوين عليج لحي خل يأخذونچ للساده تراه هاي كولي ماگلتلج باچر يأثر بدراستج
ايلول...هاا ان شاءالله
سولفنه صارت ساعه 11:30كمت للحمام اخذت شاور ولبست فستان احمر هيج طخت بالي 😅ولبسته بس طلعت فدشي هو طويل مخصر بي لمع يخبل وكفت بلمرايه وشعري محلل ومبلل صدك اني حلوه 😅طلعت داا امشط بشعري ودخلت ع نور
نور...يالله اللهم صلى ع محمد ماهذا ياحبيبتي تزينتي لي
ايلول...ههه شنو هلكلام عيب 😑
نور...تعالي خل نرگص سوه يااميرتي جميله
ايلول..لا صدك تخبلتي عوفيني شنو نركص
شو هاي تخبلت ورگصنه واني استحيت اول مره اركص
نور...ايباخ اروح فدوه للطول وجمال وهيبه حبيبتي انيئ اعشقچ
ايلول.....ههههه مخبله مو بيدج دكافي خل امشط شعري ازعجني
نور...هنياله لي ياخذج يضل بس يباوعلج ولج شنو من جمال طركاعه فوكاه بياض
ايلول...😑😑منو كلج ازوج
نور...موئئئئئئء بكيفج زواج قسمه ونصيب بيد الله تزوجين احسن واحد وابن اصول وشجاع وزين ولي تتمنينه ودكتور هااا شتردين بعد انطيج مواصفاته
ايلول...هههه لامااريد
نور....دتعالي اكلج مواصفاته خلينه نتخيل شويه اشلون راح يكون زوجج
ايلول...مايفيد تخيلات  😑
نور...انجبي تعالي اكلج يكون طويل ورشيق وحنطاوي وعيونه عسليه وشعره كفشه 😍ونوب دكتور ويلبس موريول وانتي هم دكتوره طلعون فد شي بس ها هنا راح انتي تكسرينه بجمالج
ايلول...ماجنت اعرفج خياليه هيج هههه
اكيد راح اكسره وصير كشخه هم 😅ولاتكعد
نور..وعلي صح كشختهم انتي شناقصج بله جمال واخلاق عندج وديانه هم عندج وشطاره وذكاء هم عندج شناقصج
ايلول...اهواي شغلات ناقصتني لاتباوعين للخارج 💔😔
نور....ياعيني مضى وراح الله يعوضج لاتكسرين خاطرج ياكلبي انتي
ايلول...الحمدلله ع كل حال بس ليش احس ماراح ارتاح بحياتي 😑😕
نور ..شنو يعني مافتهمت تراه انسان ماايعرف شنو يصيرله كلشي بيدلله
ايلول...ونعم بالله بس اكلج فرحتي ماتكتمل احس راح يصيرلي شي مثل اي فرحه وتروح
نور...لا اششش يله صار وكت اذن خل نصلي وندعي
ايلول...يلا يالله اللهم لك الحمد وشكر كثيرا رحت توضيت وصليت طبعا بشرى بس تباوع وذب چلمه عليه(كلمه) بس مااهتميت الها مضغوطه 😅صليت وقريت قرأني وللحمد لله كملت ونزلت جوه ساعد بشرى صح هي تعاديني بس اني اصير احسن منه بهوايه 
بشرى..بالعافية فستان حلو عليج
ايلول...الله يعافيج اذا تردين مايغلى عليج انطيه الج خيتي
بشرى...لا شكرا كلبي
ساعدت بلغده وصبينه ورحت صحت لابوي ولامي  ونور واجتمعن وحسن كال
حسن... مشتاقلج نويره وايلول انتي هم
نور وايلول...حبيبي احنه هم اشلونك
حسن...الحمدلله شنو اليوم ايلول عروس طالعه 😂😅
ايلول...خجلت لارد
جميع ...خجلت دكتوره 😂😂😂😂😂
تغدينه والحمدلله غسلت امواعين ونظفت كاونتر وطباخ ومطبخ هم وصعدت فوك لزمت موبايل لكيت اهواي ولد داخله خاص الله لايجذبني لو3او4داخلين تفاجأت شفت رساله واحد كاتب.......
.............
...................
......... ... .. . ........................
مع تحياتي للجميع  
#بقلمي فاطمة الكعبي