رواية #من_أنا 💔🤭
( خيال ممزوج بلواقع )
للكاتبة : #ميلو_حسن
الرواية بلهجة الليبية
حلقة 1🔥 "
فتحت عيوني ونا نسمع في صوت الاجهزة ونا نحاول نفهم انا وين ؟ ونشوف في كل شي مضبب شوية وشوية ركزت في كل شي شفت شرشاف الابيض الي ع جسمي قعدت اركز في الاجهزة الي جنبي ع طول بديت نسأل في نفسي ونحاول نذكر الي صار معاي حاولت مره واتنين نذكر حتى اسمي بس مقدرتش نجمع شي تكلمت بصوت هادي من أنا؟
بتول:انتا فاقد الذاكره يعني؟
_________________
بتول:سكرت الخط....لي أمتا هكي بس تعبت؟
سجى:تمشط في شعرها...تي خيرك ي هبله باش قتلك خليك ريلكس ومهما صار معاك لوحي في لبحر
بتول:مفهمتش ليا اسبوع نكلم فيه نقوله حولني لمشفى تاني مسكر راسه يبيني نخدم هني محرف اليوم الي تخرجت فيه!
سجى:لا عااااد بتول مبردك في مره سمعتي ممرضه عادي يعطوها معاش 3000 الف في الشهر ؟ولا حتى الماكله مجانا وشفتي حتى معاملتهم لينا بعقلك؟
بتول:ميهمنيش هدا كله المهم الأشكال الي طالعين وخاشين علينا معاش نبي نشوفهم قرررفتت فددديت!
سجى:والنبي فكيني زودتها اطلعي من راسي بالنسبه ليا مش راح نسيب المشفى هدا لو نموت!
بتول:قلبت عيونها بملل....سيورني نطلع منه انا لمكان الي منرتاحش فيه منقعدش فيه بس يارب صبر ايوب من عندك!💔
سجى:نا زابطه انه في مسلحين يخشولنا وهكي لكن هدا حال لبلاد شن بديري ؟
بتول:لا الي محيرني انه الممرضات كلهم نسحبو ومافيش ولا وحده قعدت تخدم عندهم حق من الي بيخاطر بنفسه
سجى:بتركيز...صح لاحضت حتى نا خفت زحمة الممرضات الا النساوين كبار في سن معانا برأيك علاش؟؟
بتول:وين نندري انا الي نعرفه زادو مرتبنا باش نقعدو ومنوقفوش خدمه!
سجى:باهي سادك دوه نوضي ديري دورة ع الغرف لأنه لو جت الدكتوره سهام حايبدا فها خصم!
بتول:اففففف....هاني نايضه🔥
🕊مـــيُـــلــو حــــسسـٰـــن🕊
🕊مـــــيُــــلــــووو حــــسـٰــن🕊
اسمي بتول عمري في بداية العشرينات نا مش تخصصي الطب الحق متخرجة من كلية الاداب تخصص علم النفس لكن حلمي من زمان نكون دكتوره ومقدرتش نحققه لكن خوي لما سمع في كورسات متع تمريض ويعطوك شهاده خشيت تخصص تمريض عام والحمدالله قريت سنة وحده وجبتها ممتاز وع طول تعينت في المشفى هادي وخشيت ع كل التخصصات وبديت نفهم في كل شي ..عيلتي طبعا تتكون من خويا لكبير متزوج اسمه معز ومرته اسمها نجاح وعندي اختي متزوجه عايشه برا واختي شدى صغيرونه قعدا تقرا وللأسف ماما وبابا متوفين في حادث مواصفاتي بشرتي حنطية ملامحي هادية فمى كرزي منفوخ وجهى معبي وطبعا مش محجبة وخصلاتي ديما فوق عيوني نسمو فيها قصت حفاري من لما صغيره ونا نحب نقصها لن كبرت نعتبر طويلة وشخصيتي قووية بس في نفس الوقت نضعف لانه نحب روحي ومنحبش نزعل ديما نحاول نخلي يومي حلو ❤
سجى:تكون بنت خالي تحبنا هلبا برغم انه عيلتهم ميحبوناش لكن هيا شخصيتها جريئة وتفرض في شخصيتها وسبب تعلقنا في بعض انه لما كانت صغيره تقلد فيا في كل شي حتى المدرسة الي قريت فها قرت معاي وتحبني هكي بدون سبب بدينا صاحبات لن خشينا الثانويه وكانت تحب تبات عندنا برغم تاكل في طرايح من بوها بس في بدل هيا تستسلم صار العكس لن تخرجنا وهيا قعدت معايه متعلقه بينا لدرجة تعتبر في خواتي خواتها المهم نفس عمري طبعا عيلتهم معروفه شوية بوها تاجر حشيش وعندها زوز خوت شباب وزوز بنات اكبر منها ❤
أنت تقرأ
من أنا ( روايات ليبية )
Romanceللكاتبة : ميلو حسسن، تدور الاحدات حول شاب استيقظ من غيبوبة دامت فترة لينصدم انه لا يعرف نفسه . و لكن يوجد اشخاص من ماضيه يلاحقونه فمن هم و ماذا فعل ليلاحقونه ؟ ومن ستساعده ؟ . رواية من داخل المجتمع الليبي 🔥
