رواية #من_أنا 💔🤭
( خيال ممزوج بلواقع )
للكاتبة : #ميلو_حسن
الرواية بلهجة الليبية
حلقة 2🔥
ميلو:ههههه يعني هوا مذكر كل شي
مجهول:لالا
ميلو:كمل!
الياس:صوت طلقات الرصاص مسيطر ع راسي الصوت كان قريب مني هلبا لدرجة معاش قادر نسمع صوت اهاتي نسمع في اصوات الكل يقولو ضروري تقتلوه وصوت رصاص يزيد للحضه عم الهدوء وشوية ونحس بي شي سخوون ينزل في جهة ودني وبدت قطرات الدم تنزل جهة صدري وبديت نشوف في الصورة مشوشه وفقدت السيطرة ع نفسي قعدت نقول بيني وبين نفسي أنا متت لن فقدت الوعي تماما؟
بتول:💔....قربت منه...لو سمحت نا كنت حاسه وراك قصه بس ارتاح توا ومعاش تفكر وانتا في حالتك هادي
إلياس:بنضرات تخوف...من جابني هني ؟امي خوتي وينهم؟
بتول:لحضه بس فهمني انتا مذكر اهلك اي حد من عيلتك؟
الياس:حاط يديه الاتنين ع راسه ...مش مذكر شي ولا حاجه اخر موقف صار معاي حكيتهولك وممكن نكون نهستر من الغيبوبه
بتول:بنضرت سخف....لو سمحت ريح روحك ارجع استند ع سرير نا حانحكي كل شي لدكتور وهوا يحكي معاك ويفهم
الياس:ووين ملفي شوفي اسمي شن مكتوب؟
بتول:اي اي لحضه بس اذكرت....خدت ملف من فوق رف الطاوله...اسمك إلياس عبد الصمد
الياس:قعمز ع سرير ....وهوا يحاول يذكر
بتول:رجعت الملف...من راي نا مش حانقول انك فقت من الغيبوبه اوكى وتوا نعطيك منوم وارقد ونا حانفهم من الي كل يوم يجو ويزورو فيك لو اهلك حانخبرهم لو مش اهلك للأسف منقدرش ندير شي💔
الياس:كيف يعني توا نرجع نرقد ممكن يكونو هما نفسهم الي ضربوني؟
بتول:نفخت نفس بقووه وسبب في تطاير شعرها....اي ماتلوح شي نا حانحط الاحتمالات كلهم وخليني نقصقص ع قصتك بزبط ونرجع نحكيلك اول ماتفيق!
الياس:تمااام تمااام !
بتول:فتحت الدرج طلعت ابرة عباره ع مسسكن خفيف يعني ساعتين وينوض ...سحبت اليبرا وفرغت المنوم فيه ....تمام توا ارتاح☺....وطلعت سكرت الباب بهدووء....ونزلت !!
____________
سجى:مقعمز في غرفة الاستعلامات....تي شن قعدا تستني فوتيه خوداها مني وربي مايحبك
عبير:افففف سجى حطمتيني راك قتلك الولد يحلفلي براس امه انه يحبني
سجى:عادي حتا نا ندير فها واونا امي قعدا حيه ممتتش متصدقيهمش جنس حواء الكدب عندهم شي اساسي
عبير:كييف يعني؟ خوفتيني سجى!
سجى:عاد متقعديش هفكه هكي وبعدين الراجل ميحبش بنت ضعيفه وتفوتله يحليلك بعدين احتمال يسميك المضحكه
عبير:🥺...قصدك توا نفسخ منه؟
سجى:شن تستني معقوله في عيد ربي مبعتلكش مسج تي فوتيه بلووك بلوووك بلووك كانا نا!
بتول:خششت....قعمزت جنب سجى...شن تهدرزو؟
سجى:بالله اقنعها بتول خطيبها مبعتلهاش مسج ع عيد وقعدا تكلم فيه
بتول:مبرده الانسان لو مايكونش مهتم ورومانسي معاي مله فكه من وجه
سجى:شفتي سمعتي ي مضحكه!
بتول:وقفي وقفي ع اما عيد تحكو واحنا قعدين مدخلناش في رمضان؟
سجى:😨...اءءء العيد الي فااات🙂
بتول:اي وتفكرتيه توا عبير؟
سجى:هيا فضفضت فهمتي ونا نصحتها!
بتول:والنبي نوضي عبير اتصلي بي خطيبك وله اخدمي خدمتك
عبير: 😨...خيرها هيا؟
بتول:لا مخيرنيش وتعرفي لو فاتك خطيبك نا حانمشيله للحوش نهنيه😅
سجى:🙄
بتول:بتجننيني🤦♀️
سجى:فوتيني بتول عارفه انتي لما نكسد شن ندير؟
بتول:تخربي في علاقات الناس مصحك وشافت لسقف بي ملل!
سجى:هه....المهم شفتي قسم الغيبوبه شن الاوضاع مطلعش منهم واحد قللك شو عم تعملي هون نيهاهاهاها😈
بتول:هههه منضرك سجى مش ناقصك بشاعه....المهم اسمعيني!
سجى:ناضت...خدت بكرج القهوه ..حطاته فوق لغاز...وحطت مياه...فضفضي؟
بتول:شافت يمين يسار تتاكد انه مش موجود حد غيرهم...اسمعي الشاب الي حكينا عليه الصبح
سجى:وهيا لاهيا تحرك في القهوه....خيرا ؟
بتول:لقيته فاتح عيونه وتكلمنا مع بعض شويه💔
سجى:بدا جسمها يرعش ...شش ششن تقوولي كيف قعدا عاايشه بتول؟
بتول:اشششش🤫...نبيش حد يسمع بالقصه غيرنا ...اسمعيني كويس !
سجى:احكي بتول راهو شويه وبنعيط نقول شبح بتول هني لانه بتول قتلت من قبل شاب الغيبوبه😂
أنت تقرأ
من أنا ( روايات ليبية )
Romantizmللكاتبة : ميلو حسسن، تدور الاحدات حول شاب استيقظ من غيبوبة دامت فترة لينصدم انه لا يعرف نفسه . و لكن يوجد اشخاص من ماضيه يلاحقونه فمن هم و ماذا فعل ليلاحقونه ؟ ومن ستساعده ؟ . رواية من داخل المجتمع الليبي 🔥
