أن الحب مجرد نظره تجعل ..
من روحك دميه بيد من تحب...
وأن الحب ليس غايه او وسيله حتى تصل ..
الى منالك فهو امواچ من المشاعر تفيض عليك ..
ولا تعلم من اين يتدفق ..♥😟
----------------------
رين:گعدت الساعه ب ٣:٠٠ العصر چنت ميته من الجوع...
رحت اركض ادور شي حتى آكله ...
دخلت عل مطبخ شفت امي مخليتلي آكل آكلته..
وكملت غسلت آلمواعين ومن الملل سويت كيكه 😊👌تخبل ..🍰
بس ماراح الملل قررت آروح عل مول بلكت يروح ..
خابرت بسمه حتى تروح وياي بس گالت ما اگدر مشغوله...
رين: بكيفچ حياتي 😔
بسمه: تسلم حياتچ😊
بسمه: خيرها بغيرها ياله حبي بااااي ...
رين: بااايااات..
رين: رحت على امي ..
رين: عافيتي تسمحيلي آروح عل مول..
امي : اي عادي روحي بس من آخابرچ تجاوبين..
امي : موو
رين: اي عافيتي ..
رين: اجيبلچ شي وياي...
امي: لا حياتي سلامتچ...
رين: فرحت من وآفقت رحت آركض على غرفتي ..
بدلت..
لبست فستان طويل لونه احمر بي نقش ورد حلو علي حزام اسود ولبست كاله سوده ..
حطيت مكياج اسود وحمره مورانيه..
سويت شعري كبوسه طلعت گذله..
رين: هههههه طلعت عبالك رايحه على حفله مو مول
كملت نزلت ..
سلمت على امي ..
صعدت بسيارة آجره..
وصلت المول بدية آفتر ..
بعد ساعه..!!!!
شفت مجموعة شباب بس لفت نظري ..
شاب حلو طويل ..
حسيته شافني نزلت رآسي سويت نفسي ما شفته
رفعت رآسي علي شفته بعده يباوع علي ..
بس تصرفوا كلش مو حلو من شافني عگد حواجبه
نظرته كلش تخوف..
رين: صراحتآ آني خفت بس تقصدت بي رحت
مريت من يمه ..😎
رين: هوا چان ساكت بس اصدقائه عابت منهم
من مريت من يمهم علوصوتهم آسمعهم يگولون..
اصدقائه: يالله هذا وين يريد الگمر يمعوده شدعوه
هل ثگل..
رين: سويت نفسي ما شفتهم بس والله بداخلي
متت من الضحك..
دان: چنت آتلفت شفت ورده حمره طار عگلي وگلبي
من مكانه ..
بس من شافتني نزلت رآسه..
يالله عل خجل..
من شوفوها اصدقائي نقهرت😠لين تخبلوا عليها
تمنيت ما تجي من هنا ...
بس حسيت هيه تقاصدت بيه ..
ومرت من يمنه تخبلوا اصدقائي بعد ازيد گامو ..
يغازلوها واني ما حچيت..
------دان-------
ماذا فعلتي بي آشعلتي نارآ في قلبي ..
وذهبتي بكل بساطه..
حقآ جمالكي سحرني ولاكن غروركي دمرني ..
سوف آصنع من غروركي سلاح يجعل مني حبيبكي
الوحيد..
..سوف تكونين ملكي...
-------
دان: كملنه رحنه عل مطعم ومن دخلت گلبي دگ
بسرعه كأن جزء منه موجود هنا...
شفتها گاعده تآكل ..
يالله شگد نازگه بس من شافتني نصدمت ومن
الخجل غصت ب عصير ...
ههههه وجهه صار آحمر من الخجل ...☺😊
رين: رحت عل مطعم طلبت آكل يعني نواشف ههه
گعدت اجه طلبي بدية آكل توني شاربه العصير..
باوعت علي واگف يم باب المطعم ويدحچ علي..
ومن الصدمه غصيت ب عصير ...
رين: يالله شفشله دحگت علي يضحك علي..
بذيچ اللحظه تمنيت الگاع تنشگ وتبلعني..
احس وجهي صار نار ...
--------رين--------
حسيت من نظرتك وحرصك علي آني ملكك..
بس مو اني آلي تنغر بلحب..
آنا ملك نفسي..
آلحب عباره عن وهم يتغلغل آلى داخل البشر
و يسيطر عليهم..
سوف اجعل من غروري سلاح آمامك ...
---------
رين: دفعت الحساب وطلعت بسرعه ..
رجعت عل بيت وفتحت الباب ومن امي طلعت
گدامي ..
امي: هااااا ابنيتي آشو راجعه من وكت..
رين: مالگيت شي يعجبني ورجعت..
امي:هاااا بس مو من عو ايدچ ..
رين: اي ههههه
يالله عافيتي آني آترخص ..
امي: اي حبي آخذي راحتچ..
رين: عافيتي امت يجي ابن خالتي ..!!!
امي: هوا اجه من فتره بس من يمر علينه آخلي
يبقى يمي ..
رين : ليش هوا وين هسه..
امي: هااا ب فندق گتله تعال گال عندي چم شغله
اكملهآ واجي ...
رين: هااا
رين : صعدت على غرفتي بدلت لبست بجامه وفانيله ربع ردن ..
نزلت شعري مسحت المكياچ ..
بدية آمشط بشعري گدام المرايه تذكرت من شفته.
خصيصآ ب مطعم چان عندا غمازه تخبل من ضحك
علي وعلي شعر حلو مو طويل حيل لونه بني تقريبآ
وعيونه زرگ حيل حلوات وجسمه رياضي حسيته
من مريت من يمه اطول مني بهواي ...
سمعت صوت ..
حسيت على نفسي آمي چانت تناديني ..
امي: رين رين رين وينچ ...
رين: هاااا هياتي ..
امي: معوده انبح صوتي واني اناديچ يالله تعاي
تعشي..
رين: اي هسه بصوت ناصي گلت كله منه ..
ضربت رآسي بيدي وگلت عابت اطلع من تفكيري.
رين: آستغفرت ربي ونزلت..
من نزلت شفت انمار گاعد يآكل رحت علي بسته
من خده لين حيل مشتاگتله صح هوا عمره سنه ونص بس كلشي يفتهم ...
رحت گعدت حتى آكل...
حسيت شي حار نزل على خدي..
امي: ماما حياتي شبيچ ليش تبچين احد مضايقچ.
رين: هااا لاء بس من گالت شبيچ زادت دموعي
گمت ابچي بصوت عالي ...
امي : يمه شجاچ رين حبيبتي شبيچ ...
رين:😭ماما والله مشتاگه لبابه ..
امي: ابنيتي مايصير تبچين هيچ مو زين علي هيچ
دا تعذبينه..
رين:مسحت دموعي گلت اني شبعت ..
امي: يمه ما گلتي شي ..
رين: هااا لا آكلت ..
صعدت على غرفتي ذبيت روحي عل چربايه حطيت رآسي عل مخده ورجعت دموعي تجري مو بيدي..
-------رين------
فقدان الآب ليس سهلآ ..
ولاكن هذه هيه الحقيقه وعلينه نحن البشر ان
نرضى بمشيئة الله ...
..لم استطع أن ابعدك عن تفكيري ..
آصبحت لا آميز بين الحقيقه و الوهم ..
قد جعلت من دمعي وادي ليس له نهايه..
.
.
.
يتبع
اتمنى ان ينال اعجابكم❤
بقلم الكاتبه سوسن القيسي ..
لا تنسوا التصويت 💚
