معاناة فتاة عراقية

البارت 2

هلو حبايبي طبعا البارت الاول جان تعريف عن شخصيات القصة القصة حتبلش من هذا البارت اتمنى تعجبكم
...................
هواي كالولي احبك💕
  شلي بيهم واني احبك ❤️🥺
...................
دنيا / دنمشي بالطريق وصلنة للبيت وجان اشوووف صدمة عمري اسعاف وهوسة يم باب بيتنة ودخان كلش قوي بحيث ختنكنة والعالم مكلوبة كلاب اني بس واكفة وصافنة مصدومة من المنظر واخواتي يبجن الحد مطلعو سديتين من البيت رحت اركض بدون وعي رفعت الغطى وجان الكة امي والسدية الثانية ابوي ماتوو وخلوني 😭 بقيت ابجي واملخ بروحي بدون وعي بعدين اجة شاب من منطقتنة بس اني ما اعرفة كلش لان ما اطلع اخذني اني واخواتي البيتهم بس منتبهت عليه اتلكني امة واختة كلش حبابات واني بس ابجي ويصبرن بية
......
احمد/ هلو اني احمد عمري 27 سنة جيران بيت دنيا اني الوحيد الامي ابوي ميت من حرب ايران وعندي اخت وحدة اسمها روز عمرها 14. مواصفاتي طويل طولي 175 عيوني عسلية ضخم 😂موسمين معضل وعصبي كلش اختي روز جانت اشوف دنيا من تروح للمدرسة وبس تسولف عليهة تكول حبابة وشكد حلوة اني صار عندي فضول اشوفهة بس هية صغيرة عمرها 12 سنة تقريبا الصبح كاعدين وسمعنة شي طك من بيت دنيا ركضت وجان الكة الدبة مال غاز طاكة على ام دنيا ومحترك وابوها معاق ميكدر يتحرك لكيتة واكع من العربانة من خوفة على مرتة ما الحكت عليهم خابرت الاسعاف وطفينة المطبخ من النار اجن البنات من المدرسة خطية بس يبجن دنيا موتت روحها اخذتهن يم امي ولحكت الاسعاف بسيارتي ووصيت بيت صديقي على بيتهم خطية بية غراضهم
الدكتور/ مع الاسف الاب ملحكنة عليه عندة انسداد بالشريان وسكتة قلبية توفى الله يرحمة ويصبركم اما
احمد /😞 اووف الله يرحمه زين دكتور زوجته شلون صارت
الدكتور/ والله يا ابني حالتهة ما مستقرة والحرك من الدرجة الثالثة منكدر نكول زينة حاليا اسبوع اذا عبرت مرحلة الخطر نكدر نكول تحسنت
احمد / انشالله دكتور بهاي الاثناء اجو كرايبنهم ترسو المستشفى ترس شيوخ وسادة سألوني عل حادث سولفتلهم الي صار واخوانة كتلو روحهم بجي وصريخ كلبو المستشفى  اخذو ابو دنيا الله يرحمه وكملو اجرائات الوفاة اني رحت للبيت اخذت البنات البيت عمهن رادوهم ورجعت للمستشفى كملنة واخذنا البيت اهلة
دنيا / راح احمد للمستشفى وراهم واني بس ابجي وامة واختة كلش حبابات خطية احتارن بينة بعدين اجة احمد كال عمج يريدجن كتلث ليش اهلي شبيهم مجاوب كال يلة خل نروح امة اجت ويانة خطية رحنة دخلت للبيت عماتي وخالاتي لابسات اسود وملخات روحهم اتلكني شبكني ويبجن اني بقيت ابجي واصرخ وياهن عرفت انو ابوي مات جابو بابا وبقيت مجلبة بية ما اخليهم ياخذونة جروني كوة بقيت 3 ايام الفاتحة لا اكل ولا شرب خلصت الفاتحة وامي بعدهة تحت رحمة الباري اني واخواتي بقينة يم بيت عمو الجبير بس هوة خبيث ومرتة خبيثة عندة بس ولد اسمة سيف مر اسبوع على وفاة ابوي وماما ماكو عندة خبر بس احمد معافها خطية يومية يروحلهة
احمد/ من مات ابو دنيا واني معفت ام دنيا يومية اروحلهة اطمن عليهة بس حالتهة بعدهة خطرة ومتحملت خبر وفاة زوجهة فحالتهة سائت اكثر الحد مفد يوم رحتلهة رادت تشوفني مع انو اخوانهة كلهم موجودين بس رادتني دخلت
ام دنيا / خالةة ا احمد بناتيي اامانة عندك لتخليهن يم عمماهن ولا ااخوتي ترةة يتعذبن والله وااني وابوهن مراح نخليهن والبيتت امانة عندك. احمد/ بعدها ماتت كمت اصيح اجو الدكاترة على صوتي واخوتهة اني بقيت وياهم كملو الاجرائات واخذوها البيت اخوها بس مكلت البناتها بس العمامها هم كالو منكول للبنات خطية حالتهن تتعب وهنة اصغار بعد يومين من وفاة ام دنيا رحت البيت عم دنيا علمود اطمن عليهن. اجت دنيا
احمد / يا هلا بدنيا شلونج عمو
دنيا / الحمدلله عمو شلون صارت ماما
احمد / عمو راح اكلج شي ياريت تتفهمين الموضوع
دنيا / شنو
احمد / امج توفت
........
يتتتتتتتبع
شتتوقعون شنو رد فعل دنيا