Sa t'wing ikaw'y dumaraan
Hindi kita pinapansin
Ang iba'y nagtitilihan
'Di ka naman artistahin
Nang landas nati'y magtagpo
Hindi tayo magkasundo
Ikaw nga ay arogante
Habang ako'y ignorante
Kapag ikaw'y naiinip
Ako'y iyong kinukulit
Ako'y iyong iniinis
Nagpupuyos na sa galit
Isang araw may usapan
Bigla akong nakisawsaw
Nabanggit ang 'yong pangalan
Puso mo raw ay ninakaw
Sa usapan ay nadarang
Nasali aking pangalan
Ako raw 'yong kasintahan
Lahat nga ay nagulantang
Ayon pa nga sa iyo
Ikaw'y aking gustong gusto
Umaabot pa nga sa punto
Natutulala dahil sayo
Hoy mister antipatiko!
Payo ko lang naman sayo
Wag buhat sariling bangko
Yung tipo ko'y maginoo
Mapagpanggap ang salita
Kaya ako'y nangangamba
Kailangan kang iwasan
Takot na mapaglaruan
Ngunit 'di ko namalayan
Nahulog akong tuluyan
Sa katulad mong mayabang
Ako nga ba'y nahihibang
Sino nga ba naman ako?
Hamak at walang may gusto
Imposibleng magustuhan,
Lalo ng pagmumukhang 'yan
Tayo'y nagtagu-taguan
Ng ating nararamdaman
At baka di masuklian
Dahil takot mahusgahan
Salamat ikaw'y mayabang
Kaya mong ipagsigawan
Akalang sabi sabi lang
Sa huli'y nagka-aminan
BINABASA MO ANG
Hindi Masabi
PoetryMga salitang di mabigkas ng bibig at dila. Iiwan na lang dahil di na kayang dalhin ng isipan.
