" عارفين شعور لما تكون بتستهبل كدا قدام حد انت بتموت فيه بس عايزه يحس على دمه ويغير أهو دا اللى بعمله دلوقتى وحاسس بإستمتاع جدا وأنا شايفها هتطلع نار من ودانها زى التنين بتاع براعم للأطفال "
- طب انت بتجيب هدية للشملولة .. أنا ايه موقعى من الإعراب
- ايه يا خوختى هو انتى مش هتتعرفى عليها .. وكمان خبراتك كبنت هتفيدنى جدا
" ينفع أكسرله مناخيره الحلوة دى .. بس الناس تقول ايه اتجننت .. وبعدين أنا لسه عاوزاه "
- يبنى ارحم أهلى انت مش عندك مأمورية كمان شوية
- يا ستى لازم أفكر من دلوقتى أصلها عيد ميلادها جاى .. افرضى انشغلت يرضيكى يعنى
" هيرضينى جدا .. إلهى تولع مكان ما هى قاعدة .. لما أشوفها بس "
" الهبلة قالتها بصوت عالى بس مش دا المهم .. المهم انى نفسى أقولها انها بتدعى على نفسها "
- بصى أنا هختار السلسلة دى شكلها حلو صح ؟!
- وحشة
" قولتها بغيظ وأنا شايفاه بيبص للسلسلة دى بإهتمام جدا .. وبصراحة كانت رقيقة وشيك جدا "
- بس عجبتنى وهتعجبها .. لو سمحت عايز دى
" قالها بإستفزاز وكأنه قاصد يشلنى .. خرجت وسبته علشان بجد بدأت أتخنق .. شعور ان حبى الوحيد ممكن يضيع منى وأنا شايفاه بيحب واحدة تانية ومهتم جدا بيها "
" البت دى هبلة .. معقول فعلا ناسية عيد ميلادها .. المجنونة مفكرة انى بحب ولا هحب غيرها "
-----------------------------
- خلود شوفى مين
- حاضر يا ماما
" قولتها وأنا قايمة بكسل ببيجامة طفولية كعادتى يعنى وشعرى الشبه منكوش .. بس قال يعنى هلاقى العريس فى وشى .. أول ما فتحت الباب ولقيته فى وشى .. ايه دا يا جماعة .. ايه القمر دا .. بلغوا وكالة ناسا ان فى قمر نزل على الأرض "
- ايه يا خوخ مش حتقولى لجوزك المستقبلى اتفضل
" هو ازاى فى ناس قمر كدا .. حد يقرصنى يا جدعان "
- اتفضل يا عمر .. يا بت وسعى خليه يدخل
" مين دى .. ماما هتعمل ايه فى الحلم "
- كأنه قال جوزى
" ضحكوا عليا وكأنهم شايفين بهلوان لكن الواضح ان حالة الازبهلال اللى سيطرت عليا لا توصف "
- أومال فين كلب البحر اللى بتحبها
- أهى
" قالها وهو بيشاور عليا .. لا لا مش مصدق نفسى يا لمبى دا أكيد حد ورايا .. طب هو أنا .. ضحكوا عليا تانى"
- يعنى ايه ؟!
- يعنى دخلت عليكى يا خوخ
" قالها بضحك بس بجد مكانتش تضحك .. دبدبت برجلى وسبتهم وقعدوا هما يضحكوا "
----------------------------
- افتحى يا خوخة قلبى
- مش فاتحة .. وروح بقا من هنا
- طب مش عايزة تاخدى هديتك
" هدية ايه .. السلسلة .. وربنا أنا غبية وهبلة .. انا عيد ميلادى النهاردة .. فتحت الباب ومديتله ايدى فضحك عليا وادهالى وقفلت الباب تانى "
- احنا فينا من كدا
- أه وامشى بقا
- طب مش هتتجوزينى
- لا مش هتجوآآآآ
" دا قال جواز .. فتحت الباب بسرعة "
- بحبك
" قولتها بطفولية فظيعة خلته هو نفس يتفاجئ وقالى برخامة "
- مش كنتى مش عايزة تتجوزى
- لا عاوزة
- طيب حيث كدا بقا
" لقيت فجأة أحمد أخويا والمأذون وماما وناهد اختى متجمعين وكمان خالتو معاهم .. واتكتب كتابنا .. طب والله ابن خالتى دا قمر "
" خير القلوب أحنها ❤️❤️ "
كل عام وأنت إلى الله أقرب ❤️❤️
رأيكم 🖤🌻
أنت تقرأ
اسكريبتات
Humorمجموعة اسكريبتات فى الشهر الكريم ويارب ينعاد عليكم بالخير وتدموا بخير وربنا يحفظكم وكل عام وأنتم إلى الله اقرب ♥
