البغدادي والاهواريه

بارت2
ليث/صفنت عليه ورفعت تك حاجبه بمعنى شكو اني راسن وخرت ورجعت لديوان كعدت يم الحراس ضلينه نسولف
فاطمه/رجعت من النهر تعرفون الضهر اله اروح لنهر كلت خلي اخبز هذني الفواهيات شوكت يخبزن عجنت وخبزت وكملت خبز رحت غسلت وجهي بالساجه مالتنه وغسلت رجلي ما احس غير احد صافن عليه باوعت لكيت هذا البغدادي رفعتله حاجبي عود شكو راسن اندار وراح رجعت لميت الخبز ورديت للبيت كعد ابوي وكال بويه من هذا خبزج الحار جيبلنه خبز وسويلنه الجاي كتله تامر بويه راح لديوان سويت قوري الجاي والاستكاين يمهم لان هما يصبون اهناك وخليت خبز وديته صحت جاسم هذا الخادم مال ابوي  صاح ابوي تعاي بويه مامش احد غريب دشي بويه طبيت لديوان وشفت البغداديه كلت اهو هم هذا الفواهي خليت الصينه تامر على شي لاخ بويه
ابو يونس/لابويه روحي يابعد هلي وطوايفي
ليث/اكلك عمي انت شعجب مخلف بس ولد ٢وابنيه اني ادري بالعرب تخلفون هواي وتزوجون هواي
ابويونس/ههههههه والله ضحجتني بعد عمك انا ما احب الجثره بدون فايده خلفت ولد ٢وعلمتهم اصول الشيوخه بعد ابوك مو بالجثره تراهي وعندي فطيم تسوى هالدنيا ومابيه هاي من اجت لدنيا وانا كل الخير اجاني واحبنها  جثير تشابه امي بكلشي بجمالها  وبجلمتها وحتى بنصيحتها وبعنادها وبكلمه الحق اتكولها لو على كص ركبتها هم تكولها تدري بعد عمك شكثر اجوها عالم بس هيه ماترضى وبيني وبينك اني هم مكيفلها لان اخافن افاركها اذا صبح صباح مشايفها اموتن احسه موصباح
ليث/بگلبي كلت طبعا اتموت اذا هيه صاكه غير كيمر عرب الوجه الله يحفضها عمي ويحفظلك ولدك
ابوليث/ها شتحجون بدوني
ابو يونس/ههههه جنه على كولت فطيم ندردش
ليث وابو/هههههههههه
ابو يونس/ها بعد عمك ارتاحيتو بنومتكم اخاف قصرنه وياكم
ابوليث/لاشيخنه رحمه الله والديك احنا الي نعتذر ازعجناكم
ابويونس/لا يابوليث مامقبوله منك احنا نجرم الضيف ابد ماننزعج بعد ابوك احجيلي قصتك شنهي الصار بيكم
ابو ليث/والله شيخنه صارت سنه وشيعه وكامت ناس تهدد ناس هددوني وهددو ابني وذبونه ضرف بي طلقه بالكراج مال بيت رحت لشيخ مالنه كال راح ادزك لكرايبي وانا احل سالفتك
ابويونس/هلابيك عمي عين غطى وعين فراش
فاطمه/بدينه اني ونسوان اخوتي نحضر العشه واجتي نبأ ويانه اصيحلها المايعه صرنه صحبه انا وياها هاااا يالمايعه كعدتي
نبا/اي حبي كعدت يالحليوه من هلكد محلوه كمت اصيحلها يالحليوه بشنو اساعدكم
ضحى/لا ميصير الضيف امير عدنه
نبا/لاحبابين والله ما احب اكعد هيج
فاطمه/عجل كومي سوي الزلاطه تعرفين
نبا/يالحليوه اسويلج احسن زلاطه شلون ما اعرف واكو اسهل منها
فاطمه/زين يالمايعه تعرفين اسويلج حاجه
نبأ/يالحليوه اطلب منج طلب بس لاترديني فدوه
فاطمه/كولي حبيبه واذا اكدر اسوي بطن عيني
نبأ/خلي ورى العشه نطلع نفتر والله ضجت
فاطمه/هههههه تدللين يالمايعه خلصنه العشه وصبينه بالاستقبال واكلنه سوه لان حسبناهم اهلنه فرشنه السفره وبدينه بنكل الغراض وصحت ابوي واكلنه وهذا الفواهي من جوه الجوه يباع والله صجت منه وراح اركعنه بالخاشوكه
امي لكتلها ونيس شكد ما ام ليث مثقفه وتفكيرها غير عن امي بس توالمن يوميه سوالفهن متخلص من نكعد لحد منام كملنه غسل امواعين ورحت لابوي كتله بويه اريدن جاسم يماشينه لان اريدن انا ونبأ نتمشى
ابويونس/اي بويه تدللي جويسم رح وي فطيم وها لاكوت تغفل عينك عليه اشلع عيونك
ليث/اروح وياكم خلي اني هم اشوف البستان
ابويونس/روح بويه جويسم خلي بالك على ضيفنه هذا امانه
فاطمه/لطش روحه ويانه اووووف شكد لزكه  مشينه وانا احجي للمايعه اهنا شنو واهنا شنو اجاني جعجوع يركض 🐕 فزو المايعه والفواهي جويسم كام يضحك كاللهم بويه لاتخافون هذا مايذي فطم معلمته شلون يرحب بالضيف
هلا بجعجوع تعالن شوف شجبتلك طلعتله فخذ وانطيته يله روحن اكل وبعدين نسولف انا وياك
ليث/اني دريت بيها راح تطلع وي نبأ كمزت نسيت المستحى ورحت وياهم شلون تمشي هيبه وتاشر على بساتينهم وصوتها ذوبني يربي شلون بيه معقول احب بنت من الأهوار فزيت على حس النبح مال جلب اتلكته بالضحكه وانطته فخذ وراح يسمع كلامها وشتكله يسوي من ضمن السوالف عرفت هيه يوميه تجي الضهر على النهر لو اضل تكتب اشعار لو تغني يكولون صوتها يخبل
كلت خوش حتى اكدر انفرد بيها واحجي وياها اتعرف عليها رجعنه سبحنه وبدلنه ونمنه  ثاني يوم اني من الصبح كعدت على حس الديج وثاني شي اني من جنت ابغداد اكعد من ساعه ب٦ كعدت غسلت وبدلت وطلعت كعدت يم الساجه  جان اشوفها اجتي من بعيد ولج يمه مرمر الوجه
فاطمه/كعدت كالعادة من ال٦ غسلت وبدلت وطلعت دانطي اكل الجعجوع والدجاج طلعت الدجاج وجان اشوف الفواهي كال صباح الخير كتله صباحك نور شعجب ابن بغداد وكاعد من الفجر كال اني من جنت ابغداد اكعد من الصبح انطيت اكل الجعجوع وطلع ابوي
ابويونس/ها بويه بيكم شي
فاطمه/لابويه اجيك مثل عادتي انطي اكل لدجاجاتك ولجعجوع ولكيت الف  اقصد الضيف كاعد سالتنه محتاج شي مدامك كعدت اكعد يمه واروحن اسويلكم ريوك
ابويونس/خوش بويه
فاطمه/سويت الريوك وديته ابويه مياكل اله اكل ويا كعدت يمه والفواهي ويانه اكلنه وقريتله الجريده وانطيته دواه وطبيت لكيت امي وجناينها ولدها كاعدين يتريكون صبحت عليهم وكعدت يمهم سولفنه كعدو ام ليث والمايعه سويتلهم ريوك وابو ليث هم اتريك وي مرته وبنته وضلو نسوان اخوتي يسون الغده واني والمايعه نظفنه البيت وامي كرخ سوالف وي ام ليث لكتلها ونيس وراها سبحنه وتغدينه وكلمن طب لغرفت ورحت اني كالعاده يم النهر سولفتله وكتبت شعر وكمت اغني (فوك النخل فووووك يابه فوك النخل فوك )وانتو كملووو🤣🤣🤣
ليث/ضليت انتضر من الشباك بلكي اشوفها من تطلع وجان تطلع ونزلت اركض لحكتها بدون متحس شفتها كعدت وضلت تشكي للنهر حالها وحلمها وراها كامت تكول اشعار وراها غنت اني ذبت بيها اباع على روحي وراها متحملت ورحت والله صوتج روعه
فاطمه/ها يبن بغداد شمحدرك عليك وشعرفك انا يم النهر سمعتج تكلين لساجه انتي وتغسلين رجلج انج راح تروحين اها يعني شتريد هسه محدر يمي ومراقبني شمالك يبن بغداد خليني ابالك انا مو مثل بنات بغداد احبن واتحب انا لحمي مر
ليث/علكيفج يبنت الاهوار شبيج اكلتيني بكشوري على فكره حسج كلش حلو والاشعار الكلتيهن هم يخبل بس كليلي هذني مقصودات الاحد معين
فاطمه/شمالك يبن بغداد اسنيعابك بطئ كتلك اني ما احبن احد احبن النهر ولا اريدن احب الحب مايجي منه بس الوجع
ليث/بالعكس الحب حلو ليش مجربين انتي حلو ومناقصج شي
فاطمه/شعتبر معنات حجيك غزل لو سؤال
ليث/الاثنين
فاطمه/اذا غزل لزم حدك يبن بغداد انا مو مش البنات التغزل بيهن لهين وحدك وياي لاجثر بحجيك واذا سؤال ما اريدن اموت بالحب مثل عمتي يله اكومن اروح ماحبن اكعد وي احد يم النهر احبن وحدي احاجي لنهر
ليث/حجت الكلمه وراحت متانتني حتى اكللها اوكفي لو روحي زين شنو سالفت عمتها وليش ميته من ورى الحب؟