Mi tin Rabia riba bo

Ayo- 3

No tin palabra pa deskribí kon Naissy tabata sintié e siguiente dia nan na skol. Ki ora e kana drenta e tabata bira e tópiko di diskushon. Lo bo a kere ku despues di un par di siman lo e hende nan a kansa. Pero No, lo bo tabata hopi robes.

Bida a bira solitario pa Naissy. Su úniko amistatnan tabata e lagadishi i para nan ku e tabata benta sobra di pan pe.

No falta hopi pa nan gradua di skol. Pero e manera ku kos ta bayendo aki lo ta difísil pa Naissy manten'é.

Un di e tareanan mas importá ta na kaminda. E punto ta pisa hopi i e lo ta nifiká traha den grupo pa largu tempu.

For di den pouze tur hende kaba a kuminsá planeá ken ku ken lo ta den grupo.

Bon prepará tur hende ta drenta klas kaminda i nan tur hende ta wòrdu desapuntá pareu.

"biaha pasa tur hende a traha grupo gezellig i e kos a bira un desaster. Mi mes ta traha e grupo nan i pa evitá ku tin hende sinta pòrnada tambe mi ta hasi e grupo nan un pareha di dos hende." Yùfrou ta bisa.

Despues di menshoná diferente hende nan ku lo traha huntu e yuf ta anunsiá. "Roneska ku Jason"

Ku spit di raket Jason ta bisa Yuf. "No no tin niun otro hende ku mi por traha ku n'e? Tur hende ménos e."

"ki ba kere ku den bida real bo por skohe ken bo ke traha kuné?" Bida no ta fásil manera bo ta kere Jason." Yuf ta bisa

Jason ta bisa yuf "Ami no tin kunes. Mi ta keda sin hasi e tarea gewoon i tuma mi 1. Nos tur tin mas ku 18 aña mi ta haña ku nos ta basta adulto pa por tuma nos mes desishon."

"Si bo tin asina tantu problema mener Jason bo por sali aworakí i repasá e materia otro aña. Kisas e ora ei bo ta haña un hende ku ta kai mas na bo agrado" yùfrou ta kontesta.

Si mirada por a mata Jason lo a destruí hasta e muraya ku tin tras di e Yùfrou.

Repasá e klas i posibel mente hinter e aña no ta un opshon agradabel. Jason ta keda ketu sinta manera un kachó ku ta lembe su herida nan.

yùfrou ta gosa di su momentu di triunfo. "Oké e asuntu di traha huntu ta reglá. Awor klas kòrda ku kada unu di bosnan mester skohe un tópiko pa traha e presentashon ariba. Boso kombersá i disidí HUNTU."

(Pa ki krou e tin ku wak mi ora e bisa huntu) Jason ta pensa. (Ba logra bo meta kaba basta di keda hasi pinda awor).

Naissy sin bisa un palabra ta hala su stul bin sinta banda di Jason.

(pa kiko e mester bin serka asina? e por a keda sinta kaminda e ta gewoon.) Jason ta pensa.

Naissy ta bira puntra Jason " ki bo tin na mente ?"

(No traha ni anda ku bo at all lo ta un komienso perfekto) Jason ta pensa. Pero ta bira kontest'é "whatever, un kos fásil"

"Abo no ke kis nada? bo no a pensa nada?" Naissy ta puntra.

Jason ta pensa (ABO tuma e desishon ya pa ora algu bai robes ta bo falta.) i ta kontesta "loke bo ke, min ta wòri"

E kombersashon ta difísil pa Naissy tambe. Pero e kier djis kaba e tarea pa e por gradua i skapa di e fièrnu di skol aki. E no por warda pa kaba i start un komienso nobo.

E ta sinti kon e rabia di Jason ta bria riba dje manera e rayonan di 1 mion solo. Fada ku ta e tin di chupa i puntra e ta krusa su man inkómodo i len patras den stul.

Man krusa ta un indikashon inkonsientemente di un persona ora e ta drenta su modo di defensa. Nan a kaba di siña esei den klas di Social Psychologie. E ta sirbi pa algu tòg.