هلوووووووو كرزاتي🍒🍒
لسان حال سارة يكوول!.!.!..!.!.!.!
كولو للخاين بعد ماريده✋
خلي ذاك المايحبه يفيده💔
كلوله ماعايش انا بعازته
كلوله للخاين بعد ماريده✋😞
*
*
*
*
مها::يلا كعدي حبيبتي اككلي شويه علمود العلاج
سارة::ماريد ماشتهي
مها::شويه كومي
سارة::كتلج ماريد مها
مها::انتي من امس بدون اكل
سارة::ماريد عوفيني
مها::يوجعج شي
سارة::طلعي برا
مها::اوك طالعه شنو تحتاجين كولي
سارة::اريد احجي ويه مصطفى؟
مها::شنو تردين وليش
سارة::اريده يطلكني
مها:::شنوووووو تخبلتي انتي
سارة::اي اي تخبلت ماريده
مها::شنو لعب جهال وماتردينه كلشي اله حل
سارة::لاصدك والله وشنو الحل ...حقج وين تحسين عايشه بعشق وغرام وهيام ...ماتهمج بشرفج وبشي انتي مالج علاقه..ماكتلج وحركج شوهج...ماجاب وحده على راسج....ماتحسسسسين ماتفهمين.
مها::ياحبيبتي ياروحي انتي اهدي وكلشي تريده يصير كلنه وياج صح غلط وغلط جبير بحقج بس لازم تفكرين بعقلج شويه بس تنكشف الحقيقه الله موجود ماينسى الظلم
سارة::واني ابقى بعذاب لحد ماينكشف الظلم
مها:::هسه كومي اكلي شي وبعدين نحجي
سارة::طلاك وماتراجع
مها::اوك براحتج
طلعت واني افكر بيها وبوضعها سارة شلون تتحمل هيج وشلون راح تنحل السالفه اوووف يا بابا كسرت بناتك غيابك وجعن ودمر حياتهن لو موجود ماصار الي صار لو موجود الكل وكف عند حده الله يرحمك
وفرح ماعرف شبيها صار يومين ماكو خليني اتصل
الوو ولج وينج بالي وياج
فرح::عمرري مهوي مشتاقتلج
مها::جذبي جذبي
فرح::مجذبه عليج من قبل
مها::شبيج فرح
فرح::شبيج مها
مها::اهوووووو فرح احجي شبيج ليش ماكو صارلج يومين شكو شصاير وياج احجي يلا
فرح::هوب هوب عليه شبيج
مها::احجي
فرح::ماكو شي بس عدهم عزايم هواي وجنت قافله نقالي ماريد احد يعرف احجي وياكم وياخذه
مها::اكيد لو اكوشي
فرح::ماكوشي شبيج ..انتي شلونج وماما وسارة
مها::كلنه بخير وزينين
فرح::سارة ماكو حته ماشفت اتصال منها
مها::اي نقالها عاطل
فرح::هاا ..ومحمد شلونه شنو وضعه
مها::اووف يافرح محمد ولج مكسور..كله كاعد بغرفته مايطلع حته اكل ياكل بغرفته ومايحجي ويانه ابد حته مايروح لبيته شكد حاولنه ويا وشكد عمر حجه ويا حته جابله دكاتره للبيت بس رافض يطلع من الضلمه الي كاعد بيها اووف يافرح
فرح::سوده عليه حبيبي
صكر:::ها كاعده
مها::يلا فروحه اخذي راحتج
فرح::اوك عمري سلملي للكل
مها::ديري بالج لنفسج شنو تحتاجين كولي
فرح::تمام عمري ..باي
صكر::مدامج كاعده شمالج ماتعرفين تصبيحن ماتعرفين تكولين كعدت اكو ناس تريد تطمن عليه بالهم وياي لو النقال اهم بعدين حبيبي منو شنو ماعندج احترام للرجال الي هنا ماعندج حشمه لنفسج لو صدكتي روحج مريضه ؟
أنت تقرأ
عشق الصدف💜
Romanceدعني أراك........ لأبلل مبسم قلبي بفيض هواك دعني أراك .....قبل صلاه العشق مع الأفلاك هل تشفع للحب صلاه قبل صلاه الدمع معاك؟! دعني أراك ...ليكون العشق في هواك
