المراهقه والاربعيني

60(ج2)

مراهقة_و_الأربعيني

،،،،،،،، بقلم زينب ماجد ،،،،،،،،

الحلقة_60

هله بهيبة زلمهم ياهله بجيتك

عزيز وغالي دوم الروح شاريتك

عكب عينك ضكت كل آه بمروره

واهلك يابعد روحي يهينوني ويذلوني

ويكولون انه شينه وثبتو بصوره

ولك وينك  صفيت انه بدونك جثه بين الناس

صح عايش ولاكن كلبي جمره وينبض احروره

احن واشتاك اجي لهدوم ترويني

اشم عطرك واحس الروح مسروره

يخيمة انت وغبت والناس كلها اذياب
بس يمك تصير الروح مستوره

يبو طول الحلو ياكشخه بين الناس

يل ملكاك دافي وينكط احروره

#بقلم_شهد_الجابري

..سمعت هيام تصيح ولج ليلياااااااان فتحي ليلياااااااان ابو حرب

ما وعيت شنو كالت ركضت فتحت الباب شفت دموعها بعينها و تضحك وحظنتني حيل
-شبي صراع

-ابو حرب عاااايش ليليااان عاااايش راح يجيبوووه

- لا لا عتجذبين الله عليج

-ولج والله و صلاة محمد خبر ع الحجي بصلاح الدين وراح يرحون هسه يجيبوه

-صرخت من كل كلبي وحظنتها وابجي .. لا لا ما اصدك عايش يااااااا الله .. الشكر للرب شكرا ياربيييي .. احجي وابجي واضحك .. مشاعر ما اعرف شلون جمعتها بلحظة وحده يمكن گلبي حيطك من الفرحه ..

تركتها ونزلت اشوفهم مهووسين يردون يرحون نائل يصيح نور حزامي و الحجي يصيح يابه عكالي ..

صحت شوكت تجيبوه .. شوكت حيجي بس جاوبوني .. كلها مخبوصه ..

الحجي :- ليلياااان

- هااا عمو .. رحت ركض بلكي اسمع نتفة خبر عن صراع .. 

-اسمعي بنيتي الصار و الدار ما نريدو ينفتح تراه ابو حرب مريض وراح نجيبو وما نريد نزيد عليه المشاكل ما تعرفين داعش شعامله بي ف الفات مات ونحن ولد اليوم مفهووم ؟

-ليش هو شبي

-كتلج مريض سمعي الكلام بنيتي ولا تسوين مشاكل ولا تفتحين الموضوع وتقهري

-بگلبي گلت هسه صرت بنيتك .. هزيت راسي لا لا ما احجي ما اريد اخسرو بس خل يرجع ..

.. تركني ومشى .. صحت وراه شوكت يجي .. ما رد بعد .. صعدت بوجهي للغرفه شكو شي بي طلعتها ..

حتى الجربايه و الميز تواليت و كلشي .. هلكد اله حط بيه قوه على فجأه .. غيرت ديكور الغرفه و هيام جت تساعدني ..