وصلو اب دنيا و امها عند شوشو رحبت بيهم جبرو الكسولات عاد راقدين يسناوهم ينوضو باش بحكيولهم وين كانو لبارح
ناضو دخلو للدوش ضربوها بدوش خفيف و خرجو للكوزينة يحوسوو يعمرو كرشهم 😣 حتا شافو اب دنيا
دنيا : اووو بابا و ماما واش راكمو الله توحشتكم بزاف
الاب و الام : الحمد لله وسلمو على انفال
الاب : قعدو نتفاهمو معاكم
انفال و دنيا جمعو اونفاص ليهم
الام : خيى نشالله لبارح وين كنتو
دنيا : لبارح واحد الامي عرضني للعرس و طلبنا ماقدرناش نرفضو
الاب : هيهيه بلخف درتو ليزامي و ليتو تعرسو معاهم سمعوني نتوما لزوج بناتي و نخاف عليكم من اليوم كي تخرجو الرجلنا على رجلكم
دنيا و انفال : 😠😑 اوووك
مشاو لبنات تقهواه نساو البورطابل تاعهم قدام الاب ههههه صونا تليفون تاع دنيا رفده الاب جبر آدم يعيط رفد عليه قاله الو على من راك تحوس
آدم : هاد النيميرو تاع دنيا 🤔
الاب : ايه و انا الاب تاعها شاتحوس منها
آدم : اوو عمي سمحلي و نتا واش راك والو انا بغيت نسقسي عليها واش راها
الاب : الحمد لله وهي راها مليحة
وكوبا عليه 😋
جات دنيا تجري بابا معامن كنت تهدر
الاب : مع صاحبك
دنيا : شكون هو 🤔
الاب : آدم
دنيا نخلعت و قاتله ايه هاداك هو الامي تاعي لي قتلك عليه
الاب : ايه جبيه نتعرفو عليه
دنيا : ااااااا صح نعيطله و نشوف
الاب : عيطيله قوليله رواح ليوم فالعشية نتعشاو معاه
دنيا : اوك ☹
دنيا عيطتله و هو رفد
دنيا : الووو آدم
آدم : اوو سمحيلي عيطت و رد عليا باباك
دنيا : ايه ماعليش نورمال بصح قالك ليوم رواح تتعشى معانا و جيب معاك مراد باغي يتعرف عليكم
آدم : اوك ايه دنيا رانا جيران دروك الدار لي شريتها قريبة للدار تاعكم
دنيا : ههههه مليح اوك نسناكم ليوم
آدم : اوك باي
مشا آدم عند مراد و قاله بلي لازم نمشيو قاله اوك
وجدو روحهم و خرجو و صلو رحبو بيهم و اب دنيا قعد يتاستي فيهم واش هو اسمك مين اصلك وين عايش شكون هما والديك 😣
تما آدم و مراد هودو راسهم ماقدروش يجاوبو عاود الاب سقساهم آدم طلع راسه حنا من الميتم مانعرفوش والدينا نعرفو واحد المرا هي لي رباتنا و ماتت عندها تلت سنين .😢 طاحو دمعات خفاف من عينين ادم و مراد مسحلهم الاب على ضهرهم و قالهم ماعليش هدا قضاء الله و قدره وراني باكم من عند ربي سلمو على راسه عاود كمل الاب الاستجواب تاعه قالهم شاتخدمو 😏
آدم : انا dj وعندي سلسلة تاع فنادق فالخارج و خويا مراد مدير الاعمال تاعي و شريكي فالفنادق
الاب : الله يبارك وكيش تعرفت نتا و بناتي
آدم : كنا فالبحر و جات بغات تصور معايا ( الاب خزر فدنيا ههههه 😐) و فالحقيقة عجبتني بنتك الله يبارك زين و اخلاق و درت السبة بالحفلة و قلتلها تجي
ألاب : هههه بصح حنا ماعدناش هاد العقلية تاع تخرجو و مانيش عارف راك فهمت
دنيا 😄😄😄 سمعتهم عاود قالتهم رواحي صاي وجدنا الطابلة
الاب : رانا جايين
________________€€€
مشاو تعشاو و زادو تعرفو على بعضهم البعض
مراد :الله يكتر خيركم صاي رانا جيران نسناوكم غدا تجيو تفطرو عدنا
الاب : صح انشاء الله تهلاو فرواحكم
ادم و مراد : تصبح على خير عمي
ومشاو راحو لدارهم
آدم : انا صاي ديسيديت غدا نخطب دنيا من باباها
مراد : ههههه حتا انا باغي انفال وحشمت نقوله
آدم : كيش تحشم غدا نخطبوهم من بابهم و نديرولهم سوربريز فالفطور
مراد : اوك غدا نشالله نوضو بكري نوجدو الحالة
آدم : اوك
فدار شوشو
الاب : انا علاش نكدب ولله عجبوني
دنيا : ايه ناس ملاح ( تبسمت و شافت فانفال 😁)
انفال : ايه 😁 ايا حنا نوضو نرقدو غدا نوجدو روحنا
دنيا : ايه تصبحو بخير
دخلو للشومبرة و دنيا خبرت انفال شاسمعت ههههه انفال : راني حاسة ماشي مليحة غادي تصرا غدا
دنيا : ههههه غي سكتي كل ما تقوليهالي يصرا العكس
انفال : ايا نرقدو باش نوضو بكري
أنت تقرأ
Friends With Love
Short Storyكرونيك باللهجة الجزائرية كوميدية رومنسية هباااال 😁هادي اول مرة نكتب كرونيك نشالله 💚 تعجبكم بالنسبة للكرونيك هما زوج صحابات يطيحو فluv مع زوج ولاد صحاااب
