أحببت قسوته

البارت الثالث

طبعا البارت الثاني قصير جان شويه صار خلل بس هذا البارت لا راح يصير طويل 😊❤

اكتب عن واقع يصعب
تفسيرة..... ✍
هل ياتري طبيعتي في هذا
الزمان خطا...
ام البشر بدو يكتشفون
حقيقتهم...
ام بدت الاقنعة
بسقوط.......
واقع لم اجدله تفسير..
                  🌹🕊

أمير :شنو هذا الحجي يابه إني ادري الزواج اتفاق للطرفين مو تجي بهاي الطريقه تجمعنه واحد ميعرف الثاني😤

جمال:ادري ابني وضعكم صعب بلبدايه خلي نسوي هاي الخطوه وبعدهه اكلك ليش وتشكرني هم

شهد:ضليت مصدوومه من قرار عمو ومن الصدمه ماحجي بس اباوع وأمير صاير بركان من الغضب لو ما أبو وقيمته جان اتجازو عليه لحضات وجان يعيط بيه أمير كدامهم

أمير: هييي انتي شنو مراح تحجين متعترضين😠
احجيلج كلمه

شهد:ضليت صافنه احس ماعندي آي طاقه اكوم واحجي واعترض ضليت بس صافنه مدافهم شديصير
جمال: أمير عوف البنيه موافقه بس انته اذا ماوافقت تلم غراضك وتطلع من البيت واتبره منك ليوم الدين😡
أمير:شنووو تطردني علمود وحده تريدني ازوجهه ماعرف اصلهه من فصلهه اجتي من الشارع😤
جمال:ااااامير😡اطلع بررره ماريد أشوفك بعدد
أمير: ماشي طاااالع وعايفلك البيت ولهاي بنت الشوارع😬
جمال:ااااامير😡  👋 اطلع وإياك تفكر ترجع وماراضي عليك ليوم الدين

شهد: كولشي صاار كدامي احس مابيه بعد حيل اتحمل اكثر من هذا انصدمنه كولنه من عمو ضرب امير راشدي وطرده ساعه السوده الاجيت بيهه لبيتهم ودمرتهم 😖بس اذاني حيييل وجرحني بكلمه بنت الشوارع لويدري بنت منو اني جان شنو حجه اكيد جان راح لبابا وكاله بتكم يمنه حتى يتخلص مني ياربي شسوي

أمير :انصدمت صدمه عمري لمن ابوي ضربني وكدام منو كدامهم كلهم وفوكاهه تبره مني لأن ماريد اتزوج
داجمع ملابسي وغراضي عل سريع من الغضب وجان تندك الباب مدرت بال رجعت الم هدومي عل سريع وجان تكول أمير بارتباك

شهد: اخوته حاولو ايهدونه شويه وماكدرو جان نار وشرار من الغضب وكوله بسببي إني شنو ذنبه هيج يصير بي وعمو اتخذ قرار كولش خطأ بحقي وحقه بس ممفتهمه ليش هيج سوه صعدت وتجرأت وكلت شيصير يصير بس اريد افهمه اني مجنت ادري بهذا القرار دكيت باب الغرفه ومحجه شي فتحت الباب دايجمع بملابسه بلكنتور
أمير: انتي شسوين هنااااا مكفاج السويتي هااا جايه تتشمتين لان انضربت وانطردت بسبب حضرتج وبكل عين صلفه صاعده العتب مو عليج علينه إلي امنه بيج ودخلناج البيت تالي بقه الج وإني راح اطلع😡
شهد:ويه كل كلمه منه خنجر وتحفر بصدري 😖
أمير: متحجين شبيج خرسيتي 😡
شهد: لزمني من زندي حييل وضل يحجي ويرزل الحد ما كالي منين اجيتي من الملاهي وصرتي شريفه يمنه مووو وماكو منج😡
شهد:كااافي لهنا وبس إلا شرفي لا تعبر حدك اني بنت عائله وناس محترمه وشريفه ثق بالله اني مادري عن ال.... أمير: كااافي اطلعي بره
شهد:جرني من ايدي وطلعني بره الغرفه شكد قهرني وذلني بس انطي الحق لأن اني السبب الأول عن إلي يصير بي