لارة الشيخ يزن

بارت تعريف الشخصيات

هلو يلة نبدي بتعريف الشخصيات
بطلة القصة وعائلتهة
لارة /هلو اني لارة من بغداد عمري 17 سنة طالبة خامس علمي نجحت يعني رحت للسادس وحلمي ادخل كلية صيدلة مواصفاتي اني بيضة عيوني رصاصي وشعري اسود حلكي وخشمي صغار واني ناعمة حيل
ازاد/سلام اني ازاد اخو لارة عمري 25سنة خريج كلية هندسة واشتغل بمشاريع وهيج وحالتنة المادية كلش زينة
الاب/السلام عليكم اني احمد ابو لارة عمري 49 ضابط متقاعد
الام/السلام عليكم اني هدى ام لارة عمري 44 مدرسة. رياضيات
&&&&&&&&&&&&
لارة/عندي عم واحد. اكبر من بابا وعندة ولد ثنين وماعندة بنات وهذا الي راح يخرب حياتي
العم/السلام عليكم اني وليد عم لارة عمري 51 مدرس متقاعد
العمة/السلام عليكم اني سهام مرت عم لارة عمري 48 ربت بيت
الابن الاكبر/مرحبا اني علي عمري 29 سنة متزوج وعندي بنية عمرهة سنتين وزوجتي نور عمرهة 25
الابن الثاني/هلو اني علاء ابن عم لارة عمري 21سنة مرحلة ثالثة كليه تربية رياضية المدلل مال البيت  ودائما نطلع اني واصدقائي لمن نضوج  كوفيهات ونسولف وندخن اركيلة فمرة كاعدين بالكوفي وتعاركت وية ولد بحيث ققدت عليه وصديقي جان شايل ويا سجينة فضربتة بيهة ومن بعدهة اصدقائي عافوني اني حسيت باللي سويتة واخذت الولد للمستشفى فتشت مبايلة لكيت اخر مكالمة وية ابو دكيت عليه وكتلة يجي شوية واجة ويهوس اني خابرت ابوية وعمي حتة يجون وطبعا ابو الولد قدم شكوة ضدي واخذوني للسجن
ابو علي:خوية اهدء ان شاء الله ابنك مابي شي وبعدين قضاء وقدر الشيطان دخل ابينهم
ابو الولد/اليوم اخل الدم للركب اني ابن شيوخ واحنة مانسكت عن حقنة اثناء الحجي طلع الدكتو وكال البقية بحياتكم هنانة ابو الولد عيونة نطت من العصبية وتوعدلهم وكللهم بعد4ايام الكعدة اتصير ابيتكم
وعافة ودخل يبجي علة ابنة ومقهور
&&&&&&&&&&&&&&&&
نجي لبطل القصة نتعرف عليه وعلة عائلتة ونعرف شنو الربط بالموضوع ومنو هذا الولد المات
يزن:/السلام عليكم اني الشيخ يزن عمري27من البصرة طبعا اني عصبي حيل عندي اخت وحدة ولي هية سرى وابوية وامي توفو بحادث واني واختي عايشين يم بيت جدي واني جدي سلمني المشيخة قبل 5سنوات لمن تخرجت من كليه القانون واني ما اشتغل لان يلة الحك عل ديوان والفصول والكعدات
سرى:هلو اني سرى اخت الشيخ يزن عمري 20سنة طالبه مرحلة ثانية كلية صيدلة مواصفاتي حنطية علة بياض عيوني عسلي ورموشي ثخان نفس يزن وشعري جوزي وطويل حيل هااا واني محجوزة لابن عمي سجاد هسة راح تتعرفرن عليه بعد شوية
&&&&&&&&&
الشيخ يزن /عندي عمام اثنين عدا ابوية . ابوية الجبير محمد وعمي الوسطاني اسمة حسن عايش ابغداد عندة ولد واحد حسام عمرة 23 سنة وعمي الصغير حسين متزوج وعندة ولد وبنية سجاد وغدير وعمي الصغير عايش وية بيت جدي يعني ويانة بنفس البيت وهوة حاجز سرى من لمن جانو صغار واهلي عايشين
سجاد /هلو اني سجاد عمري 20سنة بكد سرى وهمات مرحلة ثانية كليه صيدلة لان كلش متعلقين ابعض ناكل سوة ندرس سوة وعايشين بنفس البيت يعني ابيت جدو  وطلعتلنة نفس الكليه واحنة بنفس القاعة وهذا الشي كلش زين لان احبهة كلش واغار عليهة
غدير:هلو اني غدير اخت سجاد عمري 15سنة طالبة ثالث متوسط مواصفاتي ناعمة واني بيضة وعيوني سود حيل سواد الليل وشعري همات
&&&&&&&&&
يزن / كاعدين اني وجدي وعمي حسين بالديوان وخابر عمي حسن وكال انو ابنة حسام  متعارك وية واحد وضاربي بسجينة هنانة كلش نقهرت صدك خوش ولد جان اعصابي صارت فول اخذت جدي وعمي وحبوبتي  صارت الفاتحة ابغداد 3ايام واليوم الرابع صارت الكعدة واحنة ناوين الدم بالدم وصلنة وصار نقاش اني عصبي حيل وابو الولد كلساع وكايل هذا قدر والشيطان دخل بينهم تدخل شيخ من غير عشيرة يعني طرف ثالث وكال بلة ما يصير بحر دم اخذ فصلية لمدة 6اشهر وخمسين مليون عجبتني الفكرة والله الة اندمهة لهاي الفصلية
يزن/لا ما اريد فلوس بس الفصلية راح تبقة طول العمر
ابو الولد يعني عم لارة: بس اني معندي بنات
خوية ابو ازاد خل ننطيهم بنتك لارة هية بس هلبنيه عندنة
ابو ازاد /........

حبايبي اذا تردون استمر كتبولي بالتعليقات والقصة حقيقية 100% يلة اريدكم تخلون لايك وتعليق لان صاحبت القصة اتابع تعليقاتكم والتفاعل وهاا راح احاول قدر الامكان تكون القصة بلهجت اهل الجنوب لان اني من ديالى بعقوبة فحجينة نفس حجي اهل بغداد بس راح احاول اخليهة قصة بلهجة اهل الجنوب
اكتبولي بالتعليقات كلمات يحجوهة بالبصرة تختلف عن باقي المحافضات .احبكم فديتكم انا 😍😍😍