لارة الشيخ يزن

البارت الثاني

هلو حبابيبي اسفة عل تاخير جان عندي ضروف وهمات ماكو تفاعل عل قصة حبايبي اذا حبيتو القصة لايك حتة استمر وتعليقاتكم تشجعني وهمات صاحبة القصة كاعدة اتابع التفاعل والتعليقات
&&&&&&يلة نبدي&&&&&&
لارة: بعد الي صار عرفتة هوة عصبي بس شكلة محبوب خلصنة غدة ووديت الهم چاي وغسلت الماعين صعدت غيرت ملابس لان صار بيهم مي حسيت روحي تعبانة نمت عل چرباية مااحس الة وحد يصيح فزيت ردت اوكع
الشيخ يزن: هي يل فصلية كومي
الشيخ يزن:وجع صار  ساعة احجي شكد فاهية لخاطر الله بعد ممنوع تنامين هنا نامي عل گاع واذا لكيت نقص بشغلج تعرفين شأسوي
لارة:🥺 بس ليش انام عل گاع شنو مو بشر اني
الشيخ يزن: اهو باع راح تبجي (بگلبة) اي تنامين عل گاع لان انتي فصلية يلة كومي
لارة: 😔حاضر. جبت فراش ونمت عل گاع يا ربي ليش هيج جنت ابيت اهلي مدللة تالي هيج يصير بيه من ورة ابن عمي المجرم طبعن مكدرت ما ابجي نزلن دموعي اشتاقيت لاهلي صرت اشهك
الشيخ يزن:شلون يعني متسكتين تعبان اريد انام ما اريد اسمع صوت مفهوم
لارة:حتة اذا واحد بجة همات ميصير اووف نايمة وما احس غير بس صوتة والله راح تصير عندي نوبة قلبية من ورا
الشيخ يزن: هيي يل فصلية بعد لتكعدين منا للمغرب كومي سويلنة جاي وشوفي شغلج
لارة:اهووو. اي هسة حكوم كمت لميت شعري وغسلت ولبست شال نزلت سويت جاي وسرى مسوية كيكة ونضفت البيت كعدنة نسولف اني و سرى وغدير
اكول سرى لعد وين اهل الولد المات
سرى:حبي بيت عمو حسن عايشين ب بغداد مو هنا
لارة: هاا
بيبيتهم: خايبات ما تكومن تسون عشة ضل وكت
الشيخ يزن: محد يكوم بس الفصلية هيي كومي يلة
لارة:😡اوك
الشيخ يزن: كولي حاضر وبطلي هل فهاوة
لارة:ترة مو فاهية اني واسمي لارة لضل تكول فصلية
الشيخ يزن: لج سدي حلگج لا اكوملج يلة بلا صوت روحي للمطبخ
لارة:مخليت شي محجيتة بكلبي عليه هسة شراح اسويلهم سويت تمن برياني وياه تبسي دجاج وحضرت روبة وزلاطة وما اعرف اذا ياكلون هيجي اكل صحت سرى حتة نحط الاكل خلينة الاكل وكال تعالي هنا بعدني ممتعودة عليهم اكلت شوية وضليت كاعدة لحد ميخلص جدو
شلنة الماعين وغسلتهم صاح
يزن: وين الجاي
لارة: سويتلهم جاي وديتة اخذة سجاد مني يودي الهم
صعدت للغرفة اذكرت اهلي شنو كاعد يسوون هسة هم هم هيج مقهورين عليه نفس مااني گلبي متكطع عليهم
بعدهة نمت محسيت غير شخص يغطيني ورجعت نمت
يزن: جيه صديقي حسام هذا صديقي المقرب كلش اعزة كعدنة بالديوان
حسام: شلون الاحوال
يزن: والله ما اعرف شكلك بعد بلوة وطاحت علية
حسام:الله كريم يخوية
يزن :الله كريم. بقينة كاعدين نتعلل ل12تقريبا راح
حسام ودخلت للغرفة اشوفهة نايمة بلاغطة وبعدهة الشهكات تطلع غطيتهة وبقيت اكلب بالتلفون ورة شوية كعدت مرعوبة وتصيح
لارة: شفت كابوس كلش يخوف ناس هواي وحريق صاير وضجة ووجوه تخوف اصيح عليهم حتة اعرف شكو محد يرد فزيت مرعوبة شفتة كاعد يمي ذبيت نفسي بحضنة وابجي اكو غصة بكلبي نفسي مخنوك
يزن: اهدي اهدي كابوس هذا اهدي ذبت نفسهة بحضني تكول نفسي مخنوك اخذتهة عل جرباية ونطيتهة مي شربت هاا هسة احسن
لارة: احسن حباب ضل هنا اخاف وجوهم محلوة تخوف
يزن: مارايح بوية يمج انة منو همة الموحلوين
لارة:همة ذولي الشفتهم وجوهم محروكة والنار بكل مكان خايفة
يزن وهوة يحضنهة: ماكو شي بوية يلة نامي انة يمج
غفت بحضني وبعدهة نمت حسيت الصبح الشمس طالعة باوت الساعة ب9 طفرت هية فزت
لارة: يمة شنو رجع الحريق مال البارحة
يزن:ياحريق عندي كعدة ب8وهسة ب9ليش محد كعدني
لارة: ما اعرف شنو احجي باوعت اني وين عل جرباية اذكرت الصار البارحة بقيت صافنة
يزن: الووو السلام عليكم شيخ عادل اعذرني بوية صارتلي شغلة ماكدرت اجي لالا مشكور متگصر ممنون منك شيخ.كومي انتي شبيج بس تتصفنين حضريلي ملابس وجهزي الريوگ
لارة: حضرتهن ونزلت اسوي الريوك جانو سرى تنضف بالمطبخ
............
سرى:كعدت باوعت الساعة 6شبعانة نوم اخت التلفون ونزلت للمطبخ اكل شي جوعانة فاتحة الثلاجة اباوع شنو اسوي واحد حضني من ضهري باوعت سجاد صباح الخير حبيبتي. صباح النور عمري
سجاد:شدتسوين
سرى: جوعانة نزلت اكل شي
سجاد :سويلي وياج عمري
سرى: تمام . شنو تريد اسويلك
سجاد:الي يعجبج حبيبي
سرى: اسوي مخلمة
سجاد: كلشي من ايدج طيب بوية.اكلج عمري ارجع اطلبج من يزن والله مليت
سرى: وهية تكمش ايدة اجلهة شوية حبيبي نفسيتة تعبانة هل فترة مو تشوف الضروف
سجاد: وهوة يهز راسة بتفهم تقربي اكلج شغلة تقربت بست خدهة بوية اريد اصبح بوجهج ابوس خدودج ماكادر انطر هواي نطرت
سرى:وهية مستحية. الي تشوفة صح سوي
سجاد:بنيتي التفتهمني
سرى:اسوي ريوك وجوي جدو وبيبي وكلهة نجمعت سجاد سوة نفسة هستوة كاعد ههه
الجد:بوية شو الشيخ ماكاعد موعندة كعدة
سرى:ما اعرف جدو خاف تاجلت
الجد:ماادري والله يلة استعجلولنة عندي مشوار اليوم تداومون
سرى وسجاد:لاجدي اليوم منداوم
الجد:شو ثنينكم مداومون 😑
سجاد:وهوة يحك راسة خجلان موجدي اليوم ماكو محاضرات عليش متعبين نفسنة
سرى:اي صح جدو وهم كلت انسوي حملة تنضيف عل بيت تباوع لسجاد مبتسم
بيبي راحت بغرفتهة ترتاح وغدورة للدوام وخالة راحت للسوك اتجيب غراض غدورة محتاجتهن جدي وعمي عدهم شغلة سجاد راح للديوان كعدت اعزل المطبخ نزلت لارة
لارة: صباح الخير
سرى:صباح النور عمري
لارة:هسة شسويلة ريوگ.اكول سراوي الشيخ شنو اسويلة ريوگ
سرى :عادي سويلة بيض وجبن
لارة: سويت بيض وخليت قطع الجبن بماعون وسوين خيار وطماطة رتبتهن نزل هوة تريك وطلع جلفنة البيت كلة اني وسرى خطية هم ساعدتني ونسولف. حجتلي علاقتهة بسجاد ويريد يخطبهة رسميا من يزن شكد حلو شخص تحبة وتتزوجة نزلت دمعة من عيني اني ماحسيت بهذا الاحساس ومراح احس اصلا 
سرى:شبيج حبي. كلش نقهرت عليهة حسيتهة نقهرت الله يرزقهة السعادة ويلين كلب يزن عليهة
لارة:مبية شي يلة حبي حروح اسبح واجي حتة اطبخ الغدة
سرى:تمام عمري
لارة:سبحت ومشطت خليت شال علة راسي ونزلت اسمع اصوات عبالك عركة بعدني اخر باية بالدرج محسيت غير مرة هجمت علية
المرة:هي انتي يل فصليه الله ياخذج وياخذ اهلج الله لايوفقكم ولاتشوفون الراحة الله لايرضى عليكم وتضرب بلارة
لارة:ملحكت حتة ادافع على نفسي وسرى متكدرلهة  محسيت غير شالت المزهرية ضربتني وبعد محسيت بشي