غزل: صار الصبح وطلعنه ليث ورجعنه للبيت محمد واحمد راحو صعدت سبحت وبدلت وطبعت هدوم ال ليث وطببتهن بل حمام
ليث: طلعوني من المستشفى ورجعت للبيت وغزل زعلانه عود لان كلت لخواتي حبيبتي وغلاتي اني هم رح اكلله ذني كلهن بس مو هسه خل تنتضرني شويه صعدت فوك كتله .. غزل حضريلي الحمام خل اسبح
غزل: محضر
ليث: زين اني جرحي بعده اخضر ومخيط تعاي سبحيني
غزل: والله ياحبيبي عدك ايد ثانيه واسب بيها هاي اولا ثانيا اني سبحت قبل شويه واخاف عله هدومي ليتبللن
ليث تقربت منها ومعدت كباله: حبيبتي تره انتي مرتي ودلعج عن دلع خواتي يختلف يعني هسه اذا اريد ادلعج اكدر حته لو مخيط شدكولين واعيد سبحج همين
غزل: هااا لا حبيبي اني مزعلانه وانته جرحك جديد كوم خل اسبحك مو ردت تسبح
ليث: يله بس ها انتضريني يومين بين ميجف جرحي شويه وغمزتله
غزل: ههههه اي ديله عود الله كريم ..طبيت سبحته حاولت ماجيب ابمي عل جرح وكملت غيرتله ملابسه وجففت شعره وراح نام غطيته وشغلت السبلت وطفيت الكلوب ونزلت ساعدت البنات بشغب البيت وسويت الغده وصبيته وصعدت دكيت باب الغرفه مال عمو وكتله ينزل ورحت للغرفتنه
غزل: ليث يله حبيبي كوم التغده يله كوم
ليث: هسه شويه وانزل
غزل: كوم صبيحت الاكل رح يبرد ودينتضرونه جوه
ليث: يله كمت شهل ازعاجات
غزل: هااا يعني هاذا ازعاج
ليث: واحله ازعاج وبستها بخدهة ونزلنه تغدينه وكملنه
غزل: كملنه الغده لمينه الاماعين وغسلناهم وصار اليل واهلي يردون يجون اني خفت بس كلت الله موجود واله اجوي اهلي وسلمو عله عمو وسلمو عله ليث وتحمدوله بسلامه وجانت الاوضاع تمام جنت بل مطبخ واجاني محمد
محمد: غول حبابه عاد فضوها لسالفه الخطوبه بعد ماتحمل
غزل: تمام اني رح احجي ويه ليث اليوم والله كريم
... راحو اهلي وصعدنه فوك اكلك ليث
ليث: كولي حبيبي
غزل: محمد ديريد غسق علمود سالفه الخطوبه
ليث: والله نسيت ماشي اني ذاك اليوك كلت لابويه وقبل بس خل اسئل غسق بله روحي صيحيها
غزل: اوك ... رحت لغرفه البنات ودكيته هل بنات
البنات:ياهله شعجب عايفه حبيب الكلب وجايه
غزل:لا مودزني يريد غسق
غسق:اوك خل اشوفه
ليث:جنت كاعد العب بتلفون واندك الباب .. ادخل
غسق:هاا ليث رايدني
ليث:تعاي .. باعي اني اخوج واريد مصلحتج ومحمد اخو غزل خطبج شدكولين موافقه لو لا والبنيه اول وتالي لبيت رجلها
غسق:والله مادري التشوفه سوي
ليث:باعي اني معليه انتي قرارج يا اي او لا مو اني الي راح اعيش ويه محمد
غسق:موافقه
ليث:خوش يله روحي كولي لغزل ترجع مو ياخذها الواهس
غسق:اوكي طلعت ورحت للغرفه وحجيت ويه البنات وكلت الغزل ليث يريدها وراحت
ليث
صار ثاني يوم الصبح وحجيت ويه ابويه او وافق اجه احمد طلعنه ضلينه كاعدين بسياره بره خابرت محمد وكتله موافقه واتفقنه الجمعه الخطوبه
احمد: ليث اريدك بموضوع وانشالله متردني
ليث: كول حبيبي انته اخويه
احمد: باوع اني والله مو شغله اباوع عله اختك لو شي ولا اخون ثقتك بيه بس اني من شفت اختك غلا بل مستشفى عجبتني باخلاقه وسترها حته مرفعت عينها وضلت مدنكه اني اريد اخطب اختك عله سنه الله ورسوله اذا وافقت انته وصدكني اذا موافقت مازعل منك انته اخويه
ليث: والله بل نسبه اليه موافق وين الكه مثل اخويه يحافظ عله اختي بس اسئل الوالد واردك خبر والله وطبيت للبيت وحجيت ويه ابويه ووافق وكلت لغلا وافقت ورديت خبر لاحمد وكال خلي الخطوبه الجمعه ويه خطوبه محمد
