ثورة 25 اكتوبر

(البارات ٢)

نرجع لنواره......

نواره من نزلت واني بس افكر بالموقف شلون هيج سمع صوتي شكد فشلة ولا انتبهت 😶 بس شبيه ظليت ارجف ليكول زومبي طلع كبالي مو بشر
فدووه هو شلون شخصيه مبين عليه من كلامه لا وشكل شيء ثاني .... ها شكو اشو ظليت افكر بي
ها ها شكلي وكعت بغرامه 😂😂💔  وبين وبين نفسي اعوذ بالله يا حب يا بطيخ وراي سادس هذا هو الحب اولي والاخير بهل فتره اذا خلصنه سادس عود افكر احب،، بس هو والله صاك 😂 ديلا خل اروح اساعد عمه افضل من هل تمسلت

طبعا نواره مثل ما ذكرت من البصره وبيت عمها بغداد وجتي يمهم لان مرت عمها  مريضه وهم عدهم بس علي متزوج وطالع خارج العراق يكمل دراسته
وبس عمها ومرت عمها بالبيت وهي كان حلمها تدرس وتعيش بغداد وبسبب مرض مرت عمها جتي لهنا حتى تساعدها وتكمل دراستها يمهم

  نواره: ها عمتو الله يساعدج
عمة نواره: هلا بنيتي يوم شلونج
نواره : بخير دامج بخير . اخذتي علاجج لو بعدج
العمه: اي امي اخذته الحمد لله .  شنو صعدتي لحمامات مثل كل يوم كعدتي يمهن لو اليوم ماكو
نواره: هههه لا شلون ما اصعد صعدت وغنيتلهن هن وبغداد اغنيه
العمه: فدوه لصوت يمه ربي يحفظج وينطيج على كد نيتج .. عاد تدرين من جنتي صغيره امج تسولفلي تكولي نواره من جانوا يسئلوها انتي مين تكولها اني من بغداد تجذب عليهم😂😂
نواره:🙄🙄 ههههه اي عمه غير اعشق بغداد
العمه: ها بس بغداد تحبيها ؟؟؟
نواره واحبكم انتم هم شعندي غيركم انتي وعمي مثل اهلي واكثر الله يشهد
العمه : الله يخليج النه يمه ويوفقج بدراستج وافرح بيج
نواره: فدوه لهل دعوه ربي ميحرمني من دعواتج ... عمتي تردين شيء قبل لا اروح اقره
العمه : لا يوم روحي اقري اني حنام شوي بس من يأذن المغرب كعدني نصلي سوه
انواره : تدللين عمتي نوم العوافي
العمه : الله يعافيج حبيبتي

رن جهاز نواره 📞📞....
نواره : الووو ها باانه شلونج
بنين : لا شلونج ولا هلوو بسرعه احجيلي شصاير من وراي وليش مكتيلي
نواره: ها شبيج شصاير ؟؟؟
بنين: يعني تسوين نفسج متدري
نواره : شكو احجي حتى افهم
بنين : اليوم حاجين انتي ومحمد اخوي ومتعرفين واني اخر من يعلم ها ها هاي بدايت صداقه 😏
نواره: ههههههه لج عزه منو حجالج ؟
بنين: حضرت جنابه قبل شوي رجع وظل يسئل عليج واصريت  عليه يلا حجالي شصار اليوم
نواره:🙈 والله بنو جنت بالسطح كالعاده وهو جان فوك واكف يم حايط ويتسمع خوفني 😂😭💔
بنين : لج متخبل عليج مبين والله كل شوي وصافن صاير مثل جهاز (هواوي) من يصفن
نواره:😂😂😂 لا خطيه لا تحجين عليه
بنين: اووو ام لا احجي عليه ها حبيتي 🤔
نواره: ولج شهل حجي خليني بضيمي ودراستي يا حب
بنين : يروحي ربي يوفقج وطلعين احلى معدل عاد تصدكين هو هم سادس
نواره: صدوك يلا ربي يوفقه هو هم ... يلا ولج اروح اقره من اخلص نحجي
بنين : اوك حياتي باي
نواره :باي

طلع هذا صاك هم سادس د يلا كافي سخته اروح اقره احسن💜

نرجع لمحمد من بعد ما رجعت للبيت  دخلت سلام عليكم
امه محمد وبنين: وعليكم السلام هلا بحمودي
امه محمد : هاي يوم وين جنت
محمد: هسه اذا اكولها اجتمعنا علمود مظاهرات شخلصني 😖
رجعت ام محمد سئلته شبيك يوم تصفن بيك شيء
محمد : لا ماما مبيه بس تعبان شوي رحنا اني وحسين صاحبي بشغله ورجعنا
ام محمد : ها الحمد لله
محمد : اي يوم  حروح ابدل واقره تحتاجين شيء
ام محمد : لا ماما روح سلامتك