Khum Nambar 13 (Mizo short love story)

Khum Nambar 13

A Short Mizo Love Story

             KHUM NAMBAR 13
            
             ziaktu: INIROS 16, 🏹❣️

____________________

https://storyfb.com/viewtopic.php?f=8&t=12985

A hmasa in he thawnthu a mihring tarlan ho hi a taka awmlo  phuahchawp vek an ni e..... HRANG A NILO BAWK AW, CHUAN I CHHIAR HMA IN HRE TURA KA DUH CHE CHU MAW, NATNA LAM A NIA, HE NATNA COMMON VE DEUH SI HI ILO HMELHRIAT VE A TAN LOVE STORY HMANGIN KA RAWN ZIAK A NI E..... ENZOI😁😁

#mental awreness tlem
#mini horror # short story # love story

________________________

LALRINSANGI

Hospital

Bsc. Nursing pawh ka zo ve ta, tunah chuan Psychiatric Hospital a thawk turin ka tling ve hlauh mai, ka tuina lam tak ani bawk a, ka phur tawh hle ani.

Vawiin hi ka hna tan ni ani a, phur tak chuan ka hnathawhna tur lam chu ka pan a,damdawiin chu ka thleng a, ka Nurse form hain ka in thlak sawk sawk a, ka inthlak zawh chuanin satation dawhkan ah chuan ṭhu in, damlo hrang hrang chu hriatchian tumin an dinhmun kan ziah na (damlo ticket kan ti mai thin a)te  chu ka han keu thuak thuak a, thluak lam  natna chi hrang hrang nei an ni a, an natna hian an nunphung a khawih buai vek theih avangin helai hmuna lo in admit(dah lut)  hi an ni tlangpui bawk a ni.

A then chu bio-polar disorder (Maniac-depressed disorder an ti thin bawk, a changa hlim vak, a changa lungngai leh em em, mize in thlak thut thut, an nunphung buai vek thei khawpin tiang hian an awm thin), Depression(hei chu kan hre nual ang, hlim lo leh lutuk, nun ah pawh beiseina reng reng nei tawh lo, thih hial pawh pawi tilo ang chi ho kha),Maniac disorder(hlim over leh lutuk ang chi).Thluak lam natna dang dang, an hmuchhuah tawh chin ang hi chu an awm kim vek hi a ni ber.

"Awi...!!!Khum namber 13 na saw ka rap lutuk" ka  thiannu chuan a rawn ti lut mawlh mawlh a,  hlauh hmel tak chuan a thaw hlawp hlawp bawk a, khum 10 ticket thleng chauh ka bih hman a.

"Ti nge, engtin nge a awm a"ka lo ti vat a, nichin a ka kal lai pelh lai kha chuan a muhil a, a pangai vekin ka hre sia.

"Sawi pawh ka sawi ngamlo, mihring pangngai thil tih a ni theilo hrim hrim, a awm dan saw, va en ve chhin mah rawh, i hre mai ang"

Khum 13 na lam chu ka pan phei a, kan hospital awm dan hi chu hospital dang ang a ni ve lo a, damlo pakhat hi room hran theuh ah cabin room ang deuh hian an awm a, khum number angin kan sawi mai thin a, bakah kal pah hian damlo te awmna room kan kalpelh ngei ngei a ngai a, kal pahin damlo te kan hmu phei vek thei bawk a ni.

Kan ward awmdan hi a chik tan chuan a hretthiam mai theih a, nurse duty hnaih lam atangin Khum  a in tan a, duty na hnaih lam apiang chu damlo enkawl zual ngai deuh an ni tlangpui bawk thin.

Ka duty pui nu in a sawina Khum 13-na zawn chu ka thleng phei a, a chhung chu ka lut a.

Tlangval  pakhat hi tui takin a lo mu a, eng vanga lo lut nge maw anih le... Room chu ka chhuahsan leh vat a.

"U Remrem, khum 13 na ah chuan ka va kal a, engmah ka hmulo" Remremi hi kei ai a naupang daih a, mahse kei aia a training zawh hma zawk avangin, kan dan ang takin 'Ka u' ngei ngei a ngai ani.

"A muhil tawh aniang, mutna damdawi ka pe alawm"

"Engtin chiah nge a awm a, ka va kal lahin engmah ka hmu bawk  silo a"